ما بين المسئولية والحكم بالعدل
لو جات ليك فرصه وكنت في لجنة حكم في اي رياضة من الرياضات ، احكم بالعدل عشان مجهود الاولاد المبذول وعشان نفسيتهم ..
امبارح كانت معايا بطلة جمهورية ، بتعمل مجهود مش طبيعي عشان توصل للمركز الأول و تاخد ميدالية دهب ،
كل مره بتاخد فضه أو برونز .
نفسيتها محطمة ان في بنات بيعملوا غلطات في العرض و ياخدوا مركز اعلي .
طيب دلوقتي لو الغلط منها وهيا لم تؤدي صح ، اوك تحاول المرات الجايه تتحسن ، لكن لما تلاقي الكابتن معترف أنه دربهم غلط وفخور بنفسه و النتيجه أن كمان الحكم مش بتحكم بالعدل ،بيروح في الرجلين الاطفال والولاد اللي بتتعب دي .
لي كل حاجه الأهالي يحاولوا زرعها في أولادهم عشان يتشجعوا ، ييجي حد لقي نفسه حكم و في مسئولية عليه أنه يحكم بالعدل ، يحبط من عزيمتهم بالشكل ده ؟!
الشكل اللي في الصوره يوضح ازاي السلوك يتحسن
شايفه أن ليه علاقه كبيره بأداء اي كابتن في التمرين وأنه يساعد المتدربين معاه يكونوا افضل .
✨يعرفهم اللي مطلوب منهم بوضوح ،
✨يديهم المهارات اللي تؤهلهم للفوز ،
✨يسهل عليهم التمرين ، يعيد في الحركات المطلوبه اكتر من مره عشان يثبت في دماغهم اللي عاوز يوصله ليهم .
✨يقوي شخصيتهم ، بدون مقارنات مع أقرانهم في التمارين ،
✨يكون جاي التمرين وهو عنده الرغبه في التمرين بمعني بشوف في تمارين اولادي مدربين بيكونوا مهتمين جدا و يهزروا مع الأولاد و يكون حريص أنه الوقت يكون لطيف ومدرب تاني طول الوقت بيبص في الساعه ، وعاوز التمرين يخلص بسرعه ، ف ده دور النوادي والأكاديميات انها تختار المدرب اللي حابب شغله بيعمل بحب .
✨يكون متفائل و لو حصل و التمرين مكانش افضل حاجه ، يديهم باور أن اللي جاي يكون احسن بدون تحطيم فيهم .
✨كل ده يثبت للولاد اللي متدربين معاه أنهم علي #ارض #صلبه ،
يدخلوا اي منافسه وهما #واثقين في قدراتهم ، حتي لو قابلوا حكام مش علي القدر الكافي من العدل ف هما واثقين في نفسهم كفايه و معاهم اللي يشجعهم و يقول ليهم حتي لو مفيش ميداليه بس كفاية مجهودكم .
