الكاتب الاحمق الذي فضح نفسة بكتابة رواية عن جريمتة .#قصص حقيقية .

 المقدمة .

السلام عليكم ,النهاردة هكتبلكم عن اغبي كاتب لانة فضح نفسة بنفسة ,هتعرف انا لية وصفتة كدا ,يلا نبدأ .

القصة كاملة بالاحداث .

تخيل شخص يتحول من كاتب قصص وروايات الي مجرم قاتل ,وبعد الي عملة ينشر رواية ,فيها تفاصيل الجريمة الي هو عملها علي ارض الواقع ,شخص زي دا اكيد مغرور ,بتبدا قصتنا سنة 2000,كان في ثلاثة صيادين بيصطادو سمك,فلاحظو حاجة غريبة فيها شعر فعرفو ان دي اكييد جثة انسان فراحو وطلعوها واتصلو بالشرطة ,المهم الشرطة وصلت ولقو ان الجثة كانت مربوطة وكمان بعد الفحص عرفو ان  كان الشخص دا بيتعذب فترة الاول ,قبل مايموت اكيد الشخص الي قتلة كان بيكرة جدا وكان عاوزة يتعذب عذاب شديد الاول ,اصلي بعد التعذيب الي اتعذبة قعد فترة وهو بيغرق ,داغير طريقة الحبل الي هو كان مربوط بيها ,حرفيا المجرم دا كان بشع جدا ,وبعد فحص عرفو الشرطة هوية الضحية واسمة داريوش يانيشفسكي ,وكان رجل في الثلاثين من عمرة وكان بيشتغل في شركة دعايا  واعلانات ,وكان مفقود قبل شهر تقريبا ,ولما الشرطة بدات التحقيق مع اقرباءة واي حد يعرفة كل الجهد الي هم بيعملوة بدون اي جدوي ودا علشان ,ان داريوش معروف اصلا ان مفيش لية اي اعداء ومش بتاع مشاكل وراجل في حالة ,فالقضية فضلت فترة غير نشطة يعني مفيش حد بيفكر فيها مفتوحة وخلاص ,لاكن من عادة الشرطة البولندية ان هي لما بتلاقي اي قضية غير نشطة بيسلموها للمحقق تاني يراجعها ,

المحقق الجديد للقضية .

المهم في سنة 2003,في السنة دي كان الي ماسك القضية محقق اسمة ياتسيك فورونيتسكي ,وهو ماسك القضية لاحظ حاجة نسيوها المحقيقين الي كانو قبلة ,ودا علشان هو افتكر ان والدة الضحية قالت ان هي تلقت اتصال في سنة 2000شهر نوفمبر ,بس لما بحث عن الموضوع عرف ان لما المجرم اتصل كان من تيلفون عمومي يعني نهاية مسدودة ,لاكنة لاحظ حاجة تانية والي هي ان الشرطة لغايت دلوقتي مش عثرو علي هاتف الضحية ,وحاول المحقق ان هو يتبع الهاتف وفعلا لقي ان الهاتف نشط وكمان بدا ان هو يمسك طرف الخيط .وبدا يتعقب الهاتف ,ودا من خلال الرقم الي بيميز كل هاتف ودا علشان زوجة الضحية من حسن الحظ ان هي كانت لسة معاها الفاتورة ,المهم ان المحقق فعلا وصل للمصدر وعرف مين هو الي استخدم الهاتف بس اول ما مسكو قال ان هو اشتري الهاتف دا من موقع علي الانترنت ,المهم المحقق بحث وعرف ان في واحد اسمة كريستيان بالا ودا هو الي كان عارض الهاتف للبيع ,وبدا المحقق ان هو يعرف مين الراجل دا بالظبط اخيرا لقو واحد مشتبة بية ,وعرف ان الراجل دا كاتب روايات وبيكتب قصص كمان ,وفي الثلاثين من عمرة ,فقرر المحقق ان هو يقرا اخر رواية كان كاتبها الكاتب دا لقي ان هو كان كاتب الراوية عبارة عن جريمة لاكن المحقق وهو كان بيقرا وكائنة كان بيقرا احداث جريمة حقيقية ودا بسبب الاسلوب الي هو كان كاتب بية وداغير ان هو كاتب في الراوية ان القاتل اسمة كيس يعني قريب من اسمة الحقيقي,ودا غير ان في تشابة كبير بين الرواية والقضية وكمان كان كاتب في الرواية ان هو قتل بنت وذكر نفس التفاصيل الي كانت في القضية ,ازاي عرف التفاصيل والشرطة مش اعلنت علي كل التفاصيل ,فكان المحقق متاكد بنسبة 99%ان الكاتب دا هو القاتل ,بس المشكلة ان الكاتب دا مش موجود في هولندا لاء هو اول ما ارتكب الجرؤيمة سافر علطول ,المحقق قال ان هو لو راح استجوب اهلة والمقربين منة ممكن يقولوة وكدا هيفضل برا البلد علطول ,فقررو ان هم هيخلو الموضوع دا سر مابينهم 

لحظة القبض علي الكاتب المجرم.ولية قتل الضحية ؟؟

المهم اخيرا في سنة 2005,تم القبض علي الكاتب كريستيان ,حقوو معاة لاكنة كان هاديء هدوء غير طبيعي يعني مكنش متوتر ولاحاجة ,ودا كمان بيجاوب علي كل الاسئلة بذكاء ومش بيديهم فرصة ان هم يدخلو معاة في اي طريق لاء دا كان بينكرؤ اي تهمة لية .وفجاءة واحد من المحقيقين قالة طب انت عملت الجريمة دي لوجدك ولا كان في حد تاني معاك ,انا عاوزة اقوالك ان هو قال لاء انا عملت الجريمة كلها لوحدي هو اصلا كان عندة شخصية نرجسية وداغير ان هو فاكر نفسة ان هو المسيطر وان هو فخور ان هو عمل كل دا لوحدة ,المهم ان اول ما اعترف وقال كدة جاتلة حالة رعب وقام اغمي علية وقال اتصلو بالاسعاف لاكن الغريب في الموضوع ان هو لما فحصوة مفيش اي حاجة يعني مش بيعاني من اي مشكلات خالص هنا عرفو المحقيقين ان هو بيلعب معاهم بس ,المهم لما راح تاني نكر كل حاجة هو قالها ,راحو استجوبو اهلة والمقربين منة ,وعرفو من خلال التحقيقات دي ان هو شخص واثق من نفسة جدا وداغير المظهر الانيق الي هو بيظهر بية ,وعرفو كمان ان هو لما كان عندة 23سنة اتزوج وكان عندة ولد كمان لاكن زوجتة مش كانت عارفة شخصيتة الداخلية ان هو شخص نرجسي ومتكبر وعامل حالة المسيطر انا عاوزة اقولك ان هم كانو بيتخانقو كل يوم ,وبعد الفترة دي كان اي مجال يدخلة علشان يشتغل فية كان بيفشل هنا بقا زوجتة طلبت طلاق قانوني ,وهنا كان حاسس كريستيان بالا ان الطلاق دا بالنسبة لية زي طعنة جاتلة ,وكان دايما بيقول في نفسة ازاي هي الي تتركني انا اترك ما هي الي تتركني كان شايف حالة زيادة يعني  ,المهم ان زوجتة لقت واحدتاني ايوا زي ما انتو متوقعين كان داريوش ذات نفسة ,المهم المحقق عرف طرف الخيط ,وعرف لية عمل الجريمة اكيد الموضوع واضح يعني 

الحكم علي الكاتب المجرم.

المهم بقا ان كمان في اكثر من الدليل دا الي هو اعتراف صديق كريستيان قال ان هو لما كان معاة وفي ليلة راس السنة اعترف لية كريستيان وهو كان بيشرب الكحل والممنوعات قال لصديقة ان هو قتل حبيب زوجتة الجديد ,هنا افتكر صديقة ان تاثير بس من الي هو بيشربة ,بس راح اعترف اول ما عرف ان فعلا هو القاتل ,بس كدا كل الادلة كانت ضدة ,بس لغايت يومنا هذا كريستيان مش اعترف ولغايت دلوقتي بينكر ان هو عمل الجريمة ,وتم الحكم علية ب25سنة فقط ,اكيد دلوقتي انت مستغرب قاتل زي دا قتل شخص بطريقة وحشية وكمان قبل ما يخلص علية كان بيعذبة ,هقولك ان دا نظام في الدول الاوروبية  ,المهم ان هو في سنة 2032 راح يطلع من السجن وكمان لما يطلع لية حق ان هو ياخد ارباحة الي في البنك وهي ارباح الرواية الي هو كان كاتبه.

الخاتمة .

بس كدا ياصديقي نكون وصلنا لنهاية المقال ,انا عوزة اقولك ان القصة دي مؤثرة جدا  بدون اي مبالغة الاحداث الي حصلت كانت صعبة جدا ,اللي اللقاء نتقابل في مقال جديد.احب اوضحلك ان انا مش نسيت موضوع المجاءة بس انا عاوزة اعرف مين فعلا الي بيحب مقالاتي والي بيتابعني اول باول ,علشان كدة انا فجاءة هقول مين الي كسب في التعليقات تمام كدة .

بقلم الكاتبة :Habiba salama