اذكي عملية سرقة في اليابان ,سرق 300مليون ,امام اعينهم ,ولم يتم القبض علية حتي الان
المقدمة .
السلام عليكم,النهاردة هكتبلكم عن اغرب واذكي عملية سرقة انا عاوزة اقولك ان عملية السرقة دي حصلت في اليابان ,وكمان الاحداث غريبة زي ازاي سرقو البنك ؟وازاي مسكو اللصوص ؟كل دا هوضحولك .يلا نبدأ.
القصة كاملة ,واحداثها .
القصة دي بدات في سنة 1968,في الوقت دا كانت اليابان بتشهد نهضة اقتصادية كبيرة ,ودا بسبب قيادتها للثورة التكنولوجيا في العالم ,فأكيد في الوقت دا هيكون في فلوس كتير ,اصلي وقت زي دا هيكون في في البنوك والمصارف فلوس كثيرة جدا ,فكانت هدف ممتاز للصوص .وفعلا تم اكثر من عملية سرقة لبنوك في اليابان في الوقت دا ,لاكن عملية السرقة الي انا هكتبهالك دلوقتي هي اغرب واذكي عملية سرقة من بينهم بدون اي منازع .بتبدا الاحداث مع مدير البنك الي موجود في عاصمة توكيو ,كان اسم البنك دا نيهون تراس بان ,المدير صحي كالعادة ,علشان يشيك علي صندوق البريد بتاعة الي كان موجود في البيت ,معروف ان صندوق البريد بيكون في رسائل من الاصدقاء مثلا وفواتير الكهرباء ,الغريب في الموضوع ان هو لاقي رسالة غريبة ,ولما فتحها اتصدم ,علشان الرسالة دي كانت عبارة عن تهديد ,كان مكتوب فيها ان هو لازم يجمع مبلغ حوالي 300مليون ,وكمان لازم يجبهم في مكان معين ,حرفيا الموضوع غريب ,ومش كدة وبس لاء دا كمان هددة ان هو لو مش جاب الفلوس المطلوبة هيفجر بيتة بالديناميت ,المدير خاف اول ما قرا الرسالة ,اكيد حاجة طبيعية ان اي حد يخاف لما تجيلة رسالة زي دي ,راح المدير بلغ الشرطة علطول لاكنة اكتشف ان في رسائل مشابهة زي دي كتير بتجيلة علي البنك وكمان علي البريد بتاعة ,وكلها فيها نفس الكلام ونفس التهديد ,هنا بقا الشرطة قررت ان هم لازم يراقبو البنك والبريد بتاع المدير ,علشان يعني لو صاحب الرسالة المجهول قرر ان هو ينفذ تهديدة .وكمان المدير قال للموظفين الي عندة علي التهديد دا علشان يعملو حسابهم كويس ,طب انت هتيجي دلوقتي وهتسألني ازاي هم مش وقفو الشغل لغايت يعني ما الامور ما تكون مستقرة شوية ,هجاوب عليك وهقولك ,ان دا اليابان مهما الدنيا راحت فوق او تحت الشغل عندهم حاجة مقدسة ,مش ينفع ان هم يوقفو الشغل بتاعهم حتي لو اية ,المهم بقا نرجع لموضعنا .بعد ايام من التهديد كان البنك مضطر ,ان هو لازم يبعت مبلغ حوالي 300مليون,تحديدا في يوم 10 ديسمبر سنة 1968. لشركة اسمها توشيبا طبعا الشركة دي لتكونولوجيا وكمان شركة معروفة,وفيها عدد كبير جدا من الموظفين . وكان لازم ان بنك نيهون هو الي هيروح يسلم فرع توشيبا الفلوس ,فالمدير عين اربعة من الموظفين انهم هم المسؤلين عن تسليم الفلوس .المهم اخدو الفلوس في ثلاثة حقائب وركبو في سيارة تبع البنك
عملية السرقة ,الخطة الذكية .
المهم وهما في الطريق ,لقو واحد شرطي وقفهم وقالهم ان بيت المدير اتفجر ,فالموظفين استوعبو ان الي كان بيهدد المدير فعلا نفذ تهديدة ,بعد كدا قالهم الشرطي ان في عدد من المصابين وكمان ممكن يكون ان هو زارع قنابل في السيارات الي تبع البنك ,وقالهم ان هم لازم يتاكدو ويشوفو كويس اصلي ممكن يكون في قنابل تحت المقاعد ,الموظفين قلقو جدا وبدا يدورو تحت المقاعد ,والشرطي نزل تحت السيارة بحجة يعني ان هو لازم يشوف لو كان في حاجة تحت ولا لاء ,وفجاءة طلعت دخانة من تحت السيارة .هنا الموظفين استوعبو ان دي اكيد القنبلة الي في السيارة والشرطي الي كان تحت قام وفضل يصرخ ,والموظفين فتحو باب السيارة علشان يتخبو في اي مكان علشان كانو فاكرين ان السيارة هتنفجر ,واول ما بعدو شوية ,لاحظو ان مافي حاجة اتفجرت ,بصو لقو ان السيارة والشرطي اختفو تماما ,شوف الذكاء ,اختفت السيارة .هنا افتكرو الموظفين ان الشرطي الشجاع اخد السيارة وحاول ان هو يوديها بعيد علشان هي هتنفجر ,اتصلو بالبنك علشان يرد عليهم المدير ,وعرفو ان بيت المدير مش اتفجر ولا حاجة وكلو بخير ومفيش مصابين اصلا,اتصدمو ان الشرطي الي كلمهم دا كان هو ذات نفسة اللص ,بلغو الشرطة والشرطة وصلت للمكان ,انا عاوزة اقولك ان هو كدة سرق 300مليون ودا عدد كبير ,وكان نفس العدد المطلوب من الشخص المجول ,وبعد مالشرطة ماوصلت للموظفين .
الادلة التي تركها خلفة .
الشرطة لقت ان اللص دا سايب ادلة كتيرة جدا وراة ,يعني زي الدراجة الي هو سابها كانت دراجة عادية مش تبع الشرطة ,بس هو كان ملونها ومظبطها كمان ,المهم في الموضوع ان الشرطة قررو ان هم هيفتشو اي سيارة لو نها اسود ,بس اللص كان اذكي من كدا بكتير علشان هم عثرو علي السيارة كانت في مقابر قريبة ,وكمان في علامات لسيارة تانية ,اكيد فهمت الي حصل ,ركب سيارة تانية ,فقررو ان هم هيفتشو كل السيارات ,اصلي المبلغ الي هو سرقة دا مش قليل ,والخبر اتنشر تاني يوم في الصحف ,لاكن الناس استغربو جدا مش علي المبلغ الكبير الي اتسرق لاء دا اعجبو بالطريقة الي سرق بيها اللص من غير ما يأذي حد وكمان الطريقة كانت ذكية جدا .وبرغم ان هو ساب وراة ادلة لاكن كلها مش بتأدي لحاجة يعني الشرطة فضلت تتدور علي مصدر الدراجة وعلي الحاجات الي سابها لاكن كل مرة كانو بيوصلو لنهايات مسدودة ,اصلي اللص كان سارق الحاجات دي اصلا .والشرطة رسمت ملامحة وعلقت صورة ,ونشرو الصورة وطبعوها اكثر من 700الف مرة .وكمان كان دا اضخم تحقيق تستلمة الشرطة اليبانية في الوقت دا ,وعلشان كان عدد المتشابة بة كان اكتر من 110الف شخص تخيل العدد دة مشتبة بية .وعاوزة اقولك ان التحقيق كلف اكتر من 900مليون بدون اي مبالغة ,يعني هم كلفو اكتر من الفلوس الي اتسرقت بضعفين ,هتيجي وتسأل طب لية الشرطة كلفت فلوس اكتر علشان تبحث علي مبلغ صغير ولية يكلفو نفسهم اكتر ,هقولك ان الشرطة كانت عايزة بس ان هي تثبت قوة الامن والنظام ,علشان اللص دة لو مش اتمسك والقو القبض علية فكدا سيؤدي الي كثرة اللصوص ,وهيظهر العديد منة .
المشتبهين بهم الاساسيين .
هقولك ان في مشتبة بة كتير ,لاكن كان في ثلاثة مشتباهين اساسين ,انت ذات نفسك هتتصدم لما تعرف هم مين ,اول واحد منهم وهو مدير البنك ,اية دا ازاي بقا ,مش تستعجل لو انت فكرت كدا ,المفروض ان توصيل الفلوس دا بيكون امر سري يعني مش عارفة غير الموظفين والمدير والي في شركة توشيبا .المتهم التاني,ودا بقا قصتة مؤثرة وهتعرف لية بعد شوية , اسمة تاكينكا شوجي,كان يعمل سائف تاكسي ,سبب الاتهام ان هو عايش قريب من عملية السرقة .المشكلة في الموضوع ان اول ما اتسرب خبر ان دا واحد من المشتبة بهم الصحفين كتبت عنة في الصحف والكل خاف منة وسمعتة بقتوحشة خالص ودا غير ان اصدقاءوة تخلو عنة وبعدو ,وهو اتصاب بالاكتئاب بعد كدة انتحر ,المتهم الثالث اسمة ساتو يوشيرو,كان اصلا لص لانة كان مقبوض علية قبل كدة بتهمة سرقة سيارة .وابوة كان شغال شرطي والله انا مش عارفة اية العلاقة مابينهم يعني ابوة شرطي وابنة طلع لص ,والله حاجة غريبة .المهم ,وكانت ملامحة شبية للصورة الي معاهم .بعد ما خلاص شكو فية ان هو دة خلاص وهيتم اعتقالة .لقو مات وصنفوة عملية انتحار .المهم ان لغايت دلوقتي دي من القضايا التي لم يتم حلها لان بعد سبع سنين الشرطة قفلت التحقيقي في القضية ,وكمان بعد سنين عفو عن اللص يعني حتي لو طلع وعرف بنفسة مفيش اي حد هيقدر يعملة حاجة .بس لغايت يومنا هذا لم يعلم اي شخص من اللص الحقيقي.
خاتمة.
بس كدا ياصديقي نكون قد وصلنا لنهاية المقال اتمني ان ينال اعجابكم .اللي اللقاء نتقابل في مقال جديد .صح نسيت اقولك في مفجاءة بس انا مش هقولها دلوقتي ,بس المتابعين بتوعي هيفرحو جدا لو عرفوها هقولها قريب ان شاء الله ,بس كدا ياصديقي نتقابل في مقال جديد.
بقلم الكاتبة: Habiba salama
