اخطر سفاح في امريكا انهي حياة اكثر من 909 شخص ,لكن قدرت بنت تهرب منة وفضحتة .
المقدمة .
السلام عليكم ,النهاردة هكتبلكم عن ,اخطلر سفاح في امريكا ,مش كدة وبس لاء دا كمان في طفلة عرفت ان هي تهرب من السفاح دا ,قس امريكي مشهور جدا ,اسمةجيم جونس كان باني قرية صغيرة ,في امريكا الجنوبية كان عايش فيها هو و1000شخص من اتباعة ,وفي يوم 18 نوفمبر سنة 1978,القس دا ارتكب جريمة هزت العالم كلة حرفيا ,علشان هو دعي كل اتباعة في غرفة الاجتماعات وقدملهم عصير فواكة وبعد ماشربو العصير قالهم ان العسير دا كان في سم ,وهم كلهم هيموتو بعد 30 دقيقية بالظبط وعمل مسجل صوتي يوثق فية اخر 30 دقيقة من حياتهم .ولما الشرطة وصلت لقت جثة 909 شخص الا اتنين بس لسة علي قيد الحياة .فما القصة ؟يلا نبدا.
قصة اخطر سفاح في امريكا .القصة كاملة ,واحداثها المرعبة .
في 13 مايو سنة 1931,اتولد الطفل جيم جونس في عائلة فقيرة في امريكا ,ومن هو صغير كان متأثر جدا بالفكر الشيوعي ,فانضم للحزب الشيوعي سنة 1951,بس في الوقت دا كانت امريكا من اكتر الدول المعارضة عن الفكر الشيوعي وعيبو علي جيم ومنعو من نشر افكارة ,جيم غضب جدا وكمان قرر ان هو هيبني كنيسة لنفسة واول ما بناها عمل مؤتمر كبير جدا ,وجاب في ناس دينين مؤثرين علشان يجلب الناس وكان عندة الكارزيما الخاصة بتاعتة وكمان كان بيدعي ان هو بيعمل المعجزات زس ما جاب وحدة مشلولة وخلاها تمشي قدام الناس وفي الحقيقية يا اصدقائي ان الي مسيت دي كانت من السكرتية بتوعة وهو اتفق معاها علشان بس يعملو المشهد دا قدام الناس ,وبدا جيم ان هو يقول للناس كلام مؤثر علشان يكونو معاة الي هو بيقولهم يعني ان احنا كلنا بشر واحد لازم نحب بعض ومفيش حاجة اسمها عنصرية ,بدا الناس الي معاة يزيدو يعني في الاول كان اتباعة بالعشرات دلوقتي بقو بالمئات ,لاكن الصحفيين بداو ان هم يعملو اخبار ويكتبو عن جيم واجتمعاتة المشكوك فيها ,وعلي اسلوبة السيء مع الاعضاء ,وبعد كدا طلع اعضاء سابقين كانو في المعبد وقالو ان جيم كان كان بيجبرهم علي ان هم يبيعو بيوتهم علشان ياخد الفلوس للمعبد,اول ماجيم لاقي ان في كلام كتير عنة ودا غير كمان ان الشعبية واتباعة قلو جدا ,فقرر ان هو هيبني معبد في مكان تاني علشان مش يكون علية رقابة ,ويقول كمان كل الي هو عايزة .وفعلا راح في امريكا الجنوبية وبني معبد خاص بي في ديانا ,وعلشان اتباعة بيحبو وبيثقو فية جدا اتنقلو معاة من غير تفكير ودا كمان سمي المعبد معبد الشعب الزراعي ,الي اتغير اسمة بعد كدا ,المهم في الموضوع ان من اهم الاسر الي اتنقلت مع جيم هي عائلة باركس والعيلة دي كانت مع جيم لمدة 7سنين كاملين , واول ما قال ان هو هينتقل هم كانو من اول الاسر الي راحت معاة وقعدو معاة حوالي 7شهور ونص ,لغايت مافي كلام كتير جدا اتقال عن جيم ان هو بيحبس الناس هناك وكمان اي حد بيفكر ان هو يمشي جيم بيعذبة وبيمنعة ,لغايت ما الخبر دا وصل للسينتور الامريكي ليور لين ,وقرر ان هو هيروح بنفسة ومعاة شوية من المصورين والصحفيين علشان يتاكد ان كان فعلا هو حابس الناس دي ولا هم عايشين معاة بأرادتهم ,وفعلا سافر بالطيارة وراح المعبد ,لاكن اول ما بيدخل المعبد بيتفاجيء من المناظر الي جوة مكنش متوقعها الناس جوة بترقص وتغني وكمان كل الاطفال الي هناك فرحانين والابتسانة علي وجوهم ,بس حس ان في حاجة غريبة وهي ان الي في عين الاطفال بيقول حاجة تانية يعني حاسس ان في حاجة غريبة او في حاجة غلط ,وفي واحد من الصحفيين كان قاعد بليل واحد قرب منة واعطي لية ورقة وجري بسرعة الصحافي قرا الورقة لقي مكتوب فيها ساعدنا الي احنا نطلع من جيم ,وتاني يوم بتيجي واحدة ليور وكانت ست عجوزة بتقولة ان هم محبوسين هنا اصلا ومش عارفين يطلعو ودي كانت واحدة من عائلة باركس ,عائلة باركس في الاول مكنش في اي مشاكل مع جيم دا لدرجة ان بنتهم الصغيرة ,اتولدت في معبد جيم اصلا واسمها تريسي تريسي وهي صغيرة كانت مفكرة ان جيم دا رجل ديني صالح لاكنها عرفت بعد كدا لما كبرت شوية ان دا راجل شرير
الي كان بيحصل في المعبد .
وقالت ان جيم كان بيعمل اجتماع كل يوم اربع ,كان اسم الاجتماع تطهير الشر وبيجيبو اي واحد مش مطيع وبيفضلو يضربو فية وبقية الحضور بيضحكو علية فهي كانت خايفة تعارضة او تعمل اي حاجة خطء .وقالت كمان ان هم اول ما اتنقلو معاة لقو حراس واول ما دخلو فتشوهم واخدو منهم كل حاجة ,وكمان فصلو تريسي عن عائلتها وحطوها مع الاطفال ,وجيم كان بيخاليهم يشتغلو وطبيعة الشغل كان قاسي جدا ,يعني كان بيخليهم يشتغلو من الساعة 6صباحا لغايت بليل وكمان الاكل كان قليل واحيانا بيلاقو في حشرات .وكان اصعب الليالي الي مرو بيها هي الليالي البيضاء الي بيقدم فيها ليهم عصير ,وبيقولهم ان العصير دا في سم وهتموتو بعد 45 دقيقية ,لاكن الموضوع بيكون فيك في الاخر لاكنهم كانو متاكدين ان هيجي يوم واكيد الموضوع دا مش هيكون فيك لاء هيكون في سم بجد ,وبالفعل جيم بيخلي مساعدينة ان هم يجيبو اكبر كمية من السم ,وكان بيخطط لقتل كل اتباعة وكان في واحد عارف ان دا هيحصل لاكن كان بيقول ان الهروب من المكان دا شبة مستحيل ,ودا بسبب الحراس الي واقفين علي الخارج والمداخل .وحتي لو هرب هيلاقي نفسة في غابة جيانا ودي اخطر غابة في امريكا , وجيم كان مختار الموقع دا علشان الغابة دي بالذات ,وكان بيقولهم حاولو تهربو انا عوزكو تحولو تهربو ,المهم بقا ان هو اول ما عرف ان ليور جاي يزور المعبد قالهم حاولو مش تبينو لية اي حاجة وبيهددهم ,وفعلا عملو احتفال وكدة .
عملية الهروب من المعبد ,وقتل ليور .
وبدا الناس تتجمع علي ليور وقالولة ان هم لازم يطلعو من هنا باسرع وقت ,ولما العدد كتر راح ليور لجيم وقالة ان هم عاوزين يمشو ووجة بكل حاجة لاكن جيم قال ان هم كذبين انا بعاملهم احسن معاملة ,وقال لجيم ان هو هيطلعهم من هنا وهم كانو مستنين الطيارة واحد من المخلصيين جدا لجيم جة وحاول ان هو يقتل ليور بالسكينة لكنهم القو القبض علية ,وفي واحد كان مخلص جدا لجيم جة وقال ان هو عاوز يمشي معاهم الكل اتصدم حرفيا دا مخلص جدا لية ازاي هيمشي معاهم ,المهم بقا في الموضوع ان اول ما الطيارة وصلت وبدا الناس تطلع عليهم وصل جرار مليان بناس مسلحة واطلقو النار علي ليور والاعضاء الي بتهرب معاة من المعبد ,وكمان المخلص الي كان هم شاكيين فية طلع مسدس من جيبة وفضل يضرب عشوائي علي اي حد قرر ان هو يهرب ,فالناس دخلت في الغابة علشان مش فاضلهم اي حل تاني ,ودا غير اصلا ان لسة في ناس في المعبد من اتباعة كتير كانو خايفين ان هم يمشو من المعبد ,المهم ان جيم جاب العصير وقالهم اشربو ومش اهتمو بالي حصل وفضل يقولهم ان الموت حلو واد اية كيوت وجميل المهم في واحد مش شرب وبعد ما شربو قالهم ان هم هيموتو بعد 30 دقيقية بالظبط ,وبعد مامات 909شخص خلص علي نفسة بطلقة ,وكان اتبقي ثلاثة بس في المعبد الواحد الي كان شاكك وواحد عجوز مش بيسمع وواحدة عجوزة كانت نايمة ,اما بقا الي كانو في الغابة وصلولهم الشرطة ,والطفلة تريسي كبرت وفضلت زعلانة علي موت عائلتها .
الخاتمة .
بس كدا ياصديقي قد وصلنا لنهاية المقال ,اتمني ان ينال مقالي هذا اعجابكم ,فقد بذلت في جهدا كبيرا .اي حاجة عايزني اكتب عنها يعني موضوع معين عاوز تعرفة اكتبلي في الكومنتات وانا هعمل عنة علطول .اللي اللقاء نتقابل في مقال جديد.
بقلم الكاتبة: Habiba salama
