ام شوايل ,اب بيرمي بنتة الوحيدة في البير ,فضلت عايشة في البير لمدة 33يوم .
المقدمة .
السلام عليكم .النهاردة هكتبلكم عن اب رمي بنتة الوحيدة في البير ,طب رمها لية ؟واية الي حصلها ؟وهل هي ماتت ولا لسة عايشة .كل دا هتعرفة لما تقرأ المقالة دي .انت حرفيا مش هتصدق الي انا هكتبهولك اب قلبة قاسي جدا لدرجة ان هو يعمل حاجة زي دي .وعموما يعني القصة دي حقيقية بكل احداثها .يلا نبدا .
القصة كاملة واحداثها.
بتبدا الحكاية يوم 22شعبان سنة 2010,في قرية صغيرة من السودان اسمها معوجيجا ,مع بنوتة صغيرة مبلغتش حتي 14سنة ,البنت دي عايشة مع ابوها ومامتها متوفية ابوها شغال راعي غنم واسمة احمد مختار .وبعد وفاة امها ابوها قرر ان هو هيتجوز واحدة تانية بحجة يعني ان هي تخلي بالها منة ومن بنتة الوحيدة ,لاكن الي حصل كان عكس كدا خالص علشان الواحدة الي هو اتجوزها دي مكنتش كويسة وكانت كل شوية تقول وتشكي ان البنت مش بتسمع كلامها خالص ولاكمان بتساعدها ,وهي اصلا كان معاها 2ولاد.مع ان البنت كانت بتسمع كلامها وكمان كانت بتخدم عيلها الاتنين ,وبعد كل دا بتروح تساعد ابوها في رعي الغنم ,وبرغم كل دا الاب كان عاوز يرضي مراتة فكان بيضرب البنت وهو رايح وهو جاي كان بيضربها ,البنت مكنش في ايدها حاجة غير ان هي لسة بردو بتسمع الكلام ,وكالعادة طلعت علشان تساعد ابوها في رعي الاغنام فكان بيقسم عدد الاغنام بالنص ,وهي بترعي الاغنام في المكان المعتاد ,راحت نامت تحت شجرة علشان كانت تعبانة جدا لكنها طولت خالص في النوم يعني نامت وقت طويل ,المشكلة بقا في الموضوع ان هي اول ماصحيت وعددت الاغنام لقت ان في اربع غنمات ناقصين دورت عليهم في كل مكان مش لقتهم البنت انهارت من البكاء وعمالة تفكر هتقول اية لابوها ,وخصوصا لان ابوها راجل شديد وعصبي جدا ,ودا غير اصلا المعاملة الوحشة الي كان بيتعامل بيها ,وهي بقا مروحة علي العصر كدة قابلت ابوها البنت كانت منهارة من البكاء فعرف ان اكييد في حاجة حصلت ,ولما عرف ان في اربع غنمات ناقصين الراجل كان خلاص هيتجنن وقالها انا دلوقتي هعمل فيكي اية ارميكي في البير ولا اقتلك زي امك ,البنت مكنتش عارفة او بتفكر ان ابوها ممكن فعلا يرميها في البير ,اكييد بيقول كدا في وقت غضبة يعني وخلاص ,لاكن للاسف لاء الي حصل كان عكس تفكيرها تماما ,لان كان في بير جنبهم اسمة بير ام عجيجا ام ماسك بنتة جامد وراح رماها في البير ,وبعد ما الشيطان ما سيطر علية في وقت غضبة بعد ما رماها ,اخد الاغنام وروح بيتة عادي وكئن مفيش اي حاجة حصلت .وقال بكل هدوء لمراتة ان بنتة عند اقربائها ,بس في الحقيقة البنت المسكينة كانت وقعة في البير ومفيش اي حد بيسأل عليها ,وفضلت في البئر لمدة 33يوم ,لغايت ما في ولد في عمرها بيرعي الاغنام اسمة عمر موسي ,بالصدفة سمع صوت طالع من البير الصوت كان مكتوم بس كان صوت بنت فقال بصوت عالي انت من الجن ولا من الانس لان اصلا كان في اشعات بتقول ان البئر دا مسكون بالجن فالولد كان خايف جدا ,لاكنة سمع اجابة وبتقولة ان هي انسان ,وقالتة انا بنت وقعت في البير.
عملية انقاذ البنت من داخل البئر .
الولد خاف وراح قال الكلام دا لكل الناس الي في القرية ,الناس كلها راحت علي البير وبيقولو ان كان عدد الناس الي راحت كان اكتر من 50 واحد ,اليوم الي هم راحو في دا كان عيد الفطر كان اول يوم كمان في عيد الفطر اول ما صلو صلاة العيد راحو ليها علطول ,وحاولو ان هم يتوصلو معاها ممكن تكون فعلا بنت وقعة في البير وقالتلهم انا اسمي ام شوايل بنت احمد مختار .الناس هنا اتاكدت ان هي فعلا بنت ومش جن ولا حاجة وقالو ان هم فعلا مش كانو بيشوفو البنت دي خالص ,وكان في شاب اسمة عبد الخير سعيد هو دا الي قرر ان هو هيتربط وهينزل البئر علشان ينقذها ,واول ما بينزل او حاجة بلاحظها ان الريحة مش حلوة خالص ولا تحتمل كمان افتكر عبد الخير ان هو هيلاقي البنت علي السطح شوية بما انها يعني لسة عايشة لاكنة اتصدم لما عرف ان النت تحت خالص دي في القاع ,فكان معاة كشاف ولاحظ كمان ان ثعبان كبير خالص تحت دا غير العقارب والحشارات ,المهم ان هو لقي البنت فعلا مرمية علي الارض ودا كمان رفيعة جدا ومش قادرة تتحرك خالص ,شال كل الحاجات الي عليها وحاول يحركها لاكن مكنش فية اي ردة فعل فافتكر ان هي اصلا ماتت خلاص ,بس كان في امل علشان هي حركت ايدها الشمال ,ومن كتر ما حلتها صعبة جدا كان شعرها ملتزق في الارض فقص شعرها علشان يعرف يشلها وكان شعرها في عقارب صغيرةكمان ,المهم ان هم رفعوها والبنت اتعالجت في اكتر من مستشفي ,سبحان الله ربنا اكرم البنت دي وكتبلها عمر جديد والشرطة اول ماعرفت ان الاب هو الي عمل كدا حبسوة ,لاكن البنت علشان قلبها طيب قالتلهم لاء مش تحبسوة انا مسمحاة حرفيا هي طيبة جدا تخيل كدا بعد كل الي حصلها سمحت ابوها ,بس انت دلوقتي هتيجي وهتسألني ازاي البنت كانت عايشة في البير المدة دي كلها ولسة عايشة دي قعدت 33يوم ,هقولك ان الناس بردو كان بيتسألو علي نفس الموضوع دا ,وسألو البنت ازاي كنت عايشة من غير اكل ولا ماء ,البنت كان ردها كالتالي .
مين الي كان بيودلها الاكل والماية وكمان كانت ازاي عايشة كل المدة دي ؟؟
انا عاوزة اقولك ان رد البنت كان صادم جدا ,البنت قالت ان كان في راجل بيجلها لابس ابيض في ابيض ومش قدرت توصف ملامحة ,المهم في الموضوع ان الراجل كان بيشربها لبن بملح وكمان بيشربها ماية .والراجل دا بيظهر فجاءة وبيختفي اول ماهي ما تشبع خالص يعني مش قادرة تاكل تاني ,وكان بيجلها كل يوم الا اليوم الي قبل ماتطلع فية وقالها ان دا اخر يوم هجيلك فية علشان انتي هتتطلعي بكرة ,وكانت بتقول ان هي بتحاول تسألة علي حاجات لكنة مش بيرد عليها خالص ,طب هتسألأ دلوقتي نفسك ازاي البنت دي كانت عايشة مع الحشرات والعقارب والثعبان الضخم ,وكمان ازاي لما ابوها رماها مش حصلها حاجة ,احب اقولك ان البنت قالت ان هي او ماترمت مكنتش حاسة باي حاجة خالص ,ودا غير ان الثعبان كان بيجي ويلف نفسة حوليها وبيحميها من الحشرات التانية .اناعاوزة اقولك ان بعد كل دا البنت كبرت واتجوزت كمان لاكن الي يخليك تحزن فعلا ان البنت كان بيجلها نوبات صرع اصلي الي هي شافتة بردة دا مكنش قليل ,المهم ان الحزين ان هي ماتت في نوبة من نوبات الصرع الي كانت بتجلها .
الخاتمة
القصة دي مؤثرة واحداثها كانت حزينة ومؤلمة ,لكن القصة دي بتعرفك ان مفيش اي حد يقدر يأذيك الا بأذن ربنا ,بس كدا نكون قد وصلنا الي نهاية المقال اتمني ان تكونو استفدتم من هذا المقال ,الي اللقاء نتقابل في مقال جديد.
