اذكي عملية سرقة علي مر التاريخ ,بدون سلاح ومن غير عنف .سرقة اكبر بنك في فرنسا.عملية جرزان المجاري.
المقدمة .
السلام عليكم .النهاردة هكتبلكم عن سرقة اكبر بنك ,وكمان سرقة لص عبقري جدا وكمان من غير سلاح ومن غير اي حد ما يشوفة .وكمان عاوزة اقولك ان قبل سرقة البنك دا بيوم واحد ,لو جبت اي واحد من الشعب الفرنسي وقلتلة ان البنك دا هيتسرق مستحيل انة يصدقك اصلا ,ودا علشان ان هو تحت رقابة امنية شديدة جدا وكمان باب الخزنة بتاعتة حوالي 20 طن علشان كدا الناس كانو واثيقين فية وبيروحو يحطو فية اغلي مقتنايتهم وكمان كان فية مئات الملايين ودا غير 4الاف خزينة موضوع فيها ذهب ومجوهرات وحاجات قيمة ,طب هتيجي وتسألني دلوقتي هو ازاي سرقة ؟وازاي عرف ان هو يتخطي الامن دا ؟كل دا هوضحولك في المقالة دي .يلا نبدا .
القصة كاملة .
الغريب في الموضوع ان البنك دا اتسرق من غير سلاح ,ومفيش اي حد شاف العصابة كمان ,علشان كدا اتصنفت العملية دي من اذكي عمليات السرق علي مر التاريخ .ازاي العملية دي تمت ؟ومين كان العقل المدير ليها ؟هقولك دلوقتي .
الأحداث.
في يوم 19يوليو سنة 1976الموظفين الي شاغلين في بنك socite General والي موجود في مدينة نيسن الفرنسية .كان الموظفين رايحين كالعادة يعني الشغل وكالعادة فتحو الباب الرئيسي للخزنة ففتح معاهم عادي ,واما الباب الداخي مش كان عاوز يفتح ,وحاولو لاكن يلا اي جدوي ,فامدير البنك راح اتصل بالشركة الي صنعت الخزنة ,راحت بعتتلهم مندوب علشان يفتحلهم الخزنة لاكنة حاول لاكن بلا جدوي .فامدير البنك قرر ان هو هيعمل فاتحة ,في الجدار الجانبي من الخازنة ,علشان يعني يشوفو المشكلة ممكن تكون من جوة ويعرفو يحلوها ,لاكن هم اتصدمو لما شافو الي جوة ,لانهم شافو ان الخزنة اتسرقت ,اتصلو بالشرطة ووصلت فورا ,وكبرو الفتحة ودخلو جوة .واول حاجة شافوها كانت جملةمكتوبة علي الجدار بدون سلاح بدون عنف بدون كراهية ,ولقو ثقب كمان الثقب دا بيؤدي الي نفق طولة 3متر تقريبا ولقو ان نهايتة الصرف الصحي ,وفضلو يفتشو في النفق لقو ان في معدات كتيرة جدا ,ومنها اسلاك كهربية وكشفات .ودا خلاهم ان هم يستنتجو ان الي قام بالعملية دي مجموعة كبيرة من اللصوص.الخبر بتاع سرقة البنك اتنشر بسرعة كبيرة جدا ,وكان الكل مصدوم ,والدنيا اتقلبت .والشرطة اتطلقت علي الي سرقو البنك جرزان المجاري .وكمان احب اقولك ان الشرطة مش لقت اي بصمة صالحة لاستخدام وهنا عرفت الشرطة ان الي عملو كدة مش لصوص عادية لاء دي لصوص محترفة وعارفة بالظبط هي هتعمل اية ,الشرطة عرفت ان الشغل هيكون صعب جدا عليهم ,لدرجة ان الشرطة فكرت الي سرق من جوة البنك ذات نفسة استجوبو الموظفين وكمان الناس الي كانت محفوظلها حاجات في البنك ,لاكن يلا اي جدوي .وفضلت عمليات البحث شغالة.
بدأ حل اللغز .
لغايت ما واحد من الضباط لقي ازميل احمر ففضل يشبة علية وكان واثق ان هو شافة قبل كدة مع واحد من المجرمين لاكن مكنش فاكر كان مع مين بالظبط,وفضل يفكر لغايت ما افتكر ان هو شافة مع دانيال بيروتشي .وراح قابلة وحقق معاة لاكنة مش لقي اي دليل ,فسابو لاكن كان بيراقبة من بعيد.ووصل الخبر دا للظباط الي كانو عايشين في نفس القرية ,فاظباط قالولة ان هو كان مجتمع مع اشخاص مشبوهين .فراح علطول الظابط وفتش بيتة ولاقي فية اسلاك كهربية وكشاف من نفس نوع الكشافات الي هم لقيوها وكمان كان علية وحل ودا نفس الوحل الي موجود في الصرف الصحي ,وضلو يحققو معاة لاكن مش قدرو يطلعو منة بالمعلومات الي هم عايزنها ,لاكن من الحظ الجيد للشرطة ان هم قدرو يقبضو علي اتنين من الي عملو عملية السرقة ودا بسبب ان هم كانو رايحين يبيعو سبيكة ذهب لاكن بناع المصرف كان شاكك ان هم سرقنها واول ما شاف رقم السبيكة عرف ان هي من المسروقات فاتصل بسرعة علي الشرطة وتم الاقاء القبض عليهم ,ولما حققو معاهم عرفو المرة دي ان هم يطلعو منهم بمعلومات ودا كمان قالو علي اسماء اشخاص كانت معاهم في عملية السرقة ,وفضلت تقبض علي لصوص اكتر واكتر وكان هدفها ان هي توصل للعقل المدبر ,وفعلا واحد من اللصوص قال العقل المدبر لعميلة السرقة ,هو المصور ألبرت سباجياري. ,واول ماراحو والقو القبض علية قالهم انتو بتقولو اية ياشوية مجانين ,وبيني وبينك انهم اصلا من اول لحظة قبضو علية مش كانو شكين فية خالص ,من شكلة وهيئتة كدا مش باين علية اصلا ان هو مجرم .البرت اصلا كان معرف عنة ان هو مخلص جدا لزوجتة وكمان هو شخص رمانسي ,والشرطة فضلت تحقق معاة لمدة 36 ساعة تقريبا ,وحاولو ان هم يخلو يعترف بكل الطرق الي تختر علي بالك لاكنة مكنش بيعترف لدرجة ان هم مش عرفو يمسكو علية غلطة ,لانة كان ثابت ومتزن اوي في كلامة ,فقررو ان هم هيروحو يفتشو بيتة ,ولقو في بيتة اسلحة ومتفجرات غير شرعية ,وبدات التحقيقات تسخن علية جدا ,وقالولة وهددوة لو مش اعترفت دلوقتي يا البرت هيتم القبض علي مراتك بسبب الاسلحة والمتفجرات الغير شرعية ,وزي ما انا كتبتلكم ان البرت اصلا مخلص جدا لزوجتة فعترف بكل حاجة علشان تنجي مراتة ,وبيقول ان الموضوع دا بدأ معاة من سنتين.
لما واحد جارة كان شغال في بنك socite General وكان بيدردش معاة وقالة في وسط الكلام ان خزينة البنك مش فيها جهاز انذار .ومن هنا جتلة الفكرة .وراح البنك واجر صندوق امانات وكائنة عميل عادي جدا ,وكان حاطط جوة الصندوق دا كاميرا , وطبعا الموظف بيفتحلة الخزنة ويسيبة يعيش حياتة براحتة ,البرت استغل الوقف دا وفضل يصور الخزينة من جوة ,وبعد ماخلص فضل يفكر في طريقة يعرف من خلالها ان هو يعرف يوصل للخزنة ,وكمان يقدر ان هو يفتح كل الصناديق دي ,فجتلة فكرة .ان هو يوصل عن طريق الصرف الصحي .لاكنة لما بيروح الصرف الصحي مش قدر يعرف ان هي شبكة صرف بتوصل علي البنك ,وفراح وعمل نفسة مقاول علشان يحصل علي خريطة الصرف الصحي .وفعلا بينجح علي الحصول علي الخريطة .ولاكن كان عارف ان هو مش هيقدر يعمل كدة لوحدة ,فا استعان بالصوص بس مش اي لصوص لاء دي لصوص حريفة جدا ومنهم الكربائي وتقريبا مهدنس .وقفلة الباب الداخلي علشان لو حد وصل بدري ,يلحقو يهربو ,المهم ان هو بعد ما اعترف بكل حاجة عملها ,الشرطة قالتلة لو اتعاونت معانا وقولتلنا علي اسم الناس الي معاها الفلوس ورجعتهلنا كلها مش هنخليك محبوس الا سنتين بس تقريبا لاكنة بيرفض وقال ان هو لو اتعاون معاهم ولا يوم هيقعد في السجن ,ولما جة المحامي البرت فضل يشرحلة.
عملية الهروب تمت بنجاح.
وبعد كدا جري ونط من الشباك علي عربية وكان في واحد مستنية ركب معاة ومش قدرت الشرطة ان هي تلقي القبض علية وفي موقف بقا عملة البرت بعد عملية الهروب دي ان هو بعد مانط علي العربية اتبهدلت جدا لاكنة بعت لصاحبها اعتذار و600 دولار ,ونجح البرت ان هو يسافر دولة تانية كمان وكان بيبعت للشرطة الصور وفديوهات بتاعتة ان هو يعني كدة بيغظهم وبيضايقهم لانهم مش عرفو انهم يقبضوا علية ,وعرف ان هو يعيش طول حياتة وهو هربان ,لغايت ما البرت جالة سرطان الرئة ومات سنة 1989.
الخاتمة .
بس كدا يا اصدقائي نكون وصلنا لنهاية المقال ,اتمني ان ينال مقالي هذا اعجابكم ,لقد بذلت فية جهدا كبيرا ,وعاوزة اقولك لو انت عاوز من المواضيع دي كتير احب اقولك اني عرفة قصص زي دي كتيرة جدا وكلها حقيقية عاوز زيها تاني اكتبلي في الكومنتات .اللي القاء نتقابل في مقال جديد.
بقلم الكاتبة: Habiba salama
