ظهور جنية خنشلة في الجزائر .تصرخ وتستغيث ,فما القصة ؟؟

المقدمة .

السلام عليكم .النهاردة هكتبلكم عن جنية ظهرت في الجزائر ,بسبب ساحر حضرها ومش عرف يصرفها .القصة كاملة ,وحصل اية ,هتعرف كل دا في المقالة دي .

القصة كاملة ,واحداثها المرعبة .

عمل عمل سفلي وحضر جنية وفي اشاعات بتقول ان هو خلص علي ابنها ,ومن ساعتها بتبدا تعيط وتصرخ وترعب اهل العمارة كلها ,بتدا الحكاية في محافظة في شمال الجزائر اسمها خنشلة .في عمارة متكونة من خمس طوابق في بداية الحي ,وفي نص الليل والسكان نايمين بيصحو مفزوعين علي صوت ست بتصرخ وبستغيث الصوت كان عالي جدا لدرجة ان الناس الي بيعدة عن العمارة اتلمو حوليها ,ودورا علي مصدر الصوت لقو ان الشقة رقم 2من العمارة هي الي طالع منها الصوت دا ,الناس كلهم حولو ان هم يفتحو الباب بتاع الشقة لكنهم اتفجاءو ان في باب حديد غير الباب الاول .ويعرفو اصلا ان الشقة دي مش ساكن فيها حد لان الي كان عايش فيها تقريبا من سوريا يعني مش من الجزائر اصلا ,لكن بيكونو عارفين واحد قريبة فتواصلو معاة ,وقالهم ان هو جاي في الطريق ليهم وهيجيب معاة المفتاح ,وهنا بقا بيحاولو السكان ان هم يتواصلو مع الست دي وبيقولولها طب انتي جيتي منين ؟او ازاي دخلتي هنا ,واية الي بيحصل معاكي ,وزي الاسئلة دي يعني لاكنهم مش بيلاقو اي رد علي الاسئلة بتاعتهم الا الصريخ بس ,والغريب في الموضوع ان الناس لاحظت ان دي مش ست عادية علشان مفيش نفس خالص في الصريخ ,لو انسان طبيعي ,هيجيب كل الطاقة دي ازاي .المهم الراجل وصل الي كان معاة المفتاح وفتحو الباب لاكن اول مابيدخلو الصوت توقف تماما وكاءن مفيش اي حاجة حصلت ,دورو في كل الشقة علي الست دي لاكنهم مش لقو اي حد في الشقة ,الشقة فاضية اساسا ,ساعتها الراجل الي جبلهم المفتاح اتعصب لانة جة ليهم كل المسافة دي علي الفاضي ودا غير في توقيت زي دا كمان ,وطلعهم كلهم وراح روح بيتة ,والسكان علشان ينامو لكنهم سمعو نفس الصوت تاني ,فقالو ممكن يكون الصوت جاي من اي حتة تانية لاكن كل نتائج البحث بتاعتهم بيتيجي علي نفس الشقة ,وعرفو السكان ان دي اكيد حاجة مش طبيعة لانهم دخلو وفتشو الشقة كلها ,وراحو نامو .وتاني يوم الصبح راحو لشيخ وقالولو علي الي حصل جة الشيخ وقرا قران وعمل كل الازم ,وقال ان الشقة دي مسكونة بجنية وانا هصرفها حالا وعمل كل الازم ,وصح احب اقولكم ان الصوت مش بيجي الصبح الصوت بيجي بليل بس .المهم الشيخ مشي واول ما جة بليل الصوت رجع تاني وبقوة اكبر كمان ,الموضوع مخيف ومريب ,لدرجة ان الناس مش استحملت صوت الصريخ والتعذيب دا ونزلو من بيتهم ووقفوا في الشارع حتي الحكومة وصلت هناك لكن فتشو الشقة وكالعادة مفيش اي حد الشقة فاضية اصلا ,وجابو شيوخ علشان يقرا قران حرفيا جابو خمس شيوخ علشان يقرأو القران ويعملو الازم .لاكن بدون اي جدوي الصوت لسة موجود ,وبقي بيسمعو الصوت بليل وبالصبح كمان ,لدرجة ان السكان اعتادو علية وكائنة حاجة طبيعية معتادة ,اصلي كل يوم بيحصل كدة ,وبيسمعو كمان صوت ضحك هيستيري ,وفي يوم والسكان كلهم نايمين بتشب نار فجاءة ,من العدمالي صحي من السكان في الوقت دا قال ان النار كانت عاملة زي انفجار كبير ,والسكان بيهربو كلهم برا العمارة ,وراحو جابو شيوخ تانية وفي شيخ قال ان في حد عمل طقوس في الشقة دي طقوس لعمل سفلي وحضر جنية ومش قدر يصرفها ,طب الدجال فين مفيش اي حد عارف بيقولو ممكن يكون الجنية اخدتة معاها تحت الارض وفي ناس تاية قالت ان هو بعض ماحضرها قتل ابنها فهي قررت ان هي تنتقم من السكان كلهم وترعبهم .وفي ناس قالت ان الشيخ اتكلم مع الجنية وقالتلة ان هي جنية مسلمة الصراحة الجلة دي مش متاكدين منها علشان بداو ناس ينشرو حاجات وكل واحد بيقول كلام غير التاني .

ودا غير ان في ناس استغلت الموضوع دا وراحو وقالو ان هم قبل ما يعملو حاجة هم عاوزين 10مليون ,اكيد اهالي المنطقة رفضو .وكان في عشر اسر في العمارة .بداو ان هم يبعتو مرتتهم وعيالهم في حتة تانية بعيدة عن العمارة ,والصوت كان ساعتها لسة موجود .اكييد دلوقتي انت مستني اني اقولك ان هم طلعو كلهم من العمارة وبقت مهجورة ,لاكن دا محصلش لان بعدها باسبوعين بظبط الصوت اختفي لوحدة .

الخاتمة .

طب انت هتسئل نفسك دلوقتي الصوت دا جة منين وهل فعلا كان صوت جنية ,احب اقولك ان الموضوع كان محير اوي لدرجة ان اهالي العمارة اتقسمو لنصين نص بيقول ان هي فعلا اكييد جنية والنص التاني بيقول لاء ممكن يكون خناقة علي ميراث الشقة وحبو ان هم يعملو سمعة وحشة للشقة ,في اراء تانية بتقول ان في واحد من العمارة قتل قطة سوداء علي الباب .لاكن انا طبعا مش اقدر اني اقولك ان دا حقيقي ولا اقدر اني انفي دا انا بس مجرد اني بنقلك خبر .الموضوع ليك دلوقتي .هل فعلا انت مقتنع ان هي جنية ولا لاء ؟؟ .

بس كدا ياصديقي قد وصلنا الي نهاية المقال ,اتمني ان ينال مقالي هذا اعجابكم ,لقد بذلت فية جهدا كبيرا .اللي اللقاء نتقابل في مقال جديد.

بقلم الكاتبة :Habiba salama