اغرب العادات والتقاليد في العالم .اكل جثث؟؟وعادات اغرب من الخيال اول مرة هتسمع عنها وموجودة الي يومنا هذا .
المقدمة .
السلام عليكم ورحمة اللة وبركاتة النهاردة هكتبلكم عن اغرب العادات والتقاليد في العالم ودا الجزء الاول علشان في عادات كتيرة مستحيل يعني اكتبها كلها في مقالة واحدة يلا نبدا .
اول حاجة هل تقدر انك تعيش مع جثة في البيت يعني تخيل نفسك كدا بتتعامل معاها عادي علي اساس ان هو انسان لسة عايش وتقدملة الاكل والشرب وتغرية ثيابة كمان طب ممكن تضيف بقايا من العظام بتاعتة علي الاكل لمجرد بس ان المتوفي دا يقول الخلاص او يعني ان الذنوب بتاعتة تتغفر هتقولي ياحبيبة من الغبي الي هيعمل كدا يعني هقولك لاء بيتعمل افظع من كدة وتعالي اعرفك عن الناس دي .
كل شعب ولية العادات والتقاليد بتاعتة باختلاف الاديان والثقافات,بعد ما تقرا المقالة دي هتعرف ان في عادات وتقاليد غريبة جدا مهما دماغك راحت لبعيد مش هتتخيل كمية البشاعة بتاعت الناس دي والغريب ان الناس دي لسة بتعمل العادات والتقاليددي الي يومنا هذا برغم التقدم
اغرب العادات والتقاليد في العالم .
في اندونسيا وتحديدا في جنوب جزيرة سايوسلي في هناك قبيلة التراجة في كل سنة في شهر اغسطس بالذات بيتعمل هناك اغرب عادة ممكن تسمع عنها بس ابل ما اقولك عن العادة دي عاوزة اقولك اية هو مفهوم الموت عند القبيلة دي الناس دي مش بتعترف ان الشخص دا توفي غير لما يدفنوة بنفسهم بس الغريب اي حد بيتوفي في البيوت بتاعت الناس دي مش بيدفنوة علطول لاء بيفضلو مقعيديهم معاهم بياكلو ويشربوة معاهم وبيفضلو محتفظين بية وااكنة عايش طب هتقولي ياحبيبة طب ازاي مش بيتحلل هقولك ان هم بيديلو حقنة فورمني علشان الجثة تفضل محفظة علي نفسها ومش تتحلل .بيتعملو معاة عادي جدا واكنة لسة عايش ولو الميت كان بيدخن فبيجيبولة دخان كمان .المدة شهور وممكن تكون سنين كمان .لو العيلة دي فقيرة ومش معاها فلوس الدفن لان مصاريف الدفن في سوراجا من اغلي مصاريف الدفن في العالم ومن ضمن مراسيم الجنازة عندهم ان هم بيدو الميت هدايا وبعد ما الجنازة ما بتخلص بياخدو الجثة يدفنوها في القبور المعلقة القبور المعلقة دي بتكون عبارة عن تجويف جوة الكهف بيكون متعلق من فوق ومرصوص جوة القبور جوة بعضها .ولو الميت دا مكانتة الاجتماعية عالية فالقبر يكون عالي والعكس صحيح.تعالي بقا احكيلك القبيلة دي بتعمل اية في شهر اغسطس من كل سنة الناس دي بتعمل احتفالات وخلالها تتم شق القبور وياخدو الجثث كلها وبينظفوها وكل واحد بياخد الميت بتاعة ويثبتة عند بيتة وبيتصور معاة وبعد كدة بيرجعوة تاني .الكلام دا بيطبق علي كل الميتين حتي الاطفال .
ياعم دا في مثل بيقولك اكرام الميت دفنة .لاكن الكلام دا بيكون ملهوش علاقة بقبيلة ياميمامو علشان هما عندهم المثل بيقول اكرام الميت اكلة .
ايوة زي ما قرات كدا. في غابات الامازون وتحديدا في البرازيل القبيلة دي معروفة بتصرفتها العنيفة والشديدة والعدد بتاعهم تقريبا 20 الف بس ,متقسمين لقبائل وكل قبيلة متقسمين لعائلات ,وعندهم عادة اقل ما يقال عنها ان هي بشعة ,اي ست فيهم لو ربنا كرمها بولد فهيا كدة ليها الصلاحية ان هي تنهي علي اطفالها البنات ومفيش حد هيسئلها وحتي لو مش عندها ولد فهيا ومزاجها لو هي مديقة يبقي تموت اطفالها البنات عادي بالنسبة ليهم .دا كمان عندهم ان البنت لو فضلت عايشة فبتتزوج اول ما تتم سن البلوغ يعني ممكن 11 او 13 سنة .الناس دي عندها لما حد بيتوفي مش بيدفن مش عندهم دفن اساسا .بيجيبو المتوفي ويلفو في ورق شجر وبعد 45يوم بيطلعو وبعد كدا بياخدو العظام بتاعتة وبيطحنوها علي الاكل علي اعتقادهم ان الميت كدا لقي طريقة للجنة والخلاص .
هو ممكن لو حد عندة شخص عزيز عليةيوصل بية الحال ان هو يقطع اذنة بنفسة؟؟ .
في منطقة جنوب شرق اسيا علي الحدود وتحديدا في الجزء الغربي من جزيرة تناريا بتعيش هناك قبيلة اسمها قبيلة تاني وهي من القبائل القليلة الي لسة لغايت يومنا هذا بدائية جدا ومن ضمن العادات والتقاليد بتاعتها ان الناس دي بتاكل لحم بشر بس في دراسات بتقول ان هم بطلو ياكلوها .القبيلة مشهور بتحنيط زعمائها والي هما المفروض سبع زعماء ولاكن اتثبت ان هما دلوقتي 2بس وقالت الدراسات ان عمر كل واحدة من الممياويات دي بيرجع عمرها ل250سنة .القبيلة دي عندها لما يموت اي حد بتجيب واحد من عيلتة الي هي الست ويقطعو حتة منها وهكذا مع كل واحد .يمكن يقطعو اصابعها عادي واحد ورا التاني لغايت ما يختفو عادي بالنسبة ليهم ,علشان يرضو روح الميت دا اعتقادهم هما .
واخيرا هنا قد وصلنا لنهاية المقال اتمني اكييد ان هي تكون عجبتكم وان تكونو استفدتم منها ولو عاوزين الجزء الثاني اكتبلو في التعليقات ,الحمدللة علي نعمة الاسلام بس كدا دي كانت اغرب العادات والتقاليد الي موجودة الي يومنا هذا اللي القاء نتقابل ان شاء اللة في مقال جديد
بقلم الكاتبة Habiba salama
