الهروب من الخوف

 ليه في خوف !؟

سؤال ملوش اجابة زي ليه فيه فرح ؟ او ليه فيه حزن؟ او ليه فيه

 احساس اصلا!؟ 

الحقيقة معرفش ، لكن الي متاكد منه اننا منقدرش نعيش من

 غيرهم ، كإننا آلة مش بتحس او مجرد جماد ! بس احنا مش كدا.

طب ايه الخوف دا اصلا ؟   

الخوف شعور طبيعي لكنه بيبين « الضعف » . معظم الناس بتعمل

 نفسها قوية و بتداري خوفها علشان معروف  ان الانسان الي بيبين

 خوفه  بينكسر جامد وبيزعل لإن بعض الناس بتستغل خوفه ضده.

بس  حتى دا خوف،  بنخاف نبان اننا بنخاف مع انه شعور تلقائي. ف بنخبي ونداري .

طب كل الناس بتداري خوفها!!؟

 في الحقيقة لاء ،مش كل الناس شاطرة وعندها المهارة دي  انها تعرف تخبي خوفها ، 

أقسام و أنواع الخوف.

الخوف بينقسم لنوعين : 

1) خوف شخصي خاص ب كل واحد ؛ زي مثلا الي بيخاف من الحيوانات 

2) غريزة طبيعية اتربينا عليها ؛ زي مثلا الخوف من فراق الناس الي بنحبهم ، أو الخوف من الفشل. 

و في من الخوف انواع كتير :

 الي بيخاف من الي حواليه، والي بيخاف على الي حواليه، او الي بيخاف

 يخسر ، او الي بيخاف يدخل التجربة ، او الي بيخاف يجرب حاجة جديدة

 عشان بيخاف من المجهول ، او الخوف من الضلمة ، او من

 الفشل ، او من الخسارة . 

حتى لو كان الشخص مبين انه قوي او انه طول الوقت

 مبسوط او انه شخص اجابي ، هيفضل انسان ⇐ بيخاف

زي  الي مفكر/ه انه قوي طول ما هو ماشي صح. الحقيقة

 ان كل دول بيخافو.  الحقيقة الي مش قادرين نعترف بيها : 

 ان كلنا عندنا نقط ضعف ، وانا هنا مش بتكلم عن مستوى

 ذكاءك ولا درجتك في درس الانجليزي ، انا بتكلم عن نقط ضعف

 حقيقية.

  تخيل اغلى حاجة ف حياتك بتتكسر او الناس معملوش

 للحاجة دي قيمة مثلا . لو فقدت قوتك هيبان الخوف ف عينك.

 وهيبان ايه الي بتخاف منه او عليه.

معنى كدا إن مفيش انسان قوي !!  

الشاطر الي نفسه يبقى طويل ، وميفقدش القوة بسرعة دا قوي

 فعلا. لكن الاقوى بجد انك لما تضعف ، تعرف تقوم بسرعة لان

 الاقوي انك تقوم من الكسرة. فرق كبير من انك تكون قوي وانك

 تصطنع القوة. علشان القوي الي يواجه نفسه ، ويعترف انه بيخاف ، 

 و يواجه خوفه.

 لكن الي  بيصطنع القوة ⇐ بيواجه الي حواليه اكتر. بس ف كل

 الاحوال الخوف شعور طبيعي لازم تحسه والا متفرقش عن الألة

 الي مش بتحس . 

 وللاسف في ناس لما بتداري خوفها بتضعف اكتر ، وبيكون مفكر نفسه شخص قوي ،لكن هو بيبقى أضعف.

ف واجه نفسك وخوفك وشعورك، واعرف نقطة ضعفك الي

 محدش ف الكون ينفع  يعرفها الا محل الثقة . لكن  طبيعي انك

 تخاف حتى لو مش هتبين دا بس لازم تعترف انك بتخاف وقتها

 هتعرف تواجه نفسك .