أسئلة لا يجرؤ العقل على طرحها إلا قبل النوم ✨"
هي فين الاسئلة المشؤومة!؟
س: ليه الأفكار بتهاجمنا أول ما نحط راسنا على المخدة؟
ج: عشان دماغنا أخيرًا ارتاحت من دوشة اليوم، وبدأت تفتكر حاجات اتأجلت أو هتتنسي ف لما نرمي راسنا على المخدة، العقل أخيرًا بيكون فاضي من دوشة النهار. بيبدأ يسترجع كل اللي اتأجل أو اتنسى، وبيحاول يفهمه .
س: ليه الأسئلة الصعبة بتظهر بالليل؟
ج: عشان الليل ما بيجاملش، وما بيطلبش إجابات سريعة، وبيدي فرصة للعقل يتأمل بهدوء ؛ لأن الليل ساكت وما بيضغطش، فالعقل بيلاقي حرية يسأل عن كل حاجة: ليه حصل كده؟ كنت أقدر أعمل إيه؟ وأنا عايز أروح فين؟
س: هل التفكير قبل النوم ضعف؟
ج: لا خالص، ده وعي داخلي ومحاولة نفهم نفسنا بعيد عن تأثير أي حد تاني و ساعات دماغك بتحاول تصفي يومك وتجهزك لبكرة.
س: ليه بنفتكر مواقف قديمة خلصت من سنين؟
ج: لأن بعض الذكريات ما بتموتش، وبتستنى اللحظة الصح عشان نفهمها فالليل بيخلي العقل يعيد ترتيبها، يمكن يحاول يديها معنى جديد و دى اكتر حاجه بتكون توكسيك للانسان.
س: ليه ساعات بنشك في قرارات كنا واثقين فيها؟
ج: عشان الثقة بالنهار ممكن تكون مجرد دفاع اكننا لابسين اقنعة ؛لكن بالليل بنواجه نفسنا بصراحة و على حقيقتها. كل قرار بنفكر فيه تاني بيخلي دماغنا يقيمه من كل الزوايا.
س: هل القلق قبل النوم خوف؟
ج: أحيانًا خوف، أحيانًا عايزين نطمن، وأحيانًا بيكون فراغ مننا و ساعة هطل بتبجى فجأة .
س: ليه بنفكر في المستقبل أكتر قبل النوم؟
ج: عشان العقل بيحاول يسبق المجهول، حتى لو خطوة وهمية بس ف بيكون المستقبل مجهول، والعقل بيحاول يتوقعه ويجهزه، حتى لو مجرد سيناريوهات وهمية. ده بيخلينا نفكر في خطط، مخاوف، وأحيانًا أحلام صغيرة .
س: ليه بنفتكر ناس غابت عن حياتنا؟
ج: لأن المشاعر الحقيقية ما بتتغيرش بالزمن، وبتختار اللحظة الصح و مش عايزه اتكلم اكتر من كدا في النقطه دي علشان دى قصه تانيه لوحدهاااااا لو حابين نتكلم فيها بتفاصيل اعملوا قلب 🫶🏻.
س: هل الوحدة قبل النوم شعور حقيقي ولا مؤقت؟
ج: دي لحظة صدق، بنحس فيها بالحاجات اللي أخفيناها طول اليوم.
س: ليه بعض الأسئلة ما لهاش إجابة واضحة؟
ج: لأن في أسئلة موجودة عشان نحس بيها، مش عشان نحلها.
س: هل أفكار الليل بتأثر على أحلامنا؟
ج: أكيد، الأحلام بتعكس اللي مخدناهش بالوعي.
س: ليه بنحاسب نفسنا بقسوة بالليل؟
ج: لأن العقل من غير مشتتات، بيراجع كل حاجة بحدة أكتر.
س: هل لازم نمنع التفكير قبل النوم؟
ج: لا، بالعكس لازم نهدّيه، مش نقمعه.
س: إزاي نهدّي العقل من غير ما نهرب من الأفكار؟
ج: بالاعتراف، التنفس العميق، وترك الفكرة تعدي من غير مقاومة.
س: هل الكتابة قبل النوم فكرة كويسة؟
ج: أيوه جدًا، لأنها بتطلع الأفكار من دماغك وتحطها في مكان آمن.
س: ليه دماغنا مابتريحش ؟
ج: الليل هو الوقت اللي كل حاجة فيه ساكتة، لكن دماغنا بالعكس، ساعات بتكون شغالة أكتر من النهار. الأفكار اللي طول اليوم كنا بنحاول نطنشها، أو المواقف اللي حصلت ومردناش نفكر فيها، بتطلع دلوقتي. ده طبيعي جدًا، وده السبب اللي بيخلي ناس كتير مش قادرين يناموا بسهولة.
هنصحك كذا نصيحة خليهم معاك 🫶🏻 :
حاول ما تحكمش على نفسك عشان تفكر.
خذ نفس عميق وركز على التنفس بدل ما تحاول تمنع الفكرة.
اكتب أي حاجة مزعلاك أو أي فكرة حلوة قبل ما تنام.
فكر في الأمور اللي تقدرت تعملها كويس النهارده، مش بس اللي غلطت فيها.
كانت معكم البشمهندسة نور عبدالرحيم ل اول مره في العالم دا اتمنى يكون مكان جميل ليا و ليكم و بكون وجودى مميز و شبهكم و ان شاءالله يكون في مواضيع اكتر و اسألة اكتر و اكتر لان انا زيك بفكر في اسئلة لولبية و هنكتشفها سوا بس اتمنى 💗"
