ليه الاغنياء مشاريعهم مبتخسرش ؟؟
ليه الاغنياء مشاريعهم مبتخسرش ؟؟
سؤال دائماً كان بييجي في دماغي: ليه الغني مشاريعه ما بتخسرش؟ يعني هو بيحط فلوس بس ما بيخسرش ليه؟
لأن الغني عنده النتيجة بالنسبة له مش فلوس
النتيجة بالنسبة له نجاح
مش السبب ده بس في تركاية تانية الغني دائماً عقليته إنه ينجح إنه يقول: مشروعي نجح أي كان… معاه 100 عميل معاه 50 عميل فلما بيقيسهاش بفلوس ما تلاقهوش جه قالك: أنا عملت ربح قد إيه
هو ممكن يقولك: أنا عملت فلوس كافية لمصاريف 6 أو 7 شهور
عقليته مختلفة عن عقليتك
الحاجة التانية: They don’t panic. يعني ما بيحصللهمش اللي هو إيه الحق أنا خسرت! هتلاقيه عادي
إنما إنت غلبان معاك مثلاً 50,000 أو 100,000 كل فلوسك ورأس مالك فتحطهم في مشروع فيحصلك panic
إيه اللي بيحصل؟
تبقى مش قادر تتوتر وتخرج عن شعورك وتلاقي في الآخر قرارات بشعة نتيجة إنك بتخسر فبتحاول تلحق أي حاجة
عقلية الإنسان المفروض تكون عقلية سعي وليست عقلية نتيجة
إنت اتخلقت علشان تسعى: تسعى في العبادة تسعى في الأرض في إنك تعمّر فيها في إنك تبني أثر ليك ولعيالك
عقليتك لازم تبقى عقلية سعي وليست نتيجة.
فمن أهم الحاجات اللي أنصح بيها أي واحد بيفتح مشروع:
غيّر عقليتك من إنك تستنى نتيجة فلوس لنتيجة إنك تسعى وتشوف رحلتك هتوصل لفين
لو عقليتك عقلية سعي حتى لو جيت قلتلك: إنت خسرت كل فلوسك بس عندك فرصة تبيع لعميل
البيعة دي ممكن تكبر بيها مشروعك معلش استحمل ما تاخدش أرباح سنة بس إن شاء الله مشروعك هيكسب بعد سنة
إيه اللي هيحصل؟ هتسعى
لكن لو عقليتك نتيجة فلوس هتقول: أنا هقعد أحرق وقت قد إيه أدور على وظيفة أدور على شغلانة تانية تعال نجرب إيكومرس تعال ندخل أمازون تعال دروبشيبينج
إنت عايز تروح يمين وشمال ليه؟
لإنك بتدور على النتيجة: إزاي أعمل 4000$؟ إزاي أعمل 5000$؟
دي نتيجة هل هي بإيدك؟ لا
ولو رجعت لأول سؤال: هتلاقي في الآخر إن فيه حاجات مشتركة بين الأغنياء:
1. ما بيحطش كل فلوسه بيستثمر جزء حتى لو خسره ما يتأذّاش
2. النتيجة عند الغني مش فلوس النتيجة عنده إنه يكسب سوق أو يكسب عميل
طيب إنت تعمل إيه؟
مثال
دخلك 10,000 جنيه؟ ما تستثمرش أكتر من 500 أو 1000 جنيه عشان ما يحصللكش panic
خلي عقليتك عقلية سعي وليست نتيجة
وخلي عندك قناعة دائماً: [والله فضل بعضكم على بعض في الرزق ...]
دورك إنك تحط سعيك بطريقتك بأسلوبك بالمنهجية اللي تناسبك
وما تحاولش تقلّد حد.
ما تجريش ورا اللي يقولك: أنا عملت 4000 دولار هقولك إزاي
لأن حتى لو إدّاك الخطوات والكورس مش وارد إنك تنجح زيه
إنت هتنجح إمتى؟ لما يكون عندك عقلية سعي وليست نتيجة
أنا اتمنى البوست ده يوصل ليك
لأن السؤال ده أنا قعدت فترة طويلة ما كنتش عارف أجاوب عليه
فهمته من الرحلة بتاعتي في كذا حاجة
والحقيقة إن حياتي اتحسّنت جداً جداً على المستوى الذهني لما غيرت عقليتي من نتيجة لـ سعي
أنا مش عايز أوصل لنتيجة معينة ولا هدفي يبقى معايا فلوس معينة
بقيت بقول: أنا لازم أعمل ده كل يوم أيا كان اللي بيحصل
فالموضوع اختلف تماماً قراراتي بقت أحسن بكتير ولسه… أيا كانت النتيجة اللي هتوصل..
طيب.. إزاي تبدأ تغيّر عقليتك عمليًا؟
يمكن الكلام اللي فات يبان حلو وملهم، لكن التغيير الحقيقي بييجي من خطوات صغيرة بتعملها كل يوم. خليني أديك شوية نقاط تساعدك:
1. إقبل فكرة الخسارة من البداية
أي مشروع في الدنيا ممكن يخسر. لو عقلك متبرمج إن الخسارة جزء من اللعبة، عمرك ما هتتوتر ولا هتتخذ قرارات غلط.
2. قس نجاحك بمعايير مختلفة
النهارده كسبت عميل جديد؟ ده نجاح.
جربت حاجة جديدة وتعلمت منها؟ ده نجاح.
بنيت علاقة أو partnership للمستقبل؟ ده نجاح.
الفلوس هتيجي كنتيجة جانبية، مش الهدف الأساسي.
3. خطط طويل المدى وقس قصير المدى
حط لنفسك رؤية 3–5 سنين، لكن متقيسش نفسك غير بالخطوات الصغيرة اليومية:
هل نفذت اللي عليّ النهارده؟ هل اتعلمت حاجة جديدة؟
4. إحط دايمًا safety net
لو دخلك 10,000 جنيه، ماينفعش تحطهم كلهم في مشروع وتقول "أنا مغامر". المغامرة من غير حساب اسمها تهور.
حط 5–10% من دخلك في التجارب، والباقي حافظ بيه على استقرار حياتك.
5. افصل نفسك عن النتيجة
يعني لو خسرت ما تعتبرش نفسك "فاشل". النتيجة دي مجرد رقم أو موقف، لكن قيمتك الحقيقية في اللي بتتعلمه واللي بتطوره جواك.
كلمة أخيرة
الغنى مش فلوس في البنك، الغنى عقلية وطريقة تفكير.
لما تبص للأغنياء هتلاقي إنهم بيقيسوا نجاحهم بكم عميل بيحبهم، بكم فرصة قدروا يخلقوها، وبالرحلة نفسها مش بالفلوس بس.
إنت كمان تقدر تبدأ تغير عقليتك النهارده:
إبني سعيك خطوة بخطوة.
إفصل نفسك عن panic.
وإوعى تقيس نفسك بمقياس حد تاني.
لأن في الآخر…
الفلوس نتيجة، لكن السعي هو الأصل.
