نصائح مهمه عن العلاقات
كتير مننا بيفكر انو عشان يلفت نظر الطرف التاني او عشان يحبه ده معناه انو يتقل عليه ، وفي بيفكر انو لو قل اهتمام او قل التقدير بالشخص ده هيخليه يبقي احسن بس بالعكس .
دلوقتي هشرحلكم نقط اساسيه تقدروا بيها تكسبوا الشخص اللي قدامكم وتكسبوا حبه واحترامه واهتمامه :
1- الاحترام :
الاحترام مهم جدا في اي علاقه وبيولد الاحترام المتبادل .
2- التقدير :
التقدير مهم وبيدي طاقه ايجابيه انو يكون في تقديم افضل ، لو مفيش تقدير هتلاقي نتيجه سلبيه ولو كان في تصرف كويس او حاجه كويسه كانت بتتعمل ممكن متلاقيهاش تاني بعد عدم التقدير الموضوع ده مهم لانه بيعمل خذلان ومع الوقت مش هتشوف حاجه حلوه تانيه من الشخص ده وهتسال نفسك انا عملت ايه وهتفتكر انك كده بتشجعه للاحسن بس انت متعرفش انك كده بتوصله للاسوء ولو عايزه يوصل للاحسن فعلا يبقي خليك في التشجيع شجعه وقدر مجهوده .
3- الاهتمام :
كتير مننا بيعانوا من نقص في الاهتمام وعشان كده بنلجأ لحاجات مممكن تكون مش كويسه لينا او مش صح اننا نلجأ ليها بس نصيحه لكل واحد الاهتمام مهم جدا للناس اللي بتحبوهم عشان متخسروش اللي بتحبوهم حاولوا تهتموا بيهم وتحافظوا عليهم لا تترك وردتك ليسقيها غيرك .
4- الثقه :
الثقه من اهم الحاجات اللي المفروض تكون موجوده في اي علاقه ودي طبعا اكيد في كتير عارفينها بس مش الكل فاهمها صح هيا الغيره عدم ثقه انت لو واثق في نفسك وفي شريكك مش هتغير عليه .
5- التفاهم :
طبعا التفاهم من اهم الحاجات اللي لازم تكون موجوده في اي علاقه ولازم الشخص يعرف ازاي يتعامل مع الطرف التاني حتي لو مفيش تفاهم عشان يقدر يحافظ علي العلاقه دي .
6- الحب :
وصلنا لاخر حاجه معانا وهيا الحب طبعا الحب حاجه حلوه وجميله جدا بالنسبه لبعض الناس او اكتريتهم وهوا فعلا كده بس الحب لوحده مش كفايه ولازم تتجمع الصفات اللي قولناها في الاول دي عشان يتولد الحب والصفات دي اهم بكتير من الحب هيا اللي بخلي في معني للحب وبتقدر تحافظ علي الحب لو الشروط دي موجوده لان دي شروط الحب من غيرها حتي لو في الحب الحب بيقل وبيروح مع الوقت وده السبب اللي بيخلي معظم الازواج يفشلو في انهم يحافظوا علي زواجهم وحبهم حتي لو كانوا متجوزين عن حب .
دي كل المعلومات المهمه عشان تقدر تدخل في علاقه وتكون ناجحه اتبع النصائح دي هتكون في علاقه احسن ما يكون بس اهم حاجه الاستمراريه لو هتفضي كل يوم شويه صغيرين من وقتك لشريكك بس ده هيخليك تقدر تحافظ عليه لو فعلا انت شاري الشخص ده هتعمل عشانه كده بلاش الدنيا تلهيكم عن الشخص اللي بتحبوه .
