7 خطوات مميزة لبناء إرادة قوية في طفلك”
الإرادة من أكبر النعم اللي تقدري تمنحيها لطفلك، هي إنك تعلميه وتساعديه يكون صاحب إرادة.
والإرادة هنا مش معناها عناد، ولا تمرد… لكن معناها إنه يقدر يسيطر على رغباته، يصبر على هدفه لحد ما يحققه ويواجه مشاكله مش يهرب منها.
في زمانا ده، وسط كل الإغراءات والمشتتات، محتاجين نعلّم ولادنا يقفوا على رجليهم من بدري.
تعالي أقولك … في 7 خطوات مميزة وسهلة التنفيذ ازاي نقدر ننفذ ده سوا بكل الحب.
الخطوة الأولى
1️⃣ كلماتك تصنع أو تكسر… فاخترها لطفلك.
تعالوا نكرر وننبه لخطورة ماقد تسببه بعض الكلمات التى قد تكون عفوية وبسيطة لكن في الحقيقة قد تدمر شخصية طفلك وإرادته وقدرته وامكانياته.
بعض هذه الكلمات تقال في لحظات الغضب ولايتذكرها الوالدين لكنها تسكن في قلب طفلك وتؤثر عليه على المدى الطويل.
🎀 ليه كلامنا بيأثر على إطفالنا❓🤔
لأن ببساطة الأم والأب هما المصدر المباشر والوحيد في بداية عمر الطفل لتكوين شخصيته وإكتمال نموه ..
يعنى ثقته فيك هي أول سند له في الدنيا
يعني على سبيل المثال:
لو كل يوم يسمع منك:
“أنت فاشل”
“عمرك ما هتنجح”
“مفيش منك فايدة”
أكيد هيصدق ده… ويعيشه.
لكن لو سمع منك:
“أنا واثقة دائما فيك”
“غلط بسيط… نصلّحه سوا”
“أنت شاطر وهتتغير”
هيبني جواه يقين إنه يقدر يكمل... وهيكمل.
❌سلاح الكلمات…
في كلمات بتبني وكلمات بتهد 😔😔
الكلمات مش حروف بتتقال دي حروف ومشاعر ممكن تبني فرد أو تحطمه وتهده.. حروف بسيطة عابرة بتقولها كل يوم لكن نتيجتها ماتقدرش تعرف أثرت ازاي في طفلك في إرادته وثقته بنفسه؛ ودي بعض الأمثلة:
كلمات تهدّ:
“إنت غبي”
“مش نافع”
“ياريتني مخلفتك”
وعالنقيض ممكن كلمات بسيطة تغير مستقبل وتبني شخصية من العدم.
كلمات تبني:
“أنا بحبك زي ما إنت”
“غلطتك مش معناها إنك وحش”
“أنا مؤمن بيك وهتبقى أفضل”
"أنا جنبك ومعاك"
🌹همسة بيني وبينك من القلب.
قلوب أطفالنا صغيرة وهشة لازم نحافظ عليها ونحميها؛ إحنا مصدر الثقة والآمان؛ وقبل مانقول كلام يوجعهم ويدمرهم لازم نتخيل لو حد قالنا كلمة ذي دي وإحنا صغيرين كان هيبقى إحساسنا إيه؟؟
أول خطوة نبني بيها إرادة أطفالنا إننا نحميهم من سموم كلماتنا وحروفها 🤗
الكلمة رغم بساطتها بتكون سبب في صنع مستقبل ناجح وحياه مستقرة وطفولة سليمة وسعادة لا تنتهي ☺️☺️
يتبع:
❓الخطوة الثانية في 7خطوات مميزة لبناء إرادة قوية في طفلك”
