أنا بني آدم  عادي ايه يعني؟!

للأسف السوشيال ميديا  يتحسسك إنك لازم تبقي جامد علشان تلاقي ناس تصاحبهم او تلاقي اهلك يقدرونك او علشان يبقي لحياتك معني لازم يبقي عندك قدره جينيه فتاكه مفيش منها اتنين زي العيال الصغيره اللي هما بيبقوا العباقره اللي بيطلع ناتج ٢٤٢٥٣+٢١٣٣٥٥+١٤٥٧٨ في ثانيه (ماشاء الله) (يسطي أنا في الامتحانات بحسب ٢+٢ علي الآله 😂😂❤️) الواحد مبيضمنش دماغه في الامتحانات فبيعمل حاجات غريبه 😂 او حتي يكون عندك موهبه زي انت بتعرف تلعب كوره،صوتك حلو بص لازم يبقي عندك حاجه علشان تتحب غير كده انت نكره لا شئ (Nothing يعني) (واخد بالك إن أنا أحطلك كلمه إنجليزي وسط كلام عربي تعتبر تحنيكه صعبه جداً مش اي حد يعرف يعملها😂) المهم

تفتكر يامان فعلاً إنك لازم يبقي عندك موهبه خارقه او لازم بالعافيه بتحارب علشان تبقي جامد علشان تلاقي الناس بتحبك او تلاقي تقدير من اهلك؟

الاجابه بكل صراحه هي لا مش انت مش مطلوب منك إنك تثبت اي حاجه ل اي حد خليك عادي علي طبيعتك وفكك من حوارات السوشيال ميديا دي انت ولا محتاج تكون مميز ولا نيله علشان خاطر الناس تحبك يعني مش محتاج العربيه الاخر موديل ولا تليفون آلسنه علشان تبقي قد ايه جامد ومفيش منك اتنين  خليك علي طبيعتك واللي يحبك يحبك زي ما انت اهلاً وسهلاً واللي حاسس إنك سوري (برجوازي متعفن😂) مش اي حد يقولك المصطلحات الجامده جداً دي 😂 يبقي يعم بالسلامه مش عايزين وجع دماغ  ولا ناقص تلاقي كل واحد عمال ييديلك كلمه تأثر في نفسيتك وتلاقي نفسك مع الوقت بقيت للاسف مشوه من جوا واهم حاجه خد بس كلمتين بجد وفكك من الهزار

المهم يبرو خد مني حته تنميه بشريه بس بجد ليها معني عميق جداً

(متحاولش تبقي حد غير نفسك) بجد فكره فيها

متحاوش تبقي متقلد  ولا مسخ لمجرد إنك شوفت الناس بتعمل فإنت هتعمل زيهم او تسمع لحد بيقولك كلمه تضايقك او ساعات بتوصل لناس إنهم مبيعرفوش يناموا بسبب الكلمه دي  فخليك زي ما انت وفكك من حوارات السوشيال ميديا دي