10 اشياء تنجيك من الغم و العكننة بقلم : احمد جلال كاتب علي باب الله

10 اشياء تنجيك من الموت و الاعمار بيد الله 
مما لا شك فيه ان ليس هناك خلطة سرية تنجيك من الموت ولكن هناك اسباب تؤدي بك الي الموت ان فعلناها ننجو و الاعمار بيد الله اولا: هل شربت قهوة مع سيجارة في الصباح ان كانت اجابتك نعم فحتما هذا سيؤدي بك الي جلطة في القلب او انسداد شرايين ان لم يكن اليوم سيكون غدا وان لم يكن غدا سيكون في اي وقت ان داومت علي تلك العادة السيئه عليك ان تبدلها ب وجبة فطار مع كوب شاي او كوب لبن وخلي الجسم ينبسط منك مرة من نفسه 

ثانيا: هل صليت اليوم بالله عليك لا تجيبني بي لا يمكن الواحد مننا يكون مشغول مضغوط منهك ليه لالكن صدقني مفيش حاجة هتطلعك من ده كله غير الصلاة الصلاة فيها راحة غريبة بتفصلك عن الدوشة و التفكير لانك بتبقي مع الخالق الرحيم  
وبتحميك من الوساوس برضوا يا تري فلان قال عليا ايه يا تري جيراني بيقولوا عليا كل ده اضمنلك انه هيتبخر لو واظبت علي الصلاة 

ثالثا: ماذا فعلت قبل ان تخلد الي النوم؟ هل كالعاده مسكت الموبايل وقلبت في مواقع السوشيال ميديا دون اي جدوي طاب انت عارف انه الموبايل بيطلع اشعة زرقاء بتخلينا منقدرش ننام لو مسكنا الموبايل قبل النوم ما تقلقش عزيزي القارئ عندي الحل اسمع بودكاست عن حاجة بتحبها اقرا كتاب بتحبه لحد ما تروح في النوم تامل في خلق الله اتكلم مع ولادك اتكلم مع مراتك حاجات كتير افيد من الموبايل بس انت وسع زاوية رؤيتك
رابعا: هل تفتح الموبايل كلما اتاك اشعار ؟ لو اجابتك اه .... اسمحلي اقولك انك بتشتت نفسك وانت مش ناقص تشتت عزيزي القارئ اعمله صامت اقفل الداتا مش لازم تبقي مطلع علي كل كبيرة و صغيرة ارحم نفسك شوية والله ما هتستفاد شئ و محدش هيفيدك لما تترفد من شغلك او لما  مراتك تروح بيت ابوها اصلي البيت بقي فيه ضرة الا وهو الموبايل عزيزي القارئ
خامسا: تعمل ايه لو قولتلك عالزتونة او الخلاصة .... الخلاصة في الكراسة عزيزي القارئ ايوة زي ما حضرتك قريت كدا الخلاصة في الكراسة كل ما تكون عاوز حاجة دونها في الكراسة وراك مشوار و خايف تنساه دونه في الكراسة او النوت بوك يعني دون كل حاجة في الكراسة دون كل شئ يخطر علي بالك موقف زعلك دونه في الكراسة برضوا ذكري سيئه برضوا الكراسة دون ذكري حلوة دون و دون الخ 
سادسا : تعمل ايه لو قولتلك السر في المكان القديم ايوة بيتك القديم اللي فيه ابوك وامك ربنا يحفظهم جرب تثبت يوم في الاسبوع وتزورهم فيه انت لوحدك او انت و الاولاد انشر فيهم السعاده فرحهم ما هما ياما فرحوك وياما وقفوا جمبك حسسهم انك فاكرهم مش ناسيهم انشر السعاده والخير في كل مكان مش كل ما تحصل حاجة وحشة معاك يبقي الناس كلها وحشة بالعكس ربنا عاوز يطلع منك الحلو و الحلو مش هيطلع منك غير لما تشوف الوحش من الناس زي الاسفنجة كدا عزيزي القارئ 
وفي الختام ويعز عليا اختم لو عجبك المقال استناني بكرة ونكمل مع بعض اللي بداناه ومتنسانيش بدعوة حلوة من القلب