أموالي منصة الناشرين أموالي منصة الناشرين Write · Publish · Grow
general articles

الكلمة ومدى تأثيرها

الحقيقه المش عرفنها عن الكلمة انها عمرها ما كنت مجرد كلمة بل هي سلاح زو حدين

Karem YahyaKarem YahyaAuthor 3 min read 0.00 reviews
الكلمة ومدى تأثيرها

الكلمة ومدى تأثيرها.

في كلمة ممكن نقولها في ثانيتين… وتفضل معلقة في دماغ شخص سنين. 

وكلمة تانية ممكن نقولها لشخص في وقت هو محتاجها فيه… فتفرق معاه أكتر مما تتخيل. 

الغريب إننا ساعات بنتعامل مع الكلام كأنه حاجة بسيطة جدًا… نقول: 

"يا عم ما أنا كنت بهزر." 

"دي مجرد كلمة." 

"هو يعني هيحصل إيه؟"

 لكن الحقيقة إن الكلمة عمرها ما كانت مجرد كلمة.

 لأن الكلمة ممكن تقوي إنسان… وممكن تكسره. ممكن تبني علاقة… وممكن تهد علاقة سنين.

 وممكن كلمة واحدة تخليك تراجع نفسك… وكلمة تانية تخليك تفقد ثقتك في نفسك.Kind Words, Lasting Impact.png

 وعشان كده، من أول ما الإنسان عرف يتكلم، والكلمة وهي ليها وزن. الكلمة الطيبة صدقة الكلمة ليها حساب والدين كمان علّمنا إن الموضوع مش مجرد ذوق أو أخلاق اجتماعية… ده مسؤولية. 

ربنا سبحانه وتعالى قال: {وَقُولُوا لِلنَّاسِ حُسْنًا} والنبي ﷺ قال: «من كان يؤمن بالله واليوم الآخر فليقل خيرًا أو ليصمت» لاحظ هنا حاجة مهمة… النبي ﷺ ما قالش: رد على كل كلمة. 

قال: "فليقل خيرًا أو ليصمت." يعني مش كل حاجة محتاجة رد. مش كل استفزاز محتاج إجابة. مش كل خلاف محتاج إنك تثبت إنك صح. ومش كل فكرة بتيجي في دماغك لازم تتحول لكلمة وتطلع للناس. 

أوقات كتير، أقوى رد ممكن تعمله هو إنك تسكت. وده بقى أصعب في زمننا الحالي… لأن زمان، الكلمة كانت بتحتاج وقت ومجهود عشان توصل. دلوقتي أنت ممكن تكون قاعد لوحدك، متضايق من حد، تفتح الموبايل، تكتب كام سطر، وتدوس "نشر". وفي ثواني… الكلام بتاعك ممكن يوصل لمئات أو آلاف الناس.

وهنا المشكلة. لأن الإنسان لما يكون في حالة غضب، غالبًا مش بيحسب أثر كلامه. 

هو بيكون عايز يطلع اللي جواه وخلاص. لكن بعد ما يهدى… ممكن يكتشف إن الكلمة خرجت، والناس شافتها، والشخص المقصود شافها… وساعتها مفيش زرار اسمه: "يا جماعة معلش، أنا كنت متعصب." حتى لو مسحت البوست… ممكن يكون حد صوره. حتى لو اعتذرت… ممكن الأثر يكون لسه موجود. 

وعشان كده قبل ما تنشر أي حاجة، اسأل نفسك سؤال بسيط: أنا بكتب الكلام ده عشان أنتقده… ولا عشان أنتقده؟ هتقولي اي دا ما هي هي نفس الكلمة هقولك لا فيه فرق كبير بين الاتنين. ممكن تنتقد حد عشان تساعده… وممكن تنتقده عشان تكسفه. 

ممكن تنصح… وممكن تفضح. ممكن تقول الحقيقة… وممكن تستخدم الحقيقة كسلاح. 

والفرق مش دايمًا في الكلمة نفسها… الفرق أوقات بيكون في نيتك وطريقتك. 

وعشان كده، لو عندك مشكلة مع شخص، اسأل نفسك: طب ما أكلمه هو؟ ليه لما نزعل من شخص، أول حاجة بنفكر فيها إننا نحكي للناس؟ ليه ننزل ستوري؟ ليه نكتب بوستات فيها تلميحات؟ ليه نخلي ناس ملهاش علاقة بالمشكلة تدخل فيها؟ يمكن لأن المواجهة أصعب. 

والأسهل إنك تكتب من ورا الشاشة… لكن الأصعب إنك تقعد قدام الشخص وتقول له: "أنا اتضايقت منك." "أنا فهمت الموقف بطريقة معينة." "أنا حاسس إنك بعدت." "الكلام اللي قلته وجعني." الكلام المباشر محتاج شجاعة… لكن في المقابل، بيديك فرصة إن الطرف التاني يرد. يمكن يعتذر. يمكن يشرح لك حاجة أنت ما كنتش تعرفها. يمكن تكتشف إنك فهمت الموقف غلط. ويمكن المشكلة كلها تتحل في عشر دقايق… بدل ما تكبر بسبب كلام اتقال قدام عشرات الناس. وعشان كده، مش كل حاجة تستاهل جمهور. في كلام مكانه القلب… مش ميديا. 

لكن المشكلة إننا بقينا عايشين في عالم كل حاجة فيه تقريبًا قابلة للنشر. زعلنا؟ نشر. فرحنا؟ نشر. اتخانقنا؟ نشر. اتصالحنا؟ نشر. بقينا أحيانًا بنعيش اللحظة مش عشان نحس بيها… لكن عشان نصورها.

#كن_لطيف

#كن_لطيف

Keep up with Karem Yahya

Choose site notifications, email, or both. Guests can subscribe by email without an account.

Enjoyed this article?

Share it with someone who will value it

More
Report this article

Tell our review team about a problem with this content. Your details will not be shown to the author or other readers.

Sign in to report an article

Discussion

comments (0)

Share a perspective. Start a thoughtful conversation.

add comment
loading...

please login to be able to comment