كل ما يجب ان تعرفه عن أسئلة تقديم المدارس (الأبناء) 2023
أسئلة الأنترفيو
أصبح الآن أسئلة الأنترفيو و تقديم المدارس حديث الساعة سواء كنا معه أو ضده فهو أصبح أمر واقع لابد من اجتيازه.
علشان كده أحنا حاولنا نجمع لكم من مصادر مختلفة اسئله الأنترفيو و نجمعها في موضوع واحد علشان نسهل الحصول عليها.
انترفيو التقديم للمدارس بيتقسم لقسمين:
1- انترفيو للأبناء
2- انترفيو للآباء
موضوعنا النهارده عن انترفيو الأبناء ترقبوا مقال انترفيو الآباء
انترفيو الأبناء
أ. الأهتمام بالمظهر الخارجي
ب. اختبار ذكاء
ج. تحصيل الطفل للمعلومات
د. إجتماعيات الطفل
أ- الأهتمام بالمظهر الخارجي
قد يسهو علي البعض هذه النقطه لكنها مهمه جدا حيث يتم التقييم عليها و يتم معرفه مدي إهتمام الآباء بأولادهم و لكن لا يلازم ملابس غاليه الثمن و لكن لابد ان يكون لبسه مهندم و نظيف, شعره متسرح كويس, قص الأظافر, رائحته جميله.
ب- أختبار الذكاء
- يتم تقديم ورقه للطفل و بها صفين و يقوم الطفل بتوصيل الأشياء المتعلقه ببعضها, مثلا الأرنب يأكل جزرة.
- وضع بعض الأشكل و صندوق مفرغ و يطلب من الطفل وضع كل شكل في مكانه المخصص له و هنا لو الطفل بيروح حضانه نطلب منهم يدربوه علي الألعاب دي تحت مسمي نشاطات منتسوري.
- من المهارات المهمه الذاكره حيث يقوم الممتحن بعرض بعض الكروت بها صور أو اشكال و علي الطفل تذكر اي شكل كان بهذه الكروت.
- تركيب بازل من عده قطع.
ج- تحصيل الطفل للمعلومات
و هي معرفه الي اي مدي وصل الطفل في تحصيل المعلومات.
- يسأل الطفل في هذا الأختبار عن الحروف عربي أو انجليزي.
- يطلب من الطفل عمل دائره علي الحرف المشابه.
- توصيل الحروف الانجليزي الكابيتال و السمول ببعض (Capital & Small Letters).
- الأشكال: و هنا من المهم ان يعرف الطفل جميع الأشكل الأساسية و طبعا لو التقديم لمدارس لغات يفضل معرفتها بالأنجليزي (Square, Rectangle, Star, heart, triangle, Circle).
- الأرقام و العد: يمكن ان يطلب من الطفل ان يقوم بعد الأشكال أمامه و توصيلها بالرقم الصحيح.
- دمج الأشكل بالأرقام فمثلا يطلب من الطفل عد 3 أشكل مربعه (Get 3 Rectangles).
- الألوان: مهم يعرف الطفل الألوان خصوصا الأساسيه و هنا ممكن يسأل ان يحضر 3 أشكل دائرة لونهم أحمر (Get 3 Red Circles).
- معرفه الطفل بأجزاء جسم الأنسان فيكون السؤال شاور علي عينك (Point to your Eye).
د- إجتماعيات الطفل
يسأل الطفل هنا بعض الأسئلة المهمه بيشوفوا منها هل هو إجتماعي و مدرك للكلام اللي حوليه و طبيعه شخصيته سوف نقوم بسرد الأسئلة باللغتين العربي و الإنجليزي
1- What’s Your Name? أسمك ايه؟
2- How old are you? عندك كام سنه؟
3- How are you? انت عامل ايه؟
4- Good Morning صباح الخير
5- What’s your Mother’s Job? ماما بتشتغل ايه؟
6- What’s your Father’s name? بابا بيشتغل ايه؟
7- What’s the color of your shirt? لون القميص اللي انت لابسه ايه؟
8- What’s your favorite color, food, animal, game, and cartoon? ايه هو لونك, اكلك, لعبتك,فيلمك المفضل؟
9- What do you wear? انت لابس ايه؟
10- How many sisters and brothers do you have? عندك كام اخ و اخت؟
11- Do you have a pet? عندك حيوان اليف كلب او قطه؟
12- What does your Mom do at home? ماما بتعمل ايه في البيت؟
13- What do you want to be when you grow up? عايز تطلع ايه لما تكبر؟
14- Sing English song? غني اغنيه بالعربي؟
15- What do you see in this room? شايف ايه في الاوضه حوليك؟
16- ممكن يسأل عن بعض آيات القرآن القصيره اللي حافظها
دي طبعا كل الأسئله اللي ممكن الطفل يتسألها و ان شاء الله مفيش اكثر من كده طبعا هيختلف صعوبتها من مدرسة لآخري و في مدارس حتي في تقديم لغات بيترجموا الأسئله للطفل علشان يفهم المهم انك تحاول تحفظ ابنك اهم الأسئله اللي هي باللون الأزرق
إليكم اهم جزء و هي بعض الأرشادات المهمه اللي لازم نتبعها أثناء الأنترفيو و مع الطفل قبل الأنترفيو
- من الآن و قبل الأنترفيو بفتره نفهم أولادنا اننا هنروح نشوف مدرسته لأنها حلوة و جميلة و عايزين نكلم و نرد علي الميس أو المدرسه كويس و منخافش احنا مع بعض و نطمن الطفل.
- تعويد الطفل علي مخارج الحروف الصحيحه طبعا كلنا بننبسط نسمع كلمه بطريقه الأطفال اللي مخارجها غلط بس دي نقطه مهمه جدا و عايزه تكرار و منسيبش الغلط يعدي.
- الطفل قبل الأنترفيو ينام بدري من قبلها بيومين علشان يتعود يصحي بدري و علشان يقوم يوم الأنترفيو فايق و يفطر كويس ز نعقد نهزر معاه قبل الأنترفيو.
- نأهل الطفل ان ممكن الميس أو المدرسة تاخده فصل أو مكتب اخر تعمله فيه انترفيو بعيد عنكم و في لحظه الأنترفيو تقولوا للطفل يلا روح اتفرج علي المدرسة بتاعتك الجميله مع الميس.
- لو الطفل خاف ير أو نسي أو معرفش ممنوع نهائيا الزعيق ليه أو عقابه و لكن علينا تهدئته و ان نطمنه.
هنا يكون انتهي موضوعنا لليوم و لكن للحديث بقيه مع أنترفيو الآباء تابعونا..
