إزاي ترود الكلب الشرس الجرو
طبيعي ان الجرو يعض كل حاجه من سن صغير خصوصا اول مابيبدأ يسنن بيحتاج دايما حاجه يعضعض فيها الموضوع بيبقي سهل في السن الصغير بس بعد كده هيقلب بجروح لأن الكلب مش هيعرف يتحكم في العضه
ازاي اخلي الجرو يفرق العض عن اللعب في السن الصغير ؟
١_ في الغالب الجراوي اما بتلعب مع بعض وواحد فيهم يعض التاني طبيعي انه يعمل صوت من الألم لو حس بوجع زي ميكون بيصوت كده في وقت التدريب علي عدم العض انت ممكن تقلد الصوت ده او تعمل صوت قريب منه عشان يبطل عض ويعرف امته العضه بتكون جامده
٢_ اول مايبدأ يعض جامد إرخي عضلات ايدك وقلد الصوت أو أي صوت عالي يدل علي الوجع
٣_ لو شديت ايدك من بوقه هيعض اجمد عشان متشدهاش
٤_ لو عملت كل ده وبرضه الكلب ماسابش ايدك تعمل ايه ؟
زق ايدك ناحيته جوه بوقه اكتر عشان يسيب
٥_ اهم حاجه في موضوع التدريب علي عدم العض انك متكررش الحركه دي اكتر من ٣ مرات خلال ١٥ دقيقه .الفكره من كده ان الكلب يفهم ان اللعب الخفيف بيكمل انما العض جامد بيوقف اللعب
ازاي بقي اخلي الكلب يبطل عض خالص حتي لو لعب ؟
أولا .أول ماالجرو يحاول يعضك ابعد ايدك واديله اي لعبه يعض فيها
ثانيا . عشان تبعده عن موضوع العض لازم نحط قدامه دايما لعب جذابه من المخصصه ليهم
ثالثا . ودي اهم نقطه ممكن نعمل لعبه في البيت ونحط جواها دراي فود كانوع من انواع المكافأه ممكن كوره ونفتحها فتحه صغيره ونحط جواها الدراي فود او اي لعبه تانيه موجوده نستفيد منها ونحط فيها كميه من الدراي فود.
اهم نقطه في موضوع التدريب علي عدم العض أنها تكون في السن الصغير للجرو لانه كل مابيكبر في العمر بيكون في صعوبه في التعلم كبيره عشان كده لازم نبدأ معاه الموضوع من بدري ويفضل نبدأ معاه تدريب من عمر ٤٥ يوم بكده هنسهل علي نفسنا حاجات كتير اوي من وهو عمر صغير ولازم نعرف ان الكلاب في العمر ده بتكون ذكيه جدا وبتتعلم بسرعه .
