لو بدأت تبعد 15 رسالة صايعة وذكية ترجع اهتمامها وتخليها تدور عليك وتنهي برود العلاقة فورا
لو حاسس إنها بدأت تبعد ابعت الجملة دي وشوف رد فعلها
تعبت من الردود اللي على قد الكلمة؟ حاسس إن الشات مابقاش فيه الروح بتاعة زمان، وإن أونلاين بتاعتها مابقتش ليك لوحدك؟
أصعب إحساس ممكن يمر بيه أي شاب هو إنه يحس إن البنت اللي بيحبها بدأت تسحب نفسها بالتدريج، أو إن اهتمامها قل ومنتظرة زقة عشان ترجع تاني.
في اللحظة دي، أغلب الشباب بيعملوا غلطة العمر: بيبدأوا يلوموا، أو يبعتوا "إنتي متغيرة ليه؟"، وده للأسف بيخليها تبعد أكتر.
السر كله في الرسالة المناسبة في التوقيت الصح” رسالة ترجع الفضول لقلبها وتخليها هي اللي تدور عليك.
ليه الطريقة دي بتجيب نتيجة مذهلة مع البنات؟
البنت بتتحرك بمشاعرها، وأي انسحاب منها غالباً بيكون وراه سبب من تلاتة:
يا إما حاسة بملل، يا إما حاسة إنك ضامن وجودها، أو إن فيه "تاتش" حصل وخلاها تاخد جنب. لما بتبعت رسالة ذكية (مش لوم)، إنت بتعمل الآتي:
بتكسر الروتين: بتخرجها من حالة الردود المحفوظة لحالة الانتباه.
بتحرك الفضول: الرسائل الذكية بتخليها تسأل نفسها "هو يقصد إيه؟" أو "إيه اللي فكره بيا دلوقتي؟".
بترجعك في وضع السيطرة: بدل ما إنت اللي بتجري وراها، إنت بترمى "طُعم" يخليها هي اللي تفتح كلام.
رسايل ترجع الشغف (15 رسالة صايعة)
قسمنا لك الرسايل لـ 3 ليفلات، اختار منهم اللي يناسب وضعك حالياً:
1. رسايل دلع وشقاوة (لو العلاقة لسه فيها روح)
على فكرة.. الضحكة اللي في صورتك الأخيرة دي محتاجة تصريح أمني، إيه الجمال ده؟
كنت هقولك حاجة مهمة بس لما شوفت اسمك على الشاشة نسيت كنت هقول إيه.
تفتكري لو سألنا الذكاء الاصطناعي عن أكتر واحدة وحشاني دلوقتي، هيطلع صورتك؟
وحشني المناكفة بتاعتك الشات هادي زيادة عن اللزوم وده يقلق
عارف إنك مشغولة، بس قولت أسيب لك (نقطة حب) هنا عشان لما تفضي تبتسمي.
2. رسايل تقيلة وذكية (لو هي واخدة جنب بجد)
عديت النهاردة من مكان بيفكرني بأول مرة اتكلمنا فيها بجد كانت أيام رايقة.
مش عارف ليه حسيت إنك محتاجة تسمعي إن شكلك بيبقى أحلى وانتي رايقة يا رب يومك يكون هادي.
أنا بحترم جدا المساحة بتاعتك بس حبيت أقولك إن مكانك فاضي ومحدش بيملاه غيرك.
السكوت أحيانا بيبقى لغة تانية بس أنا لسه مابقتش شاطر في ترجمة سكوتك.
في حاجات كتير اتغيرت بس نظرتي ليكي هي الحاجة الوحيدة اللي ثابتة خلي بالك من نفسك.
3. رسايل كسر ملل (عشان تخليها تضحك وترد فورا)
بقولك إيه تفتكري لو لعبنا لعبة كابلز دلوقت مين فينا اللي هيكسب التاني خروجة؟
أنا قررت أعمل اعتصام في الشات لحد ما تقوليلي مالك بجد بس خايف الجوع يغلبني
توقعي أنا فين دلوقتي؟ لو عرفتي ليكي هدية مش هتتكرر.
ابعتي لي أغنية بتوصف حالك دلوقتي وأنا هبعت لك أغنية بتقول اللي عايز أقوله.
لو كنتي إيموجي في حياتي أكيد هتكوني القلب اللي بيخبط جامد أول ما تظهري.
نصيحة أخيرة من خبير العلاقات
الذكاء مش إنك تبعت الرسالة وبس، الذكاء إنك تعرف إمتى تسكت.
إمتى تبعت؟ ابعت لما تحس إنها فعلاً بدأت تغيب، بس مش وأنت "متعصب". ابعت في وقت تكون هي فيه هادية (زي بليل متأخر أو الصبح بدري).
إمتى تسكت؟ لو بعت والرد كان بارد أو اتأخرت جداً، اوعى تلاحقها برسايل تانية. السكوت هنا هو رسالتك الأقوى.
سيبها هي اللي تحس إنك "تقلت" وبدأت تنسحب، وقتها هي اللي هتبدأ تدور عليك.
العلاقة زي "الشد والجذب"، لو هي شدت إنت إرخي، ولو هي رخيت إنت شد بذكاء.
عندك موقف محدد وحاسس إنها بتبعد بجد؟
لو جربت كل حاجة ولسه فيه حيطة سد بينكم، متضيعش وقتك في التفكير لوحدك.
اطلب دلوقتي (خدمة الرسائل الخاصة)، وهقعد معاك نفهم الموقف ونكتب لك رسايل "متفصلة" ترجع المياه لمجاريها في أسرع وقت.
