الرياضة مش مجرد نشاط بدني ده كمان نشاط نفسي

ليه لازم نمارس رياضة في حياتنا اليومية؟... الرياضة مش مجرد حركات بنعملها بجسمنا و بس، دي كمان شيء بيصفي الذهن و بيقلل من التوتر و ببيحسن الصحة النفسية 

 

و السمنة كمان ممكن تؤدي لمشاكل جسدية و نفسية 

 

 

الصحة الجسدية هتتأثر مثلا في انك مابقتش تقدر تعمل اتفه الانشطة، و كمان لسمنة ممكن يؤدي لصعوبة اداء االحسم  بمهامه، و في بعض الاحيان ممكن يأثر على القلب

 

. اما الصحة النفسية، فدي مثلا تتمثل في انك تضايق من شكل جسمك و تقارنه بالاخرين و لما اللبس يكون ضيق عليك ده هايسببلك مشاكل اكتر في نفسيتك و كتر التفكير في الموضوع ممكن يتقلب لإكتئاب و كمان لو حواليك ناس سامة، هايقعدوا يضايقوك بالكلام و يتنمروا عليك و انت هاتكون شخص من 

الشخصين: يأما تاخد كلامهم كحافز للرياضة وو فقد االوزن، او تكتئب و تقعد تفكر في كلامهم بشكل غلط

 

و حاجة انت ممكن تكون لاحظتها، انك لما بتعمل رياضة و دايت و تنزل في الوزن و لو 100 جرام.. بتحس بالفرحة و الشعور بالتشجيع انك تكمل و تنزل في الوزن اكثر و كمان تتخيل شكل جسمك بعد ماتنزل في الوزن و الهدوم اللي كانت بتبقي ضيقة عليك بقت مظبوطة او حتى واسعة 

 

و مش معنى انك بدأت تتمرن و نزلت في االوزن فا ده معناه انك تتريق على حد زايد في الوزن فا دايما افتكر انك كنت زيه في يوم من الايام 

 

فا يا تشجعه

يا تسكت و ماتقولهوش كلام سلبي

 

قُل خيراً، أو إصمُت

 

بعض الرياضات اللي بتنزل في الوزن بجد🦾

1-المشي

2-الجري 

3-السكوات

و طبعا الأكل ليه دور كبير في الموضوع 

فمثلا

انت بتعمل رياضة يوميا و طول الاسبوع و مابتسبش يوم إلا و عملت فيه رياضة، بس انت مستغرب حاجة، انك برضو مابتقلش في االوزن، هاتتجنن و تعرف ايه السبب! ولا كأنك لسة واكل صينية مكرونة بالبشاميل لوحدك النهاردة و حليت بصينية جلاش و لتر بيبسي! متوقع انك تخس بعد اللي انت بتعمله في نفسك وقت الاكل ده؟ طب اقنعي ازاي بقا! وماتجيش تلوم الناس اللي قالتلك على رياضة كذا و تقول انهم كدابين و ان الرياضة مالهاش لازمة، انت اللي بتكذب على نفسك بكده، وعلى فكرة الموضوع اسهل مما تتصور، هي شوية تركات ممكن تساعدك انك تقلل من اكلك

بعض الحاجات اللي ممكن تساعد على تقليل الاكل🍗🍔🍕

1- لما تتجي تاكل، اكلت قطمة... سيب المعلقة في الطبق.. امضغ على مهلك و كُل بالراحة و استطعم الاكل، انت مش رايح حرب. عقلك ببحتاج 20 دقيقة كاملين عقبال ما يستوعب انك شبعت 

 

2-ابعد عنك اي مشتات ممكن تشتتك عن الاكل زي الموبايل او التلفزيون علشان تتعرف تركز في اكلك و تحس انك فعلا بتاكل

 

3-كُل لحد ماتحس انك شبعان بإرتياح، مش لازم تاكل لحد ماتكون مش عارف تنفس! اول ماتحس انك خلاص شبعت، ماتقولش"انا هاخلص طبقي" او  “لقمة كمان” قوم على طول علشان متاكلش تاني

 

 

تذكير🤍

و افتكر دايما انك انت السبب اللي ممكن يغير حياتك بعد ربناوو انك قدها 💪🏻