منين أجيب فلوس زيادة؟

عارف شعور؟ وأنت قاعد في المواصلات، أو بتراقب عقرب الساعة يتحرك في الشغل، ودماغك بتكون رايحه جاية في سؤال واحد بس: "منين أجيب فلوس زيادة؟"
 

السؤال ده مشروع مش علشان أنت مادي أو طماع ….. لأ. 
علشان الفلوس دي ممكن تكون بقت مرادف لـ الأمان.. للكرامة.. لحل المشاكل و غيره . 

المشكلة مش في السؤال.. المشكلة في الإجابات الجاهزة اللي بتبقى زي "اشتغل أكتر" أو "حوش" وكأنك ما جربتهمش. لكن إيه رأيك في طرق جديدة.. واقعية.. وعملية؟ طرق مش محتاجة منك غير إرادة القرار، وموبايلك، و شوية الوقت والجهد.

 

1. مشروعك الصغير: ابدأ دلوقتى

مش محتاج رأس مال كبير يخوفك. المحلات والتكاليف التقليدية بقى ليها بدائل:

من البيت:

الأكل:

مشروعك إيه؟ أكل بيتى، كيك، مخللات، وجبات مخصوصة للدايت أو للمشغولين.

تبيعه فين؟ مجموعات الفيسبوك، وانستجرام. صور كويسة وهتعمل فرق رهيب!

الهاند ميد:

مشروعك إيه؟ إكسسوارات، شموع معطرة، هدايا مخصوص، حاجات تزين البيت.

السر هنا: خلي في "بصمتك".. في فكرة مبتكرة تخلي الناس تقول "دي حلوة أوي ومش موجودة في السوق".
 

2. الشغل أونلاين: ربح وأنت في البيت بلبس النوم

العالم الرقمي فتح أبواب رزق مكنتش متخيلها. مش محتاج تكون "هاكر" عشان تبدأ:

الخدمات اللي تقدر تقدمها:

لو بتعرف إنجليزي كويس: "فريلانسينج" في الترجمة، أو كتابة المحتوى، أو إدخال بيانات لشركات برة.

لو عندك موهبة في الكلام: تقدّم تكون "فويس أوڤر" للإعلانات، أو تعمل بودكاست.

لو بتحب التصوير والمونتاج: مواقع زي "مستقل" و"Upwork" مليانة ناس بتبحث عن حد زيك علشان يعدل على فيديوهاتهم.
 

3. التجارة الإلكترونية: متبقاش تاجر.. بقى “ماركة”

مش محتاج تشتري بضاعة وتخزنها في أوضة وتخاطر. في حاجة اسمها "الدروب شيپينج" (Dropshipping).

الفكرة بإختصار:

انت بتفتح متجر إلكتروني (على فيسبوك شوب أو موقع) وتبعرض منتجات (مثلاً أدوات رياضية).

لما حد يطلب منك، بتكون أنت شاري المنتج من مورد جملة وبتطلبه يبعتله للعميل مباشرة.

انت ربحك هو الفرق بين السعر اللي بعته بيه والسعر اللي اشتريته بيه.

ميزته: مش محتاج رأس مال كبير، ومش محتاج مخزن. دورك كله "تسويق" و"توصيل خدمة كويسة".

 

الفرق بينك وبين اللي نجح قبلَك، إنه بدأ. مش لأنه كان عنده كل الإجابات، لكن لأنه كان عنده الإرادة إنه يسأل السؤال الصح: "إزاي؟" مش "ليه أنا؟"

السؤال اللي بتبحث عن إجابته دلوقتي، ممكن يكون بداية مشروع هيتحول لبزنس حقيقي، أو شغل حر هيفتحلك أبواب العالم.

جرب كذا حاجه لحد ما 

إبدأ من دلوقتي.. وإسأل.. وإعمل الخطوة مفيش حاجة صعبة على اللى بيحاول.

اتفضل ابحث في جوجل على: "مشاريع صغيرة من البيت"، "كورسات فريلانسينج مجانية"، "دروب شيپينج للمبتدئين".

تابع: صفحات ريادة الأعمال على فيسبوك ويوتيوب اللي بتهتم بالسوق المصري.

مستقبلك المادي.. إيدك إللي هتوصله.