نقطة البدايه ( النقطه الصعبه .. المحوله لطريق النجاح)
النقطه الصعبه.. البدايه صعبه ولاكن النهايه اجمل
لحد إمتى هتفضل تقول: "هبدأ من السبت"؟
كلنا بنقولها.
“هبدأ الدايت من السبت.”
“هتحرّك أول الشهر.”
“هنام بدري النهارده واصحى الصبح أبدأ اليوم صح.”
بس الحقيقة؟
السبت بيعدّي.
والشهر بيخلص.
واليوم بينتهي.
واحنا لسه في نفس النقطة!
المشكلة مش في الوقت، ولا في إنك مش عارف تبدأ…
المشكلة إنك مستني اللحظة المثالية. المزاج يكون حلو، الظروف تهدى،
الطاقة ترجع، والنية تصحى.
أقولك الحقيقة اللي بتوجع شوية
الظروف مش هتبقى مثالية أبدًا، والمزاج مش دايمًا هيساعدك،
بس اللي عايز فعلاً، بيبدأ رغم ده كله.
اللي عايز يغيّر،
ممكن يصحى ١٢ بالليل ياخد القرار… ويتحرّك.
طيب تبدأ إزاي بقى؟
خليني أقولك خطوات بسيطة، بس فعالة.
🌿 ١. واجه الفكرة بدل ما تهرب منها
قبل ما تبدأ أي خطوة، واجه نفسك: إنت بتأجّل ليه؟
خايف؟ متردد؟ حاسس إنك مش قدها؟
مجرد إنك تعترف ده أول باب للخروج من الدائرة دي.
اللي بيهرب من السبب الحقيقي، بيفضل يلف مكانه.
🌿 ٢. حدّد خطوة واحدة بس واضحة ومحددة
مش “هبدأ أتغير”، دي جملة كبيرة مالهاش فعل.
قول “هخلص الكورس اللي وقّفته”، أو “هراجع ٣ صفحات النهارده”.
الوضوح بيخلي العقل يعرف يشتغل بدل ما يتشتت.
🌿 ٣. احط وقت حقيقي مش مزاجي
اختار وقت ثابت يوميًا حتى لو ٢٠ دقيقة.
مش لما ييجي المزاج أتحرك، لأ، أنا اللي بخلق المزاج بالالتزام.
النية من غير تنظيم بتتحول لتمنّي.
🌿 ٤. اتعامل مع النفس كصديق مش عدو
لما تقع أو تتأخر، متجلدش نفسك.
قول “تمام، حصل، بس هرجع أكمل”.
اللي بيعاقب نفسه مش بيتغير، اللي بيفهمها هو اللي بيتطور.
🌿 ٥. احط مكافأة بسيطة لنفسي بعد الالتزام
مش علشان أضحك على نفسي، لأ، علشان أعلّمها إن الجهد يستاهل.
كوباية قهوة بعد إنجاز، خروجة، ساعة راحة بضمير.
العقل البشري بيتغذّى على الشعور بالإنجاز.
💭 وأخيرًا:
مفيش وقت مثالي، ولا ظروف مثالية،
بس في نية صادقة + خطوة حقيقية = بداية تغيير حقيقي.
ابدأ دلوقتي، من اللحظة دي، لأنك مش محتاج وقت جديد…
إنت محتاج قرار جديد.
والله أنا طَموح جدًا وعايز اعمل كتيييير جدًا بس مش قاااادر،
ساعات بقعد مع نفسي أفكر..
هل هيفيد طموحي لو أنا كسول ؟
ابسليوتلي نووووت
الطموح مع الكسل = عجز
زي اللي إيده مقطوعه وعايز يشرب ومفيش حد بيساعده،
عايز يشرب ولكن مش بيشرب،
زيك بالظبط وأنت عايز تنجح ولكن مش بتذاكر،
الطموح نقطة قوة كبيرة لو فعلًا استغلتها،
الطموح لازم يتبعه سعي عشان تطلع منه قيمة بجد 👌
ابقا طَموح مفيش مشكلة
بس كُن ساعيًا الأول ! 💙
يا صديقي لا تَكُن هشًّا، أي ضربة تُسقِطك وأي صدمة تُضعفك، وأي كلمة تُحطمك، وأي خطأ يَقتُلك، كُن قويًّا، فلا مكان للضُّعفاء في هذا الكون.📚🔥
"وأن ليس للإنسان إلا ماسعي"
5 ساعات ونُص من التدريب الُمتواصل، تجربه جديدة، ومجهود ذهني للتركيز ووضع إنتباهك التام لاغتنام الفرصة التي وهبني الله إياها. 💜.
نسأل الله التوفيق، السداد، والإعانة لاستكمال المسير. 🌸
دراستك ومستقبلك لا نقاش عليها، حياتك الخاصة إياك أن تدخل أحد فيها، مشاعرك لا ترخصها عند من لا يعرف قيمتها، خُلقت مضيئاً عزيزاً لا تطفئ روحك بما لا يناسبها ولا يستحقها 💙🦋
