ذاكر 25 دقيقه بس / تقنية البومودورو
ذاكر 25 دقيقه بس / تقنية البمودورو
ذاكر 25 دقيقة بس دي تقنية البومودورو تقنية الطماطم في المقال ده هنركز على المذاكرة بس هي تنفع على المذاكرة أو الشغل أو أي حاجة طبعا ليها إيجابيات وسلبيات هنشرحها في الفيديو ده وهقولك حلول مشاكل بتاعتها يلا نبدأ
هو إيه أصلًا البومودورو
البومودورو هي تقنية عملها واحد اسمه فرانشيسكو سيريلو كان طالب في الجامعة في أواخر الثمانينات كان عاوز حل يخليه يركز ويعلي الإنتاجية بتاعته الكلام ده في الثمانينات قبل عصر المشتتات كان قاعد بيذاكر في المطبخ فلقي مؤقت بتاع المطبخ اللي على شكل طماطمية معلومة: طماطم بالإيطالي يعني بومودورو. بدأ يجيب ورقة، يكتب فيها مهمة واحدة بس، ويضبط المؤقت على 25 دقيقة. يذاكر فيها بكل تركيز. وبعدها ياخد بريك 5 دقائق. يكرر ده 4 مرات، وبعد كده ياخد راحة أطول شوية… من ربع ساعة لنص ساعة.
الشرط الوحيد عند سيريلو كان صارم جدًا: ممنوع تقطع الـ25 دقيقة بأي سبب. لو اتشتت أو حد شغّلك… الجلسة تعتبر باطلة وتبدأ من الأول.
أول حاجة الإيجابيات
أول حاجة إن هي بتسهلك البداية الخطوة الأولى إنك تبدأ مثلًا في المذاكرة. إنك تبدأ المذاكرة دي أصعب حاجة، بتبقى صعبة زي أول حركة العربية بتعملها من السبات بتبقى عاوزة عزم كبير أو دفع كبير من المحرك. ومن أكتر الحاجات اللي بتعوقك إن تشتغل أو تذاكر إن أنت بتقول: هقعد ساعتين أو تلاتة إذاكر، فعقلك بيبدأ يسوف ويأجل. فطريقة البومودورو بتخليك تاخد الخطوة وتبدأ لأنك بتقول لعقلك: هما 25 دقيقة بس وهنريح.
تاني حاجة بتساعدك على التركيز إنك هتبعد عن أي مشتتات لمدة 25 دقيقة. لو قطعت 25 دقيقة هتعيد من الأول. نصيحة قبل ما تبدأ مذاكرة: اعمل شاي ورتب المكتب وابعد التليفون عنك، شوف أي حاجة ممكن تشتتك وابعدها عنك.
رقم تلاتة إن التقنية دي ما بتخليش تركيز يقل بسبب الملل أو كمية المعلومات بسبب 5 دقايق الراحة. يعني إن لو ذاكرت ساعتين بطريقة البومودورو بتحصل أكتر من واحد ذاكر ساعتين متواصلين لأن التركيز كل ما الوقت بيمر تركيزه بيقل.
إحنا كده قولنا المميزات بس قبل ما ندخل على المشاكل أحب أقولك إن في تقنية عكس البومودورو إنك بتريح 25 دقيقة وبتشتغل 5 دقايق، والموضوع ده معمول للناس اللي عندها مشاكل في التركيز أو عندهم ADHD.
المشاكل
1- إن 25 دقيقة مدة صغيرة جدًا مش بتعرف تخلص فيها مهام محتاجة وقت كبير وفي نفس الوقت مش هينفع تقطعها. مين قال إن قاعدة 25 دقيقة لا يمكن كسرها؟ خليها نص ساعة، خليها ساعة، إنت حر بقى، خليها ربع ساعة. أنا لما بكون خلاص مشتت بالتليفون مش قادر إني أذاكر بحط المؤقت على ربع ساعة شغل و15 دقيقة راحة. وفعلا ربع ساعة أحسن من لا شيء وربع ساعة تجر ربع ساعة، وفي نفس الوقت مش جابر نفسك على وقت طويل يعني مش قاعد تلات ساعات بتذاكر، لأ، هما 25 دقيقة.
2- ما بعرفش أرجع لما باخد استراحة. المفروض إن الاستراحة تبعد فيها عن أي حاجة بتتطلب منك تركيز أو ممكن تنغمس فيها زي التليفون. ممكن تتمشى، تلعب ضغط، تقوم تشرب كوباية مية، تشرب شاي. الأسهل إنك ترجع من إنك بتمشى على إنك ترجع من التليفون.
3- المشكلة هو إنك مش هتعرف تنغمس في الشغل اللي هو إنك خلاص قاعد تشتغل مش مهتم بالوقت مركز في الحاجة اللي إنت بتعملها.
بس أكيد في حل. البومودورو مجرد نظام بيساعدك إنك تحل مشكلة إن إنت تجبر نفسك إنك تبدأ في الشغل. يعني ممكن تستخدمها مرة أو اتنين وبعدين تنغمس في الشغل
