الرمال السوداء كنز مصر المستقبلي
لا يوجد لدينا الكثير من الثروات الكبيرة الهائلة اللي تقدر تدخل دخل كبير لمصر
لكن لدينا 3 كنوز شديدة الثراء في مصر وهم الرخام وحجر الجير والرمال
لازم نفكر كتير جدا في ازاي نقدر نطور وننمي اقتصادنا من خلال مواردنا وثروتنا
الرمال السوداء .. فكرة ليست جديدة لكن كانت تحتاج الي تطوير لانها تدخال في كثير من الصناعات ويستخلص منها 6 معادن رئيسية وهم (الالمانيت والجارنت والزيركون والروتيل والمجانتايت والمونازيت) وتدخل في انتاج التيتانيوم الاسفنجي وايضا انتاج هياكل الطائرات والغواصات والورق والبويات والجلود والسيراميك والأدوات الصحية والزجاج وتبطين المفاعلات النووية والاصباغ والكثير..من الصناعات الاستراتيجية و اكثر من 49 صناعة هامة , كنز استراتيجي كامل.
وحاليا مصر بتسلط الضوء على استخدام هذا الكنز الكبير اللي ربنا وهبه لبلدنا الموجودة في الكثير من محافظات مصر (البحيرة - كفر الشيخ - دمياط - بورسعيد - البحر الاحمر - شمال سيناء - اسوان ) اكثر من 11 موقع غني بالرمال السوداء , كنز يقدر ب 5 مليارات طن من الرمال السوداء وما ينتجه طن واحد من الرمال السوداء يضخ عائد بما يقرب من 60 الف دولار .
ونشجع الاستثمار فيه بكل الطرق وفي ظل القيادة السياسية الحالية في محاولات كتير جدا لدعم الصناعة دي واحتوائها وتشجيعها وضخ الاستثمارات والاموال فيها لدفعها للأمام وتنمية الصادرات وتغطية متطلبات السوق المحلي .
كل حاجة حاليا الدولة المصرية وفرتها لدعم مشروعات الرمال السوداء من معدات واموال ودعم اقتصادي وسياسي
بالإضافة ان المشروعات دي هتوفر فرص عمل كتير جدا لشباب مصر اكثر من 5000 فرصة عمل
واكيد في ظل التخبط الاقتصادي العالمي الان المشروعات دي هتبقى عنصر كبير جدا في تنمية الصادرات من المواد المستخلصة من الرمال السوداء وهتعظم الدخل القومي من العملة الصعبة وبتالي اقتصاد اقوى نقدر نعتمد علية للمرور من الازمات الاقتصادية الراهنة اللي بتطحن في اكبر الدول
الان تم تنفيذ مصنعين للفصل والتركيز وبدأت رحلة عمل كراكة (تحيا مصر )وهي الاولي في العالم الصديقة للبيئة حيث تعمل بالكهرباء وليس بالديزل وبطاقة انتاج كبيرة تصل الي 2500 متر مكعب في الساعة وتم صنعها لمصر خصيصا في هولندا مصانع بقدرات ومواصفات عالمية ومستهدف ان المصانع تستخرج 76 مليون طن من المعادن الاقتصادية
المشروع ده نقدر نعتبرة حلم عاشت اجيال عشان يتنفذ والنهاردة بيتحقق وبيبقى حقيقة وهنشوفه واقع في مصر ونستفيد منه , معادن كتير كنا بنستوردها انهارده هنبقى من اولي الدول في انتاجها وتصديرها للعالم كله
محتاجين كل القطاع الخاص يدخل بقوه يستثمر في اكبر كنز يقدر يحول مصر تحول كامل وينقلها نقلة اقتصادية كبيرة حول العالم كله
اكيد الدولة هتدعم كل مستثمر هيحط ايده في البلد ويبني ويعمر فيها ويشغل شباب ويعظم اقتصاد ويحقق ارباح كبيرة
قوة اي بلد مش بس بالاسلحة والجيوش الاهم هو قوة الاقتصاد ومرونتة وازاي يقدر يصمد ضد اي خلخلة او تخبط اقتصادي عالمي
الازمة العالمية حاليا بتمس كل الدول مهما كانت قوتها لكن الدولة القوية بس هي اللي هتقدر تعدي الازمة والقوة بتيجي من البحث والتطوير والسعي والاجتهاد والعمل والمثابرة والافكار الجديدة اللي بتحول الظلام للنور
وبتحقق المعادلة الصعبة وهي ازاي نستمر ... النجاح الحقيقي في الاستمرار وانك تكون عارف قدراتك وتنميها عشان تستمر
ومصر قدرتها كبيرة جدا وتقدر تعدي اي محن واي صعاب والتاريخ يشهد بذلك على مر العصور
مصر مليانه مش بس بالرمال سوداء الكنز الكبير هو شعب مصر القوي اللي يقدر يحول التراب الي دهب
