بنت حسنى مبارك!
تيك توك يا ترى اايه اللى بيحصل في مصر 🇪🇬
بنت حسنى مبارك!
فتاة تُدعى مروة طلعت لايف قلب الدنيا كلها ي ترى ايه الحكاية؟
مروة فتاة تَدّعِى إنها بنت الرئيس السابق لمصر محمد حسنى مبارك وبتَدّعِى أيضاً إنها ابنته من زوجته التانية اللى محدش كان يعرف عنها حاجة الممثلة المعتزلة إيمان الطوخى!
مروة وهى بتتكلم واثقة جداً من كلامها وبتطالب الفنانة إيمان الطوخى إنها تطلع وتتكلم وتعرف الناس كلها الحقيقة
مروة قالت فى لايف على تيك توك إنها مستعدة تخضع لتحليل DNA عشان كل الناس اللى اتهمتها بالجنون تصدق
طلعت بنت على التيك توك وقالت إنها أخت مروة وأن مروة مريضة نفسية وبتتعالج وحاولت اكثر من مرة إنها تقتل أختها ووالدتها لكن مروة نفت أصلا إنها تعرف البنت دى وقالت إنها أول مرة تشوفها واكيد حد مسلطها عليها عشان الجمهور يبطل يسمع كلام مروة او يصدقها لأن مروة بإختصار فتحت دايرة اتهامات على ناس كتير
ممثلين وتيك توكرز وغيرهم
جابت سيرتهم واتهمتهم بإتهامات خطيرة
يا ترى الإتهامات دى حقيقية؟
لسه محدش يعرف الحقيقة فين
بس تعالى اقولك عزيزى القارئ مروة اتهمت مين واتهمتهم بإية
أشارت مروة فى اللايف بتاعها على منصة تيك توك إن تجارة الأعضاء فى مصر شغالة على نطاق واسع وبيقيم بيها ناس مهمين فى البلد وذكرت بعض الأسماء اللى بتقول إنهم عاملين وكالة مخصوص لتجارة الأعضاء وغسيل الأموال وكل حاجه بتدور فيها محدش يعرف عنها حاجه
طب السؤال اللى حير ناس كتير مروة عرفت الحاجات دى ازاى؟
كمية المعلومات اللى معاها تدل على إنها فتاه واعية وعارفه هى بتقول ايه كويس اوى.
ذكرت مروة أسماء مشاهير زى
الفنانه وفاء عامر وأم سجدة وأم مكة بتاع الفسيخ وايضا الصادم هبة ارملة لاعيب الكورة فى نادى الزمالك إبراهيم شيكا الله يرحمه
وأشارت مروة انهم اخدوا كلية من الراحل شيكا على علم من زوجته هبة
الموضوع تطور جداً والحكومة المصرية مش سكتت عن اللى حصل بل بالفعل اتحركت وتم القبض على كلاً من ( سوزى الأردنية. أم سجده. أم مكه. مداهم. شاكر محظور. وعلياء صاحبة Trend قمرون الشهير)
بعضهم للتحقيق معاهم فى ما هو موجه ليهم من تهم والبعض الآخر بسبب نشاطهم السئ على التيك توك
طالب العديد من المصريين بحظر تطبيق تيك توك من مصر حفاظاً على شبابها ومستقبلها والبعض الآخر اقترح فكرة إن أى شخص ينشر حاجة مخالفة للأخلاق المصرية ولعادات وتقاليد المصريين او اى فيديو مسئ للوطن او للدين بغرامة ماليه كبيرة جداً عشان مش كل من شحنله كرت فكه يطلع يقول كلمتين ممكن يدمر بيهم مستقبل أمة كامله خصوصاً إن الشباب اللى طالع دلوقتى جيل الألفينات بيتخذ صناع المحتوى قدوة ليهم
بدأت الصفحات على الفيس بوك تنشر صور لأشخاص مؤثرين بجد قدوة ونموذج مشرف للشباب المصري
ي ترى الموضوع هيوصل لحد ايه.؟
هل مروة ممكن كلامها يكون صحيح وتكون بنت الرئيس السابق حسنى مبارك؟ ولا مجرد ترند تلم بيه فلوس وخلاص؟
هل فعلاً الإتهامات الموجهة للناس دى حقيقية؟
وفى جراء ذلك تستمر الحكومة المصرية فى تحرياتها عشان توصل للحقيقة وتطمن الشعب اللى الموضوع بقى شاغله جداً
وفى الآخر استنونا فى مقال جديد عشان يوصلكم آخر الأخبار بخصوص تلك القضية وكل القواضى الشاغلة للشعب المصرى.
