المزيكا وتأثيرها علينا

المزيكا❤

بص يا صديقى الحاجة الى هنتكلم عليها النهارده مش هتبقى غريبه عليك واكيد انت بتستخدمها بشكل كبير… ده لو ماكنش بتستخدمها كل يوم وهى المزيكا

مين فينا مابيشغلش مزيكا وهو مضايق طب مين فينا مابيشغلش مزيكا وهو فرحان طب انت مابتستغربش من الحوار ده؟!!! الى هو الزاى!!!! الزاى الحاجة دى انا بسمعها فى اى مود واى وضع انا فيه يعنى وانا راكب مواصلات ورايح مشوار بعيد هتلاقى الى حاطط سماعه فى ودنه وقاعد بيسمع اغانى ف الى بيزاكر وبيحب يشغل الست ام كلثوم او الصبح وانت بتشرب كوباية القهوة بتاعتك ومشغل فيروز يا عزيزى مافيش صديق اجمل من المزيكا للانسان لانك بأختصار انت الى بتختار مش حاجة بتتفرض عليك وكل واحد هتلاقى صديق معين ليه فى المزيكا حتى لو مش ذوقك بس بتبقى ذوق حد تانى وماتقدش تلوم عليه عشان هو حابب ده وبيتمزج بيه….

المزيكا ليها تأثير كبير في أوقات الحروب.
كانت دايمًا وسيلة تشجيع للجنود وبتديهم طاقة إنهم يكملوا.
الأصوات زي الطبول أو الأناشيد كانت بتخليهم يحسوا بالقوة بدل الخوف.
حتى الناس اللي بعيد عن الحرب كانوا بيتأثروا، ساعات يلاقوا في المزيكا أمل أو عزاء.
عشان كده طول عمرها المزيكا موجودة وقت الشدة زيها زي أي سلاح معنوي

طب انت اكيد تعرف فيروز تعرف ان الناس كنت فى وقت الحروب برضوا بتسمعها الصبح طب تعرف لما سألوها وقالولها بتحبى تسمع اية الصبح ردت وقالت بحب اسمع صوتى من شبابيك البيوت الصبح كل دى حاجات بتدل قد اية المزيكا والاغانى بتأثر فى الناس 

طب برضوا اكيد انت تعرف الست:ام كلثوم تعرف انها كانت ليها يد فى الحروب الى كانت بين مصر واسرائيل تعرف الى هى كانت بتعمل حفلات فى فرنسا ب أجر دخم جدا وقتها وكانت الناس بتجيلها من كل حتى وفى ناس كتيرة كانت مجنونه بيها

طب خلينا فى المزيكا بشكلها الحديث دلوقتى تعرف حاجة اسمها راب ……

اكيد سمعت حاجة زى كده بص يا صديقى الراب ده من اقدم انواع الموسيقى على الحياة اه زى مابقولك كده يعنى مش طلع من سنتين تلاته زى مانت فاهم لا ده موجود من قبل الالفيه الجديدة طب الزاى هو اتطور كده؟!!!!

فى البداية كان الراب عباره عن موضوع ف الشارع وغالبا عن السياسة او المشاكل الى بتمر بيها البلد كل فترة

لكن فى الوقت الحالى الراب بقى حاجة تانية يعنى مش لازم تتكلم عن موضوع معين لا انت ممكن تتكلم عن اى حاجة فى حياتك الشخصية وقد اية انت جامد وتقدر تقف قدام اى حد وقد اية مثلا انت كئيب الفترة دى بقى الموضوع مفتوح اكتر…طيب الزاى بدأ الراب فى مصر؟

الراب بدأ فى مصر من اول الالفية الجديده وكانت حاجة جديدة اوى عن الودان والناس ماكنتش متقبله الفكرة بالذات انهم اتعودوا عن شكل المزيكا الى كان موجود معاهم فى الوقت ده طب مين الى بدأ القصه دى؟؟؟ بص بصراحه ماقدرش اقولك بالظبط مين اول واحد لكن الى ممكن اذكرلك شوية اسامى زى فرقه y crow الى هى كان فيها عمر بوفلط و شاهين العبقرى.. شاهين الى لسه موجود فى السين المصرى لغاية دلوقتى وهو تقريبا من اقدم الناس فيه بص يا صديقى بأختصار الراب فن كبير وناس كتير بتحت تسمعه اذا كان فى حزن او فرح واى مود تانى 

المزيكا مافيش احلى منها فى الدنيا بااذات الناس الى بتحب تعملها مش بس بتسمعها 

كلمة اخيرة

المزيكا هى الحياة❤❤❤