ستات البيوت الشقيانه
ستات البيوت الشقيانة: بطلات خلف الستار
في كل بيت، هناك سيدة تُدير كل شيء بصمت وصبر… سيدة لا تُسلَّط عليها الأضواء، ولا يُكتب عنها في الصحف، لكنها تُشبه الجندي المجهول الذي لا يعرفه أحد، رغم أن حياته مليئة بالتضحيات. هؤلاء هنَّ ستات البيوت الشقيانة.
تستيقظ قبل الجميع، تبدأ يومها بتحضير الفطار، غسل الملابس، تنظيف البيت، تتابع مذاكرة الأولاد، تطبخ، وتُصلح ما يُمكن إصلاحه… ثم تنام متأخرة بعد أن يتأكد الجميع أنهم بخير. ورغم كل هذا المجهود، قلّما تسمع كلمة "شكرًا" أو "تعبك مشكور".
لكن مش بس التعب الجسدي هو اللي بيكسر… أحيانًا بيكون التعب النفسي أكبر: شعور بالتهميش، بعدم التقدير، أو حتى الوحدة. ومع كده، ست البيت بتكمل، وتبتسم، وتحاول تخلي البيت دايمًا مليان دفء وحنان.
مش لازم تشتغل برا البيت عشان تبقى بطلة. وجودها في بيتها، قلبها اللي بيراعي الكل، وإيدها اللي دايمًا ممدودة بالعطاء… ده لوحده كفاية عشان نقول: "أنتِ عظيمة".
لكل ست بيت شقيانة، تعبتي… بس تعبك مش رايح هدر. كل طبق نظيف، كل حضن دافي، كل وجبة معمولة بحب… ده دليل على إنك قوية، ومهمة، وإنك فعلاً ست بميت راجل.
فَوَّقي لنفسِك… مش بس للبيت!
يا ست الكل، عارفة إنك بتحبي بيتك وولادك وبتخافي عليهم من الهوا الطاير، بس إوعي تنسي نفسك وسط كل ده.
الحياة مش بس طبخ وغسيل وترتيب… الحياة كمان فيها ضحكة حلوة، فنجان قهوة هادي، كتاب بتحبيه، لحظة راحة تستحقيها.
حاولي تقومي شوية بدري، تخلّصي شغل البيت على مراحل، متحمليش نفسك فوق طاقتها.
اعملي روتين بسيط يسهّل عليكي اليوم، زي إنك تجهزي شوية حاجات من بالليل، أو تعلمي أولادك يساعدوكي بحاجة صغيرة، مش عيب.
ولما تخلصي، حتى لو ساعة في اليوم، خديها لنفسك بس:
اقري، اكتبي، اسمعي موسيقى، اعملي ماسك لبشرتك، اخرجي تتمشي، أو حتى اتفرجي على مسلسل بتحبيه من غير ما تقومي 10 مرات تقطعيه!
لأن الحقيقة اللي لازم تفضلي فاكراها دايمًا:
البيت محتاجك، بس انتي كمان محتاجه نفسك.
وكل ما كنتِ مرتاحة ومبسوطة، كل حاجة حواليكي هتكون أهدى وأجمل.
فاوعي تنسي…
فَوَّقي لنفسك، زي ما بتفَوّقي الكل حواليك.
