النرجسي الفرق بين النرجسى الخفى والظاهر
النرجسى الظاهر و الخفى : شاب أو فتاه 🦸💂
👈🏼👈🏼النرجسية هى اضطراب فى الشخصيه و منتشر فى المجتمعات و بتزيد جدا فى الاجيال الجديدة
☺️يعنى أى شخصيه سويه ، هى اللى بتقدر نفسها وبتحب نفسها بقدر معتدل ، إزاى ، يعنى بتعرف حقوق نفسها وحقوق الآخرين ، أما الاضطراب هو المبالغة بزيادة "نرجسيه" أو التقليل بزيادة "ضحية"
النرجسي اضطراب بيبالغ فى تعظيم نفسىه ، وبيشوف نفسي على حساب الآخرين ،بيشوف إنه يستحق اللى عند غيره ، حسود ، كتير الكذب ، بيخون ، عنده تكبر
الضحية إضطراب ، بيالغ فى بالتقليل من قدر نفسه لحساب الآخرين ، إنكسار
😍والميزان بينهم هو أن لى حقوق وعليا واجبات ، ربنا عرفها لينا والشرع والعُرف ، أعرف حقوقى وأطلبها وآخذها ، وأعرف حقوق غيرى وأعطيها ، ولا نتجاوز على نفسي ولا حقوق الآخرين ، فلا ضرر لنفسى ولا ضرار لغيرى ..
النرجسي الظاهري 🦸
وهى موجوده عن الكثير ولكن بدرجات متفاوتة ، أكتر حاجة بتميزها بكل اصنافها انه معندوش احساس بالناس
و دا بيخليه سهل جدا يؤذى الآخرين بالكلام و الأفعال والتَشهير من غير أى احساس بالذنب ، بل قد يستمتع بهذا الأذى و ينتشى بيه لانه بيحسسه بالتحكم و السيطرة و يمكن الانتقام ،
النرجسى الظاهري معروف إنه اجتماعى لان اكتر احتياجاته القبول و الاعجاب و الناس تشوفه و تتكلم عنه و تشاور عليه و يستمتع باستغلال الآخرين لتحقيق أغراضه ، ليختار ضحيته بعمليه انسانه عاطفيه خجولة مثاليه مسالمه معطاءه غنيه وناجحه ثقتها بنفسها قليله ، واحتياجاتها النفسيه كتيرة ،فى البدايه
👈🏼و اكتر حاجة ممكن يتعرف بيها عدم تفاعله مع آلام الاخرين و عدم احساسه بيهم و باحتياجاتهم و رغباتهم ، لانه هو مش بيحب نفسه ولا بيحب حد
👈🏼يعنى تقوله انا تعبان اوى النهاردة يقولك ماتيجى نخرج نركب عجل
انا متضايق النهاردة يقولك تعال نروح ناكل بيتزا
انا مجهدة و عايزة انام طب ماعرفتيش الى حصل لى النهاردة فى الشغل و تقعد تحكى
👈🏼تشاركه اللى هو عاوزه دى أهم حاجة ، مش بيحس بيك انت و باحتياجاتك انت
و دى أكتر علامة بتقول ان دا نرجسى انه مش بيحس بالناس ، لانه هو مش فارق معاه خد
فيه علامات تانية ممكن تكون موجودة كمان
👈🏼 حساس اوى للنقد :
عنده إحساس بالنقص شديد ، وبيعوضه بأنه يتظاهر بإنه عظيم ، زى الطاووس ، أى انتقاد مهما كان راقى و مهذب بيثير غضبه ويخاصم لفترات طويله ، لغايه ما تشبعى إحساس العظمه المتزايدة اللى جواه بالاعتذار والرضوخ لطلباته ، ومنهم عنده ذات متضخمه جدا وشايف إن هو عظيم وفوق الآخرين و مفيهوش غلطة
👈🏼👈🏼 العدوان الخفى : الاذى الى من تحت لتحت زى مثلا :
👈🏼التريقة و السخرية و لما تعاتبه يقولك دنا كنت بهزر ،
👈🏼الخصام فترات طويلة و لما تعاتبه يقولك انا كافى خيرى شرى و ببعد علشان ترتاح منى
👈🏼تجاهل الطلبات و الرغبات و لما تعاتبه يقولك اصلى نسييت و ماخدتش بالى
👈🏼التوقيع بين الناس و نشر الاشاعات و فضح الاسرار والتشهير ، يقولك دنا مكنتش عاوز اقولك بس انا عاوز مصلحتك او انا مكنتش اعرف ان دا سر
👈🏼 انت الى حساس و مأفور و انت الى لازم تتصلح ، المهم فى النهاية يقنعك بده
👈🏼طب هو عارف إنه بيأذي وبيكذب ، آه عارف كويس ومش فارق معاه إنك تتأذى خالص ،
👈🏼طب هو بيحب ، لأ ، هو ميعرفش الحب ، وحياته كلها مراحل تمثيليه على حسب الدور والمصلحه
🤔 النرجسي الخفى تلاقيه عكس النرجسية الظاهرة ..!!
النرجسى الخفى💂🤥
مش إجتماعى خااااالص ، وبيصغر من نفسه ويتمسكن ، و بارده معندوش احساس بالناس ، وممكن يؤذى وممكن يستمتع بالاذى
👈🏼 يقولهم أنا غلبان ..علشان الناس تقوله ازااااى دا انت عظيم
👈🏼انا شكلى وحش ..ماتقوليش كدة دا انتى زى القمر
👈🏼انا حاسس انى فاشل ..ما تقولش كدة دا انت راجل ناجح و ماشاء الله عليك عملت كذا و كذا و كذا
👈🏼انا محدش بيحبنى ...ازاااى دا انت الناس كلها بتحبك
هو بيحصل على الاعجاب و كلمات التقدير و التعظيم بانه يتمسكن ويقلل من نفسه فالناس ترد بما يريده و ده عكس النرجسى الظاهرى
👈🏼 المقارنة ، دايما بيقارن نفسه بالآخرين و يحسدهم على النعم الى عندهم والى هو يستحقها اكتر منهم و دا يمكن مش بيعبر عنه بصراحة الا نادرا
لكنه بيظهر فى الغيرة و الاذى الى ممكن يسببه لحد أفضل منه
باساليب الاذى الخفية و الطعن فى الظهر الى محدش يقدر يمسكها عليه
👈🏼 الكذب و الفشر ، أنا عظيم ، بيلجأ لده علشان يبين انجازات و اعمال عظيمة ماحصلتش ، و ساعات بيعيش احلام اليقظة انه راجل عظيم و انه انقذ البشرية او انه بأة نمبر وان فى أى مجال ، حتى احلامه بتتركز على معنى انه بيعمل حاجات خارقة و الناس كلها بتتفرج عليه
👈🏼 علاقاته ، عمل علاقات كتير بس كلهم وحشين طبعا و حتى علاقاته باهله برده فيها مشاكل كتير و هو الملاك الطاهر الى محدش بيقدره و عارف قيمته
لما تلاقى حد كل علاقاته وحشه اعرف ان عنده مشكلة ...!!!
👈🏼 بيقلل من غيره ، فى فلتات لسانه و كلامه عن الناس عموما عمره مابيمدح حد لانه بيعتقد انه أفضل من الجميع و كل الناس أوباش و رعاع وأغبياء
👈🏼 إنت أقل منى 🙇، فى العلاقة معاه بتحس انك مش مرتاح بس مش عارف مش مرتاح ليه تحديدا
بتحس انك دايما بتتأذى و تتهان بس هو بيقنعك بما لايدع مجالا للشك ان انت الى حساس
و دايما فاهمه غلط 😪
بتحس انك قليل و ثقتك فى نفسك بتقل لانه دايما بيحسسك بشكل خفى انه الافضل و انت الأقل 😪
بتحس انك مش متشاف لانه بيسخرك فقط لطلباته و احتياجاته و يقنعك كمان ان احتياجاتك دى مالهاش لازمة😪
بتحس دايما بانك مقصر و تحس بالذنب لانه دايما بيوصل لك الاحساس دا انك مش قادر ترضينى 😪
بتحس معاه بالتدريج انك فقدت نفسك و مش عارف انت عاوز ايه لانك خلاص بقيت مش عاوز الا الى هو عاوزه 😪
الشخصيات دى منتشرة جدا جدا فى المجتمع اكتر مما نتخيل ،
لاننا مجتمعاتنا عموما ما بتحبش الكبر الظاهر و تنفر منه ،
فهو بيبقى ذكى فى الحتة دى
👈🏼👈🏼 والوجه الآخر ليه واللى بيكمله فى علاقه مرضيه متكامله هو الضحيه ،
الانسان أو الانسانه اللى مش متقبله نفسها زى ما هى ، وشايفه نفسها قليله،
الانسانه اللى مش بتقدر نفسها ، اللى مش بتحب نفسها ، ولا عارفة حقوقها ،
اللى عايشه على الخوف والاحتياج ، المثاليه وفاكرة إنها حتصلحه وتصلح العالم ، المتدينه بجهل لحقوقها ، فبيدخل عليها من الباب ده وبتصدق كذبه ،
👈🏼اللى عندها احتياجات وكسور نفسيه كتير ، اللى بتتعلق بغيرها ، اللى بتدور وبتشحت مشاعر ولا كلمه حلوة حتى لو بالكذب ..
👈🏼 اللى فاقده الأمان جواها ، و شايفه إن الأمان فى السيطرة والاهانه والاستغلال ..
👈🏼 اللى مسالمه بجهل ، سلميتها ملهاش حد ، فبتقبل العدوان عليها واستغلالها عادى ، وتقليلها وإهانتها وأكل حقوقها عاادى
العلاقه دى بتمر بثلاث مراحل هى...
🌚👈🏼 المرحله الأولى ، مرحلة الجذب ، النرجسي ليختار ضحيته بعنايه ، انسانه عاطفيه ، خجوله ، مثاليه ، انطوائيه ، ناجحه ، غنيه ، ليدرس شخصيه الضحيه جيدا ، بيكون لطيف وحبوب ، واللى كانت بتدور عليه ، وبيكدب كتير لغايه ما تصدقه وتشوفه عظيم واااو ، وتقع فى غرام شباكه
🌚👈🏼المرحله الثانيه ،السيطرة ، أما يحس إن الضحيه انجذبت ليه انه
،بيبدأ انه بيشككها فى كل اللى حواليها أهل أصحاب زملاء عمل ، عشان يبقى هو الوحيد فى حياتها ويستفرد بيها ، بيقارنها كتير بغيرها ، وانهم مميزين عنها ، عشان يقلل من قيمتها وتحس إنه كتير عليها ، وتخضع له ويسيطر عليها ويستغلها ، يشككها فى نفسها ويتهمها بحاجات بتكرهها ، عشان تعيش فى دور التبرير ومحاوله اثبات الحقيقه ، فى أى حوار بيقلب الطاولة ، ويتوهها ، وهى تحاول تقدمله اللى هو عاوزه عشان تسترد حبه ورضاه عنها ، دائما معاه حاسه إنها غلطانه ولازم تثبت العكس ، إنها أقل ولازم تعطى أكتر ، و بمزيد من العطاء والتضحيه عشان يرضى عليها ، ويرجع يعطيعها اللى هى فاكراه .. الأمان والحب فى سيطرته واستغلاله وكذبه عليها ، أهم ما يميز العلاقه دى شعور الضحيه دائما بعدم الرضى عن نفسها والشعور بالخوف والألم من فقد وجوده
🌚👈🏼المرحله الثالثه ، الانسحاب والعقاب والاستغلال، بتيجى أما يشعر بامتلاك الضحيه ،وسيطرته عليها ، تبدأ مرحله الخصام والعقاب النفسي والبدنى ، والابتزاز والهجر ، فإذا لقى من الضحيه وعى وقوة ، فيرجع للمرحله الاولى ويرجع كلام الحب لغايه ما يستميلها تانى للمرحله التانيه والثالثه
👈🏼👈🏼 ليه أنا كده 🙇 ..
👈🏼أول حاجه لازم تعرفيها ، الوعى ، إن النرجسي ما ظهرش فى حياتك ، إلا إن فيك صفات الضحيه ، وعندك كسور وإحتياحات بزيادة ، لو عالجتيها باللجوء لمختصه ، والقراءة ،
حتبقى إنسانه سويه ، وبكده حتلاقى نفسك وتستعيدى نفسك إنت أولا ، ويقل سيطرة النرجسي عليك
👈🏼وثانيا النرجسي مش حيلاقى فيك الى هو عاوزه ، فإما ينسحب ، أو يُجبر يعَدل من نفسه وأسلوبه معاكى وتزيد طول المرحله الاولى لو فى وجودك مصلحه ليه
🤗 وفى كل الحالتين إنت الكسبانه لإنك أخدتى بزمام حياتك وصلحتيها فحتتغير للأحسن على قد ما حتكونى واعيه ومسئوله وقوية ، غاليه على نفسك ، وإنت غاليه عند الله..
👈🏼👈🏼 طب أعمل إيه...🤔😍💪🏼
لو علاقه سطحيه إبعدى إبعدى ، لأنها علاقه مؤلمه ومدمرة
طب لو علاقه صعب الخروج منها ، أو نرجسيه بسيطه
يبقى الوعى ، ثم المسئولية ، القوة
👈🏼الوعى🤔، إعرفى نفسك كويس جدا ؛ وقدريها وحبيها وثقى فى نفسك وقووويها ، وإعرفى فين الغلط عنده ولا عندك ، إبعدى عن المواجهه ، ركزى ركزى على نفسك واهتمى بيها ، واستعينى بالله كتير
👈🏼المسئولية ✌🏼
خذى بزمام تغيير نفسك ثم إدارة حياتك ، فبدايه التغيير من عندك إنت ،وأعلمى
" إن الله لا يغير ما بقوم حتى يغيروا ما بأنفسهم" ، عالجى شروخ نفسك الداخليه القديمه من الطفولة بالذات ثم الشباب وطوال فترة حياتك ، إشبعى إحتياجاتك ، ستواجهك متاعب كبيرة ، تحتاج للصبر والاستعانة بالله ، ولكن النتيجه ومع الصبر حتكون أفضل
👈🏼القوة 💪🏼 ، القوة النفسيه والمادية ، استقلي تدريجيا عاطفيا وماديا ، قوى علاقتك بربنا أوى أوى ، عشان يقويك وتسدى إحتياجاتك النفسيه والعاطفيه والماديه من مصدر وجودك ، توقفى عن التعلق بيه أو بغيره وتعلقى بالله وقدراتك ، توقفى عن الخوف وشعورك بالأمان فى سيطرته عليك ، وأعلمى أن الحب أمان وعطاء وحقوق متبادلة ، إنك تقفى على رجليكى ، وتصدقى إنك تقدرى تستغنى بالله عن الحَوجَه ليه و للناس ، تصدقى وتطبقى بالتدريج ، إنك قادرة وشبعانه ومسئولة وغاليه 😍💪🏼💪🏼👸
.
