التفكير ولمبدئ ولثقة بلنفس

1-مش لازم كل الناس تبقي عارفه كل حاجة عنك. 

خصوصيتك مهمة لان ممكن بكلمة من حد يهدلك امالك و طموحاتك و طاقتك الي كنت ناوي تحطها في الحاجة الي عايز تعملها. 

عمل اكتر اتكلم اقل 

2- لجدعنة بتبين الاصول

الجدعنة هي انك تبقي ضهر و سند للناس الي حواليك. منغير ما تتوقع منهم حاجة. 

الجدعنة هي ان اهلك و صحابك و جيرانك يكونوا عارفين و واثقين انك اهل ثقة و هتقف جمبهم و مش هتسوحهم مهما كان وراك ايه. 

الجدعنة هي انك تحط أولوية للحاجه الي محتاجه تتعمل لحد قبل ما تفكر انت نِفسك تخرج فين ولا تشوف مين ولا تمبسط ازاي. 

الجدعنة بقت عملة نادره.. صاحبك الجدع حافظ عليه و متفرطش فيه و متحسسوش انه حق مكتسب. 

3_كل واحد من حقه انه يبقي عنده رأي. بس مش من حقه انه يفرض رأيه على الي حواليه. 

آرأنا المختلفة هي الي بتشكل مجتمعنا و عمر ما كل الناس هتجتمع علي رأي واحد. 

بس لازم كل واحد فينا يتعلم انه *يحترم* رأي الي حواليه حتي لو مختلف كل الاختلاف عن رأيه الشخصي.

مش هتعرف تكبر و تتطور لو الصحبة الي حواليك مقيدالك تفكيرك. 

لو عندك طموحات و شايف نفسك في حته مختلفة و لكن كل الي حواليك بيكسرولك مجاديفك، ابعد عد الصحبة دي. 

الناس الي حواليك هيفضلوا ينصحوك بحجم تفكيرهم و مخاوفهم. هيخليك تسيب فكرتك و شغفك عشان لو هو مكانك هيكون خايف انه يعملها. و ده مش معناه انه شخص مش كويس. بس ده معناه انه معندوش الشجاعه انه يغيّر من نفسه و يوصّل نفسه لحته احسن. و بعد شويه هتشرب منه الاحساس ده و هتلاقي نفسك بتفكر نفس التفكير. 

ابعد شوية و اعمل الي انت عندك شغف ليه.. سواء نجحت او لأ، هتكون انت الكسبان و هتكون اكتسبت خبرة جديدة و هيزيد احترامك لنفسك انك اخدت خطوة اتجاه حاجة بدل ما تفضل خايف و تعدي السنين و تسأل نفسك "كان هيحصل ايه لو كنت عملت كذا

4_*متقارنش نفسك بحد.*

كل واحد رزقه مكتوبله. و كل واحد مشوار حياته مختلف عن الي حواليه. 

المقارنة اتعودنا عليها من صغرنا لان اهالينا دايما بيقولولنا نبص علي سلوك اولاد خالاتنا او اولاد عمامنا او اخواتنا و يقارنونا بيهم عشان فاكرين ان ده هيدينا دافع نبقي احسن او نذاكر اكتر او نبقي ناجحين اكتر. 

فا موضوع المقارنة ده بيترسخ في ادمغتنا. 

متعملش كده في نفسك. 

المقارنة الوحيدة الي لازم تعملها هي مقارنة نفسك بنفسك امبارح و اليوم الي قبله و السنه الي فاتت. شوف انت اتحسنت في ايه و بقيت اوحش في ايه و اشتغل علي نفسك لنفسك. بس المقارنة بالغير مش هتعمل حاجه غير انها هتتعبك نفسياً و ممكن جداً توصلك لفقدان الامل بدري بدري عشان مش عارف ازاي توصل للي وصلّه حد تاني. 

قرارك انك هتشتغل علي نفسك و تحسن من نفسك لنفسك ده لوحده ممكن يوديك في حته احسن و ابعد بكتيير من فكرة انك تقارن نفسك بأي حد تاني.