احنا بنذاكر ليه؟
1 - يمكن علشان بنحب المذاكرة اكيد بتقولوا إن ده مستحيل مستحيل إن حد يحب المذاكرة لأ اللي فهم اللعبة والحياة صح هيحبها هيا كدة كدة اتفرضت علينا إيه اللي يخلينا منحبهاش أيا يكن الشيء اللي هنعملوا في حياتنا نعملوا واحنا مستمتعين مش فرض علينا
2 - أو يمكن علشان نوصل لأهدافنا وأحلامنا اللي رسمناها في عقولنا
3- أو يمكن علشان سعادة بابا وماما بينا وفرحة الأهل بتذوب تعب المذاكرة وتنسي همومك والم المذاكرة مش هيفضل لكن اللي هيفضل هو نجاحك أو فشلك علي حسب اختيارك
4 - أو يمكن علشان نرفع بلدنا لاعلي مكانة فالأمة ترتقي بشبابها بس مننساش إن العلم بلا أخلاق ليس له قيمة فالاخلاق هي من تحيط بالعلم وتزينه وهي من ترشد العلم لطريق الخير
5 - أو يمكن بتعمل كدة علشان الناس تكلم انك مجتهد وبيتعب لأ اوعي تعمل كدة دائما خلي في بالك إنك بتعمل كدة علشان ترضي ربنا وعلشان نفسك تستاهل الأفضل انت مش اقل من حد علشان هوا يسبقك
نصيحة مهمة
اشتغل علي النسخة الافضل من نفسك ومتقارنش نفسك بحد ركز علي انك تصنع النسخة الافضل منك في كل مرة ومتضيعش وقتك وخليك فاكر انك تقدر وانك قدها وقتك كنز غالي لا يقدر ثمنه إلا من يدرك قيمته “عليك بها ما عشت فيها منافسا وبع نفسك الدنيا بأنفاسها العلي” متضيعش وقتك في التفاهات غيرك بيشتغل وبيتعب علشان يخلد ذكراه
عارف امتي متتعبش من المذاكرة؟
لما بجد تحبها بتذاكر وانت مستمتع مش وانت كاره واوعي تقول بتذاكر علشان تجيب درجات عالية انت بتذاكر علشان تتعلم خلي المذاكرة ديت تحدي وشوف في الاخر هتبقي بطل حكايتك وطلعت قد التحدي ولا لأ خليك بطل حكايتك ومتفكرش في النتيجة عليك السعي وعلي الله النتيجة ومتنساش المرتبة اللي هتحصل عليها عند ربنا “وفضل العالم علي العابدكفضل القمر علي سائر الكواكب وإن الملائكة لتضع أجنحتها رضاء لطالب العلم وان العالم ليستغفر له من في السموات ومن في الأرض حتي الحيتان في الماء ” جاهد علشان توصل للمرتبة ديت حتي لو موصلتش لمرتبة عالية في الدنيا كفاية إنك توصلها عند ربنا
بسم الله الرحمن الرحيم
﴿إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُورٌ﴾ [فاطر: 28]
بسم الله الرحمن الرحيم
﴿قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ﴾ [الزمر: 9]
قال رسول الله ﷺ: «طَلَبُ الْعِلْمِ فَرِيضَةٌ عَلَى كُلِّ مُسْلِمٍ».
إنت بتنسي كتير وإنت بتذاكر؟ ايه أفضل طريقة للمذاكرة؟عارف الاجابة ؟
المذاكرة عن طريق الكتابة افضل طريقة حتي لو بتاخد وقت طويل لكنها بتخلي المعلومة تثبت وكمان المذاكرة عن طريق التكرار التباعدي وهو انك تكرر المعلومة اكتر من مرة علي فترات متباعدة وديت من افضل طرق مذاكرتي الشخصية اللي خليتني الأولي علي الدفعة
خاتمة
أتمني أن أكون قد قدمت لك فائدة أيها القارئ ولكن انتبه وانت تقرأ هذه الجمل أتمني أن تقرأها بقلبك وعقلك معا وأن تستفيد بكل ما كتبته
