*كيفية التوفير من مصروف المنزل؟ قائمة جاهزة و 3 قواعد ذهبية*
جميعنا بنشتكي وبنعاني من نفس المشكلة. بنأخذ المرتب أول الشهر وبنحس إننا أغنياء جداً، وبعد أسبوعين بنبدأ نقول *الفلوس خلصت في ايه وراحت فين؟*:
السبب: المشكلة ليست إن المرتب قليل، السبب لا يوجد خطة.
تنظيم مصروف المنزل ليس رفاهية، هذا ضرورة لكي نعيش بدون قلق ولا توتر ولا ديون ونكون مرتاحين .
الحقيقة إن الحل أبسط ما يمكن: الحل في ورقة وقلم.
في هذا المقال سأهدي لكم قائمة لتنظيم مصروف المنزل الشهري، وهنتعلم كيفية استخدامها خطوة بخطوة لكي نوصل آخر الشهر ولدينا فلوس وليس مديونين.
1. لماذا لازم تعملي جدول مصمم كويس لتنظيم مصروف المنزل؟.
نصيحة لكي تعرفي توفري حتي لو المرتب صغير.
ناس كثيرة بتقول " أنا بحافظ على مصاريفي وعارفة أنا بعمل إيه ولا أحتاج لورقة ولا لقلم"، طيب تعالي نجرب.
1. هتعرفي الفلوس بتروح فين بالظبط:
معظم الناس ٪80 تقريبا لا يعرفون بيصرفوا كام علي القهوة والطلبات الصغيرة والسناكس والخروجات الدليفري "لأني كسلانة أطبخ" ، لما تكتبي كل يوم هتكتشفي أشياء كإن لم تعرفيها من قبل.
2. هتوقفي التسريب: في أشياء بتأخذ الفلوس بدون ما نحس. هذه القائمة ستكشفها لكي . كوب القهوة ب 20 جنيه كل يوم يعني 600 جنية في الشهر.
3. هتوفري للظروف الطارئة: لما يكون عندك ادخار ثابت، هتلاقي فلوس للأشياء التي ستحتاجينها في وقت آخر بدون ما تستلفي.
4. راحة نفسية: أفضل إحساس في الدنيا إنك تكوني داخلة آخر الشهر معاكي فلوس تتحكمي فيها.
القائمة ستعطي لكي حرية التصرف وإنتي عارفة حدودك.
.2. قائمة تنظيم مصروف المنزل الشهري:
انسخي هذه القائمة في ورقة أو في النوت. أمام كل بند اكتبي ثلاث أشياء : المبلغ الذي ناوية إنك تصرفيه- الذي اتصرفت فعلاً- المتبقي.
طريقة الاستخدام:
قبل ما الشهر يبدأ حددي لكل بند مبلغ معين. وكل ما تصرفي مبلغ اكتبيه فوراً. آخر الأسبوع راجعي الورقة أو النوت.
بنود مصروف المنزل الشهرية:
1. الطعام والشراب: فاكهة، خضار ، خبز ، لحوم، بقوليات.
ملحوظة: ممنواع الدليفري دائما.
2. المواصلات: مواصلات عامة ، اوبر، تاكسي ، اي مواصلة
3. الفواتير: مياه، غاز ، نت ، باقة الموبايل ، كهرباء.
4. المدارس والدروس: مصاريف الأبناء ، الكتب، الدروس.
5. الأدوية : صيدلية ، دكتور.
6. المناسبات والزيارات: عزومات، أعياد ميلاد، زيارات.
7. الادخار: أهم بند حتي لو مبلغ بسيط جداً اتركيها علي جنب.
8. الظروف: لأي ظرف مفاجئ.
9. المصروف الشخصي: ليكي هتصرفي في ايه.
10. إجمالي البنود: اجمعي كل البنود في الآخر.
ممكن تكتبي القائمة علي ورقة أو تطبيعها وعلقيها علي الثلاجة، كل ما تشتري حاجة اعملي عليها علامة.
3. خطوات لكي تكون القائمة ناجحة معاكي 100٪ :
بدون قواعد هتكون القائمة بدون فائدة وليس لها قيمة.
مش كافي تكتبي أو تطبعي الورقة وتتركيها. لازم ثلاث قواعد:
1. قاعدة طول اليوم:
اكتبي فوراً قبل ما تنسي أي فلوس تتدفعيها ، لازم تكتبي في نفس اليوم، لو أجلتي لبكرة هتنسي 80٪ منها. ممكن تتركي قلم بجانب القائمة . أي حاجة بسيطة تكتب.
2. قاعدة الظروف:
لما الظرف ينتهي يبقي انتهي الأمر، ضعي فلوس الطعام والشراب والمواصلات والمصروف الشخصي في ظرف، لما ينتهي الظرف يبقي وقفنا أكل من برا أو قهوة أو سناكس . هذه اسرع طريقة تتجنبي بيها الصرف العشوائي.
3. قاعدة المراجعة الأسبوعية:
15 دقيقة كل جمعة ستفرق معاكي:
كل يوم جمعة اجلسي بمفردك لمدة ربع ساعة. شوفي فين البند الذي صرفت فيه زيادة وما البند الذي وفرت فيه، لو وفرتي في بند انقليه للادخار فوراً. هتتشجعي.
*أخطاء تعمل علي فشل التنظيم*:
1/ تحديد مبالغ خيالية: لا تكتبي مثلا 1500 جنية وانتي عارفة إنك بتصرفي 3000 علشان الدليفري، خليكي واقعية.
2/ ننسي بند الادخار: حتي لو 20 جنية لازم يكون هناك بند خاص بيكي.
3/ نحبط من أول اسبوع: طبيعي أول شهر الدنيا مش هتكون منظمة عشان القهوة والدليفري. التنظيم مهارة ومحتاج تعلم. كملي الشهر التاني هيكون مرتب أكثر.
*نصائح زيادة لتوفير من القائمة*:
حيل بسيطة جدا ولكن هتوفر مبلغ ، بعد شهر من استخدام القائمة هتلاحظي أشياء:
1/ الطعام: لو بند الطعام مرتفع ، اعملي مشتريات أسبوعية ولا تذهبي إلي السوبر ماركت وانتي جعانة. قللي الدليفري لمرة واحدة فقط في الأسبوع.
2/ المصروف الشخصي: اعطي لنفسك مبلغ ثابت لكذا . لما يخلص اعمل الحاجة ديه في المنزل.
للتذكير: الهدف ليس الحرمان ، الهدف إنك تصرفي بطريقة صحيحة وذكية.
تنظيم مصروف المنزل معناه إنك مسؤولة وليس بخيلة.
اكتبي القائمة وابدأي اول الشهر القادم.
بعد ثلاث شهور هتلاقي فرق كبير في نفسيتك وفي شخصيتك.
جربي وقوليلي في الكومنتات وفرتي كام في اول الشهر؟ وقدرتي تستغني عن كام قهوة ودليفري ؟
