خاطرة جربت تكون

خاطرة جربت تكون ..

جربت تكون >> بيموت جواك احساس مكتوم ومن الوجع اتخنق جواك لحد ما طلع منك نفس كله آهاات والم مدفون وجوة قلبك شايله كتير خايف يخرج فيحس بيه اقرب انسان ليك فالكون ..

جربت تكون >> مش طايق تسمع اسمك مش طايق تحس بضعفك وانت السبب فدمع عنيك بقيت محروم كتير من النوم من الضحكة من الليل اللي كان ديما مليه الذكري وفجأه أتحول لليل مكلوم ملية العتمة ملية صوت الدموع ملية حنين لماضي بقي مدفون ملية الخوف من بير قرارة ليك مبقاش معلوم فاض بيك وبتكسر فأي حواجز وفلحظة ليه بقيت فرعون ..

جربت تكون >> حاسس بضعف ماليك وتقول انا اقوي انا لازم اكون اقوي من اي ظنون ..
اشيل ذكري لكل لحظة شوفت فيها الااااة وبقيت خلاص زي المجنون ..

جربت تكون >> ماشي وسط الناس حاسس بغربة معاهم مع انك متربي وياهم هما منك وانت منهم لكن بقيت من جوه نفسك اكتر من المسجون ..

جربت تكون >> بتفتح عينك وتصحي من نومك فتزعل انك لسة عايش ومرتحتش من دنيا بقت صعبه وتسأل نفسك انا عايش لية وانت اساسا ميت فيها ومن كتر الظلم بقيت معجون ..

جربت تكون >> حد تاني غير نفسك حد اناني ملية الغرور مليه القسوة حد قلبه مات بموت غالي عليه ماهي دنيا ومش دايمة بس احنا نفوق ونفتكر اننا رايحين وكفاية بقي بلاش بيها تكون مفتون ..

جربت تكون >> انسان بيبيع كل اللي عرفوه عشان خلاص مبقوش بيفرقوا معاه ومن كتر الالم بقي بيشوط كل اللي قدامة وليه كل القريب منه بقي عدوه حتي الثقة كمان راحت بقت ملهاش اي مخزون ..

جربت تكون ؟؟؟؟؟؟ حاجات كتيرة جوانا  .. مليون سؤال وسؤال …..

 جربت تكون ؟؟؟؟؟  جواك حنين لذكري فاتت و فيها حب قديم ومات جواك ..

جربت تكون  ؟؟؟؟؟ وسط زحمة وانت وحيد شارد ملكش مكان ….

جربت تكون ؟؟؟؟؟؟ حاجات كتيرة جوانا بنسأل فيها نفس السؤال .. جربت تكون ؟؟؟؟؟  
                       "بقلم سها الجزار "