*- في حياتي ياما ألام
أنا مش عادل إمام ***** ولا أخويا عمرو دياب
لا ببتغدا رومي وحمام ****** ولا بتعشى كفتة وكباب
**************
ولا بفطر مارونج لاسييه ***** ولا بحلي بكريكم شانتيه
ولا ليا أي علاقة ***** حتى بالكرواسوون والباتيه
ولاباكل جمبري أو كافياار ***** ولا بعمل ماسك زبادي وخيار
في حياتي ياما آلام ***** وإحباط وإكتئااب
************
محاوطني الملل واليأس ***** وماليني العلل والبؤس
واللي جراالي ***** فوق إحتمالي
وزادت همومي وأحمالي ***** والدنيا وكلاني مقص
حاولت أحايل فيها وأسايس ***** وهيا منفضة ولا سامعاني خالص
هم وعذاب ودموع ****** وقلبي جريح موجوع
زي المسافر ومتغرب ****** في طريق بيطول مابيقرب
لا أنا قادر أكمل وأقرب ****** ولا عُدت قادر على الرجوع
وبقيت لعبة وفريسة للأيام ****** والصبر مني تعب وعن مرافقتي تاب
************
أنا مش عادل إمام ****** ولا أخويا عمرو دياب
لا بتغدا رومي وحمام ****** ولا بتعشى كُفتة وكَباب
ولا بفطر مارونج لاسيه ****** ولا بحلي بكريم شانتيه
ولا ليا أي علاقة حتى ***** بالكرواسون والباتييه
*************
ولا عندي فلل وعمارات ****** ولا بغير كل يوم السيارات
بلون البدل والكرافتات ****** ولا بسافر كل يوم في مكان
بالبواخر والطيارات ****** ولا حيلتي مواني أو لانشات
************
دا أنا داري زي الحُوق ******* في جُدرانها كُل شَق وشَق
مُحَاصر بين آفات ****** وأوبئة وحشرااات
فئران وزواحف وذباب ****** بالإضافة للأكلان والبَق
ويبان عليا العََظمة ****** وشكلي يدي على فَخَامة
لكن في حياتي كل أزمة وأزمة ****** والهم ياما وياما
************
أنا مش عادل إمام ****** ولا أخويا عمرو دياب
لابتغدا رومي وحمام ****** ولا بتعشى كُفتة وكَبَاب
ولا بفطر مارونج لاسيه ****** ولا بحلي بكريم شانتيه
ولا ليا أي علاقة ****** حتى بالكرواسون والباتيه
في حياتي ياما آلام ****** وإحبااااط ياما وإكتئاب
*************
حلم عمري ضاع وراح ****** و ذهب في أداج الرياحة
لا أنا قادر أوصله وأعانقه ****** ولا قادر أنساه وأرتاح
عتمة الدنيا وضالمة ***** من كتر النفوس الظالمة
بشوفها من فوهة إبرة ****** مهما كانت أدامي براح
************
ليه يادنيا عليا حاطة ****** موقعاني في ورطة ورا ورطة
جراني بالسياسة ******* لخط سير التعاسة
من أوله لحد آخره ******** محطة وراها محطة
عذابك فيا مستمر ******* أسير أفعالك مش حُر
مخلية طعم الشهد مُر ******** وطعم السكر في حلقي شطة
************
أنا مش عادل إمام ****** ولا أخويا عمرو دياب
لا بتغدا رومي وحمام ****** ولا بتعشى كُفتة وكَباب
ولا بفطر مارونج لاسيه ****** ولا بحلي بكريم شانتيه
ولا ليا أي علاقة حتى ***** بالكرواسون والباتييه
**************
