أغرب 8 أماكن غامضة فى العالم لن تصدق أنها موجوده : رقم 5 موجود في مصر!

أغرب 8 أماكن غامضه فى العالم لن تصدق أنها موجوده : رقم 5 موجود في مصر!

طول عمرنا فاكرين إن أغرب مكان في العالم هو برج بيزا المائل، بس لما دورت اكتشفت إن فيه أماكن مرعبة وغريبة بجد لدرجة إن حكومات بتمنع الناس تدخلها. تعالوا أقولكم على 7 أماكن مش هتصدقوا إنها موجودة بجد على كوكبنا.

1. جزيرة الأفاعي - البرازيل

جزيرة صغيرة في البرازيل ممنوع أي حد يدخلها نهائياً، مش عشان سر عسكري، عشان فيها أكتر من 4000 تعبان من أخطر أنواع الثعابين في العالم. التعبان الواحد السم بتاعه يموت إنسان في دقايق. الجيش البرازيلي نفسه واقف حراسة حواليها عشان محدش يقرب.

2. كهف وايتومو المضيء - نيوزيلندا

هتدخل كهف ضلمة عادي، أول ما تطفي الكشاف تلاقي السقف كله بينور كأنه مليان نجوم! السبب دودة صغيرة اسمها Glowworm بتنور عشان تجذب الحشرات. المنظر هناك كأنك في فيلم خيال علمي، بس للأسف التصوير ممنوع جوه عشان الدود ده بيموت من الفلاش.

3. بحيرة النطرون - تنزانيا

دي أغرب بحيرة شفتها في حياتي. لونها أحمر ودرجة حرارتها 60 درجة. أي طير أو حيوان بينزل فيها بيموت ويتحجر كأنه تمثال من كتر الملح والصودا اللي فيها. المصور Nick Brandt صور طيور متحجرة هناك الصور بتاعتها مرعبة بجد.

4. مقبرة السيارات - بلجيكا

في غابة في بلجيكا فيه أكتر من 500 عربية قديمة مرمية من أيام الحرب العالمية التانية. جنود أمريكان سابوها ومشيو عشان مكنش ينفع يرجعوها أمريكا. العربيات دلوقتي كلها مصدية والشجر طالع جواها، منظرها كئيب وغريب في نفس الوقت.

5. كهف الجارة - الصحراء البيضا في مصر

وده بقى المفاجأة اللي كتير مننا ميعرفهوش. في الصحراء البيضا في الوادي الجديد فيه كهف اسمه الجارة، من جوه كله بلورات وشمعدانات طبيعية بتنور لما النور يجي عليها. البدو اكتشفوه بالصدفة واللي بيدخله بيحس إنه دخل قصر. المكان ده لسه مش مشهور أوي فلو روحتي هتحسي إنك أول واحدة تكتشفه.

6. مدينة الأشباح - اليابان

جزيرة هاشيما في اليابان كانت فيها مدينة كاملة لعمال الفحم، فيها مدارس ومستشفيات. أول ما الفحم خلص، الناس سابتها في يوم وليلة. المباني لسه زي ما هي، سراير وتلفزيونات وكتب مرمية، كأن الناس اتبخرت.

7. باب جهنم - تركمانستان

حفرة كبيرة في الصحرا بقالها أكتر من 50 سنة مولعة نار ومش بتطفي. علماء كانوا بيدوروا على غاز وحفروا فالأرض بلعت الحفار وطلعت غاز، فقرروا يولعوا فيه فاكرينه هيطفي بعد يومين، لحد النهاردة بقاله 50 سنة والع!

8. جزيرة سينتينل - الهند - المكان اللي لو دخلته هتموت

دي أخطر جزيرة في العالم بجد، وموجودة في المحيط الهندي تبع الهند.

فيها قبيلة اسمها السينتينليز، قبيلة بدائية عايشة هناك من 60 ألف سنة، لحد النهاردة ميعرفوش يعني ايه نار ولا حديد ولا لبس. أي حد بيقرب من الجزيرة بيقتلوه فورا بالرماح.

حتى الحكومة الهندية نفسها عاملة قانون يمنع أي حد يقرب منها بمسافة 5 كيلو، مش عشان تحمي الناس، عشان تحمي القبيلة نفسها من الأمراض اللي ممكن نموتها.

فيه مبشر أمريكي حاول يدخلها سنة 2018، قتلوه أول ما وصل الشط. ومن ساعتها الجيش الهندي قافل المنطقة كلها وممنوع التصوير حتى من الطيارة.

تخيلوا ناس لسه عايشة كأننا في عصر ما قبل التاريخ وميعرفوش إن فيه حاجة اسمها انترنت!

بصراحة العالم مليان أماكن أغرب من الخيال، ولسه فيه أماكن منعرفش عنها حاجة. لو تعرفوا مكان غريب تاني اكتبيهولي في الكومنتات.