*تجهيز ركن المذاكرة في المنزل باستخدام الأشياء الموجودة عندك*.

"لا يوجد مكان للمذاكرة"

هذه الجملة بتكرر في كل بيت.

ولكن الحقيقة الصادمة؟ المشكلة ليس في المساحة.

المشكلة الحقيقية في  الزحمة والتشتيت.

ابنك لا يحتاج إلي مكتب جديد أو ضخم. هو محتاج "ركن" واضح. مكان أول ما يقعد فيه مخه يفهم إن هذا مخصوص لوقت التركيز فقط.

الخبر الحلو: كل حاجة هتحتاجيها موجودة عندك حالياً. لا هنشتري ولا هنغير المنزل. هنعيد تدوير فقط.

يلا نبدأ في 3 خطوات.

*1. الخطوة الأولى: اختاري المكان الصحيح وفضيه*

أهم خطوة. المكان الخطأ يعني  مذاكرة فاشلة.

*1. فين أحسن مكان؟*

دوري على أي سطح فاضي.
ترابيزة السفرة الصبح -  ركن في أوضة المعيشة - نصف التسريحة - حتى عتبة الشباك الواسعة تنفع.

*الشرط الوحيد*: بعيد عن التلفزيون - بعيد عن اللعب -  يوجد فيه إضاءة ونور.

*2. قاعدة "التفضية الكاملة":*

شيلي كل حاجة من على هذا السطح. كركبة - الريموت -  كوبايات - شنط. خليه فاضي تماماً كأنه لسه جديد.

الدماغ بتربط الفوضى بالتشتت. والفراغ بالتركيز.

*3. الكرسي:*

أهم من المكتب. لازم الضهر يكون مفرود والرجلين لامسة الأرض. لو الكرسي عالي ضعي كرتونة أو كتاب كبير تحت الرجلين. لو منخفض حطي مخدة.

*النتيجة*: أصبح عندك "مكان" وليس "كركبة".

*2. الخطوة الثانية: إعادة التدوير الذكية*

هنعمل 3 أدوات أساسية من الأشياء الموجودة في البيت.

*1. المنظم: علبة الأحذية هي الحل*

هاتي أي كرتونة نضيفة. غلفيها بورق تغليف قديم أو حتى ورق أبيض ولونيه مع الولاد.

قسميها من جوة بكراتين صغيرة.

*أصبحت*: علبة للأقلام -: علبة للاستيك والبراية - علبة للورق. اسمها "صندوق المذاكرة" وممنوع يطلع منه حاجة خارج الركن.

*2. السبورة: ظهر باب الأوضة*

الزقي ورق أبيض كبير أو ورق كراسة متلزق ببعض على ظهر باب الأوضة.

هذا بقى "حائط الأفكار". نكتب عليه الجدول، التواريخ - الكلمات الصعبة. المسح والكتابة عليه ممتعة وبتثبت المعلومة.

*3. الإضاءة: أباجورة الأوضة - لمبة بيضاء*
النور الأصفر بتاع النجف بينيم. اسحبي الأباجورة من جنب السرير وحطيها على الركن.

ولو لا يوجد، قربي الركن من الشباك. نور ربنا الصبح أحسن إضاءة للتركيز.

*3. الخطوة الثالثة: قواعد الركن اللي هتخليه ينجح*

المكان لوحده ليس كفاية. لازم قانون.

*القاعدة 1: "ركن واحد تعني نشاط واحد"*

هذا السطح للمذاكرة فقط. ممنوع الأكل، ممنوع اللعب، ممنوع الموبايل.

أول ما يقعد عليه، كل حاجة تانية بتتشال. المخ هيتعود تلقائياً.

*القاعدة 2: "جاهز قبل ما نبدأ"*

قبل المذاكرة بـ 5 دقايق: الكتاب، الكراسة، القلم، إزازة الماية. كله يتحط على الركن. 
ممنوع نقوم ندور على حاجة في النصف. كل مرة بنقوم بنفقد 15 دقيقة تركيز.

*القاعدة 3: "اللمسة الشخصية"*

خلي الطفل يختار اسم للركن. "مملكة العلوم" "مكتب القائد".

يلزق عليه صورة بيحبها، أو رسمة هو راسمها. لما يحس إنه بتاعه هيحافظ عليه ويحب يقعد فيه.

*تنبيه صغير:*

لو الطفل بيزهق بسرعة أو بيتحرك كتير، قسمي وقت المذاكرة. 20 دقيقة تركيز على الركن، وبعدين 5 دقايق راحة بعيد عنه. الرجوع للمكان هو اللي بيرجع التركيز.

*3 أخطاء بتبوظ ركن المذاكرة خلي بالك منها*

1.  *الركن في أوضة النوم*: السرير جنبك يعني نوم. خليه بره الأوضة لو أمكن.

2.  *الكراكيب الراجعة*: لو سبتي أي ورقة أو كوباية على الركن، بكرة هتلاقي البيت كله عليه. لازم يتقفل نضيف كل يوم.

3.  *المقارنة*: "بص ابن خالتك عنده مكتب". بطلي. ركنك ده بتاعكم انتو وبس.

ركن المذاكرة الناجح ليس بالحجم ولا بالشكل. هو بالمبدأ.

مكان واضح -  أدوات محددة  - قانون ثابت يعني طفل مركز وبيحب يذاكر.

ابدئي النهاردة. فضي أي ترابيزة عندك وسميها "ركن المذاكرة".

صوريه قبل وبعد وابعتيلنا. مستنيين نشوف إبداعك .

*شكراً* إنك كملتي