*جدول تجهيز العودة للمدرسة : حقائب وكتب ودولاب في أسبوع*.

صوت "المدرسة اقتربت" هذا كافي يسبب لنا توتر وقلق.

حقائب، كتب، زي مدرسي، كراسات، لانش بوكس... وفجأة بتلاقي البيت كله متقلب ولسه فاضل أسبوع.

الحل ليس إنك تطبقي يومين قبل الدراسة. الحل إنك تقسمي الموضوع على أسبوع واحد فقط. كل يوم حاجة صغيرة.

هذا الجدول هيساعدك علي بدء السنة وانتِ رايقة، والولاد يلاقوا كل حاجتهم في مكانها. يلا نبدأ من اليوم.

*1. اليوم الأول والتاني: هجوم على الدولاب والشنط*

أكبر كركبة بتحصل في اللبس. نخلص منها الأول.

*اليوم 1: فرز دولاب المدرسة*

1.  *فضي الدولاب كله*: كل التيشيرتات، البناطيل، الجواكت.

2.  *قاعدة الـ 3 صناديق*: صندوق "هيفضل" -  صندوق "صغر عليه" للتبرع -  صندوق "تلف".

3.  *اغسلي واكوي*: كل حاجة "هتفضل" تتغسل وتتكوي وتتعلق بشماعة.

4.  *الشوذات والشرابات*: راجعي المقاسات. الذي ضاق يطلع. امسحي الشوذ وادعكيها او اغسليها.

*اليوم 2: تجهيز الشنط واللانش بوكس*

لا تنتظري أول يوم دراسة.

1.  *اغسلي الشنطة القديمة*: ماء وصابون وخل. واتركيها في الشمس تنشف.

2.  *اشتري الناقص*: قلم، مسطرة، ألوان. اكتبي قائمة قبل ما تنزلي لكي لا تشتري أشياء تافهة أو متكررة .

3.  *لانش بوكس + إزازة الماية*: اغسليهم بفرشة وبيكنج صودا للرائحة. ضعيهم في مكان ثابت في المطبخ.

الهدف من اليومين دول: التخلص بنسبة  70% من توتر "هنلبس إيه بكرة".

*2. اليوم الثالث والرابع: ركن المذاكرة والكتب*

المذاكرة لا هتمشي في أوضة غير منظمة وغير مرتبة.

*اليوم 3: مكتب أو ركن المذاكرة*

1.  *فضي المكتب*: زيلي أي ورق قديم، لعب، كراكيب.

2.  *تنظيم بالطول*: 3 علب بلاستيك. واحدة للأقلام، واحدة للكشاكيل، واحدة للورق. لزقي عليها اسم كل مادة.

3.  *الإضاءة*: اتأكدي إن الأباجورة بتنور كويس. النور الضعيف بيعمل صداع وتشتت.

*اليوم 4: الكتب والكراسات*

1.  *تغليف جماعي*: لمي كل الكتب وتعالي مع الولاد غلفوها سوا. ضعي اسم الطفل والمادة على كل كتاب.

2.  *جدول الدروس*: اطبعي الجدول وعلقيه فوق المكتب. تحته جيب بلاستيك ضعي فيه جدول الحصص الخاص بي الأسبوع.

3.  *مكان ثابت للكتب*: رف أو بوكس. ممنوع الكتاب يترمي على السرير.

*3. اليوم الخامس والسادس والسابع: روتين البيت والمطبخ*

لكي لا يكون هناك خناق في الصباح.

*اليوم 5: روتين الصباح التجريبي*

قومي بدري وجربي اليوم.

1.  *اللبس جاهز من بالليل*: كل طفل يجهز لبسه ويحطه على كرسي.

2.  *الفطار السريع*: حضري 3 اختيارات سريعة: ساندوتش، زبادي وفاكهة، شوفان.

3.  *مكان ثابت للمفاتيح والموبايل*: بوكس صغير جنب الباب.  لكي لا نجري نبحث عن الأشياء.

*اليوم 6: مطبخ المدرسة*
1.  *فريزر اللانش*:

جهزي 5 أنواع ساندوتشات وتجمديها. بانيه، كفتة، جبنة. الصبح تطلعي وتسخني.

2.  *سناكس متقطعة*: قطعي خيار وجزر وحطيهم في علب صغيرة في التلاجة. اغسلي الفاكهة كلها.

3.  *إزالة الكركبة*: ارمي أي أطباق بلاستيك قديمة وعلب  ليس لها غطاء.

*اليوم 7: اليوم الفري والنضافة النهائية*

1.  *غسيل شامل*: اغسلي الملايات، الستاير الخفيفة، وامسحي الشبابيك. البيت يخش نضيف.

2.  *قعدة مع الولاد*: اتكلموا عن توقعات السنة. ايه الحلم؟ ايه اللي عايزين نعمله أحسن؟

3.  *ناموا بدري*: ظبطوا المنبه. جسمكم محتاج يتعود قبل المدرسة بيوم.

*3 نصايح تخلي الجدول ينجح:*

1.  *شركي الولاد*: خلي كل واحد مسؤول عن حاجته. ده بيعلمهم المسؤولية.

2.  *الصندوق السحري*: بوكس جنب الباب نحط فيه كل حاجة "نازلة المدرسة" عشان مننسهاش.

3.  *يوم في الأسبوع روقان*: اختاري الجمعة ترتبي فيها الشنط للاسبوع الجاي.

*تنبيه:*

الجدول ده استرشادي. لو عندك بيبي أو شغل بدليه حسب ظروفك. المهم متضغطيش نفسك في يوم واحد. والأهم: النوم الكافي للأطفال أهم من أي تنضيف.

العودة للمدارس مش لازم تكون كابوس. هي أسبوع تنظيم بس.

لما الشنط جاهزة والدولاب مترتب والمخ مرتاح، اليوم الدراسي بيعدي أسهل 10 مرات.

جربي الجدول ده وقوليلي أنهي يوم كان أصعب واحد

*شكراً* إنك كملتي معايا