ماذا يحدث لو دارت الارض عكس دوارنها
السلام عليكم ورحمة الله وبركاته. كلنا درسنا إن الأرض تدور حول محورها من الغرب إلى الشرق عكس اتجاه عقارب الساعة، وهو الأمر الذي ينتج عنه تعاقب الليل والنهار. لكن هل عمرك تصورت أن الدوران دا ممكن يختل في يوم؟ يعني ياترى اية اللي ممكن يحصل لو الأرض دارت عكس اتجاه دورانها الحالي.
لو افترضنا ان الأرض غيرت فعلا اتجاه دورانها والبشر فضلوا عايشين مافيش حاجة حصلت يعني او الحاجه نلاحظها في السماء هي ان الشمس تشرق من الغرب وتغرب من الشرق وهي العملية التي يتبعها انهيار كامل لكل المواقيت الفلكية تاني حاجة نلاحظها هي التغيرات الضخمة في الطقس والمناخ. دوران الأرض في اتجاه معين يترتب عليه قوة تحدد اتجاهات الرياح وأنماط الطقس الموجودين على الكرة الأرضية، لكن مع الانقلاب اللي هيحصل من المتوقع أن أماكن كثيرة على الأرض تتحول طبيعتها. من النقيض لنقيض الآخر الصحاري تتحول للغابات والغابات تتحول لصحاري المناطق الحارة. تبقى مناطق في منتهى البرودة والمناطق الثلجية تتحول لأماكن حارة والرقعة العملاقة في الأرض اللي هي الصحراء الكبرى ستتحول الى غابات رطبة تنتشر فيها الحياة وأماكن تاني زي غابات الأمازون ممكن تتحول لمناطق جافة وتموت فيها كل مظاهر الحياة. على الجانب الآخر التغيرات الكبيرة اللي هتحصل في المناخ. سيكون لها تأثيرات ضخمة جدا على كل المخلوقات الحية. فلو بدأنا بالنبات كلنا عارفين ان في فاكهة وخضروات بتطلع في الصيف وفاكها وخضروات تانية بتطلع في الشتاء. ودا معناه ان المحاصيل والنباتات تعتمد بصورة شبه كاملة على المناخ وطبيعة الأرض. وعلى كدا مع التغير الجذري اللي هيحصل في المناخ.
هيحصل برضو تغير جذري في طبيعة النباتات والمحاصيل فى كل أنحاء الأرض ولو بصينا على الحيوانات. هنلاقي كل الحيوانات تقريبا تعيش في ظروف مناسبة لها سواء من ناحية درجات الحرارة والمناخ أو الغطاء النباتي نفسه؟ والتغيرات الجذرية اللي هتحصل في النبات. هيتبعها تغيرات جذرية في توزيع الحيوانات على وجه الأرض والحيوانات اللي مش هتقدر تهاجر من المكان اللي كان مناسب وما بقاش مناسب لمكان تاني أصبح مناسب هيهلكوا ومش بعيد أصناف كتير جدا تتعرض للانقراض. بالنسبة للبحار المحيطات حركة المد والجزر أيضا تنعكس تماما وبسبب ذلك الكثير من الشواطئ اختفت بالكلية وكثير من الأراضي المائية تحولت لشواطئ ولا شك أن الظاهرة هتكون من أخطر الظواهر اللي هتحصل في الحاله دي لانها بلا شك ستقضي على أعداد مهولة من السكان الذي يعيش على السواحل وتقضي على أعداد مهولة من الكائنات البحرية أيضا. كمان بالتبعية كل وسائل النقل والملاحة في العالم هتتغير ما فيش طيارة تطير ولا قارب يتحرك إلا ما يكون عارف اتجاهات الرياح ومع الانقلاب اللي هيحصل هيكون كل طرق الملاحة وحركة النقل هيحصل لها شلل بالكامل لغاية ما يتم تأسيس علم جغرافيا جديد وعلم أرصاد جوية جديد. لو حبينا ندخل في الجد ونتكلم عن الظواهر الخطيرة باعتبار اللي فات دة مش خطر يعني ههيقابلنا ذوبان جليد القطبين واللي هترتب علية ارتفاع منسوب المياه الحالي لحوالي ستين متر كاملين، وهذا معناه ان أغلب اليابس الذي بعيش عليها كل المخلوقات الحية ها تتعرض للغرق ستين متر ده يعادل ارتفاع مبنى مكون من عشرين دور كل دا هيبقى مغمور تحت المياه. في فرضية تقول أن الأرض عشان تدور في الاتجاه المعاكس، فهذا معناه انها تعرضت لقوة معينة غيرت من اتجاه دورانها، وهذا معناه ان الدوران هيكون مفاجئ.
وفي الحالة دي أول حاجه نحس بها هي ظاهرة القصور الذاتي عرف لما تكون واقف في الأوتوبيس وفجأة يفرمل أو غير اتجاه مرة واحدة بطير من مكانك ازاي هو دة اللي هيحصل للأرض بكل حاجة عليها. الأرض تدور حول محورها بسرعة ألف ستمئة وسبعين كيلومتر في الساعة تقريبا، ويدور حول الشمس بسرعة مائة وعشرة ألف كيلومتر في الساعة. سرعة مرعبة بكل المقاييس مينفعش يتقال عنها غير انها سرعات فلكية ونتيجة السرعة الرهيبة دي تقريبا كل حاجة على الأرض هالطير من مكانها إلا بعض الجبال القوية، وطالما كل حاجة هالطير يبقى انضم مع الحاجات دي بالمرة موجات التسونامي يعني هتبقى كارثة بكل المقاييس الظاهرة اللي تكلمنا عنها دي كلها ملهاش أي أهمية ولا نقلق منها مقارنة باللي . هنقوله دلوقتي دوران الأرض عكس اتجاه هي ظاهرة محتملة والباحثين يدرسونها، وبعمل لها محاكاة على الكمبيوتر، والحاجة الوحيدة اللي تقدر تعكس دوران الأرض هو إنها تصطدم بجرم فضائي في حجم القمر أو أكبر منه قليلا واصطدم بالحجم ده مش بس يخلي الأرض تدور عكس دورانها، بل إنه هيكون سبب في تدمير كل ملامح الحياة من على وجه الأرض، وعلشان كذا ما فيش أي داعي نقلق من أي ظاهرة من اللي تكلمنا عنهم لأن احنا أصلا مش هنبقى موجودين
