ثقافة التوفير تبدأ من هنا : جدول مشتريات الأسبوع الذكي.
*جدول أسبوعي يخليكي توفري 40٪ من مصروف المنزل*
جميعنا مرّينا بهذا اليوم. نصف الشهر يأتي ونمسك المحفظة نلاقيها فارغة لا يوجد فيها نقود. بنفكر احنا صرفنا الفلوس في إيه؟
الإجابة ببساطة: جبنا أشياء بسيطة واشترينا شيبسي وبسكويت وحلويات. واشترينا طعام كثير وتلف في الثلاجة. اشترينا أشياء ونسينا أهم الأشياء فنضطر ننزل مرة آخري.
المشكلة ليست إن الدخل قليل، المشكلة عدم وجود خطة. وبالتالي ترتب علي عدم وجود خطة صرف النقود بطريقة عشوائية.
هنا يأتي دور "ثقافة التوفير". أغلب الناس بتعتقد إن التوفير معناه حرمان وبنأكل وبنشرب أقل. ولكن الحقيقة عكس كدة تماماً.
التوفير معناه ذكاء وأخذ نفس الاحتياجات بأقل التكاليف.
أول وأهم خطوة هي _ثقافة التوفير_، هي ورقة وقلم اسمها "جدول مشتريات الأسبوع".
هذا الجدول سيغّير حياتك، هتعرفي إنتي بتصرفي كام، وعارفة هذا الأسبوع هتاكلوا ايه، ستكون ثلاجتك مليئة طول الوقت، وهتتجنبي فكرة "ماذا سأطبخ اليوم".
في هذا المقال سنعرف، ما أهمية الجدول؟ كيفية العمل؟ الأخطاء التي تؤدي لفشل الجدول؟ وهتلاقي جدول جاهز.
*لماذا يجب التوقف عن الشراء اليومي ونمسك الورقة والقلم؟*
ممكن نستخدم العقل والورقة والقلم. الباب الأكبر لصرف الفلوس بسرعة هو "الشراء بشكل يومي" تعالي نشوف ليه؟
*1. الشراء بالعاطفة وليس للاحتياج*
نازلة تشتري بطاطس وطماطم وبصل وفلفل فقط، أول ما تشوفي عرض علي الحلويات تقولي أجيبه، بسكويت جديد أجربه، مناديل شكلها حلو ورسومات أجيب.
وانتي راجعة هتلاقي نفسك صرفتي 300 جنيه مثلاً زيادة علي أشياء مخطرتش علي بالك. لو هذا الموضوع اتكرر مرتين في الأسبوع يبقي 600 جنيه او أكثر اتصرفوا.
*2. إهدار الجهد والوقت والمواصلات*
كل ما تخططي تنزلي هذا يعني وقت تحضير، لبس، مواصلات. لو بتنزلي مثلاً 3 مرات في الأسبوع، يعني 12 مرة في الشهر. وهتصرفي كثير في المواصلات وضياع 12 يوم من وقتك.
*3. الإسراف في الطعام*
لما بنشتري بدون خطة بنشتري كمية كبيرة وخطأ لأن الخضار الكثير هيتلف. والخبز هينشف والفاكهة هتتلف.
أكيد هترمي ثلث الطعام يبقي خسرتي فلوس كثير.
*4. الشراء بأغلي سعر*
لما بتحتاجي حاجة وتلاقي المنزل لا يوجد فيه أي شيء بتروحي علي أقرب مكان بجانب المنزل. ممكن سعره يكون أغلي من سعر السوق. لكن لما تعملي خطة تنزلي مرة في الأسبوع تشتري حاجتك واحتياجاتك واختيار المكان الذي يكون سعره مناسب.
*فوائد جدول مشتريات الأسبوع*
1. *تحكم*: هتكوني عارفة فلوسك رايحة فين قبل ما تنزلي.
2. *راحة نفسية*: مش هتفكري ناقصك إيه للطبخ كل يوم.
3. *توفير حقي*: هتوفري 40٪ او أكثر من مصروف البيت.
4. *صحة أفضل*: لما تخطي الوجبات هتقللي الطعام الجاهز والاشياء المضرة.
ثقافة التوفير معناها تعيشي أفضل بنفس الفلوس وليس كما يعتقد بعض الناس إنك تعيشي أقل وحرمان.
*خطوات عمل جدول مشتريات الأسبوع الذكي في 4 خطوات*
الموضوع محتاج 30 دقيقة أو أقل كل أسبوع.
*الخطوة الأولى: جرد سريع لكل الموجود لديك*
قبل ما تكتبي أي شيء، قومي افتحي دواليب المطبخ والثلاجة والفريزر، اكتبي في ورقة عندك إيه والكمية.
الهدف من هذه الخطوة عدم شراء حاجة متكررة وبالتالي الحفاظ على الفلوس.
*الخطوة الثانية: خططي وجبات لمدة أسبوع*
هذه أهم خطوة وهي التي تحدد أغلب مشترياتك.
هاتي ورقة وقسميها علي 7 أيام. واكتبي فطار وغدا وعشاء.
*مثال لأسرة 5 أفراد:*
- *السبت*: فطار فول وفلافل، غداء كشري، عشاء جبنة وخيار.
- *الأحد*: فطار بطاطس وبيض، غداء أرز ودجاج وخضار، عشاء زبادي وفاكهة.
- *الاثنين*: فطار جبنة ومربي، غداء عدس، عشاء سندوتشات.
- *الثلاثاء*: فطار مخبوزات، غداء ارز وسمك وسلطة، عشاء فول وطعمية.
- *الأربعاء*: فطار سندوتشات بطاطس، غداء مكرونة، عشاء فاكهة أو جبن.
- *الخميس*: فطار مفضل، غداء من اختيارك، عشاء خفيف.
- *الجمعة*: فطار فول وفلافل، غداء لحمة أو فراخ، عشاء خفيف.
"ملحوظة: تقدر تغير الوجبات حسب ذوقك والمتاح، الجدول مجرد مثال استرشادي".
*نصائح هامة في التخطيط:*
1. دخلي يومين أكل اقتصادي.
2. اعملي يوم لتنظيف الثلاجة لاستخدام البواقي.
3. خططي علي حسب المتاح.
لما تخلصي تخطيط لوجبات الأسبوع هيطلعلك قائمة تلقائية هتعرفي محتاجة إيه.
*الخطوة الثالثة: تقسيم قائمة المشتريات*
اعملي تقسيم لورقتك بالأقسام لكي لا تشعري بتشتت.
*نموذج التقسيم:*
1. خضار وفاكهة
2. لحوم ودواجن وأسماك
3. بقالة وتموين
4. ألبان
5. مخبوزات
6. منظفات
7. سناك وأشياء للمنزل
*الخطوة الرابعة: حددي ميزانية والتزمي بها*
هذه أهم نقطة. قبل ما تنزلي طلعي الفلوس التي في الجدول وضعيها في ظرف وانتي بتشتري لو الظرف خلص يبقي توقفي.
لو لقيتي صنف غالي شوفي البديل.
*7 أخطاء بتخلي الجدول يفشل وكيفية التغلب عليها*
*1. المثالية الزيادة*
*الحل*: ابدئي بسيط، 4 وجبات غدا في المنزل كفاية، الباقي يكون سهل وسريع.
*2. النزول بدون فلوس كاش*
*الحل*: الظرف اللي بيكون فيه الفلوس بيساعدك علي الاختيار الصحيح والتركيز.
*3. اللف علي أماكن كثيرة*
*الحل*: اختاري يوم واحد للتسوق.
*4. نسيان الحلويات والسناكس*
*الحل*: اعملي بند مصروف للسناك في الجدول.
*5. عدم مراعاة المناسبات*
*الحل*: ضعي فلوس احتياطي للظروف الطارئة.
*6. التخزين الخطأ*
*الحل*: أول ما تروحي اغسلي الخضار ونشفيه ولفيه في مناديل، قسمي اللحوم في أكياس علي قد الطبخة.
*7. تأنيب الذات*
*الحل*: التوفير مهارة بتتعلم، مش لازم تبقي 100% من أول مرة.
*جدول أسبوعي: مثال عملي لأسرة 4 أفراد*
هذا مثال بميزانية 1200 جنيه. الأرقام تقريبية وتختلف من مكان لمكان. خدي الفكرة وعدلي حسب ظروفك.
القسم الأصناف المقترحة الكمية ملاحظات للتوفير.
**خضار وفاكهة** طماطم، بطاطس، بصل، خيار، جزر، موز، برتقال 3ك، 3ك، 2ك، 2ك، 1ك، 2ك، 2ك اشتري من السوق مش من السوبر ماركت.
**لحوم ودواجن** فراخ، لحمة مفرومة، سمك 2 فرخة، نص ك، 1ك اطلبي تقطيع وتقسيم.
**بقالة** رز، مكرونة، عدس، فول، زيت، سكر 5ك، 3 أكياس، 1ك، 1ك، 2لتر، 2ك هاتي العبوات الكبيرة أوفر.
**ألبان** لبن، جبنة، بيض، زبادي 4ك، نص ك، 30 بيضة، 8 علب.
**مخبوزات** عيش بلدي 20 رغيف يتفرز فوراً.
**منظفات** صابون، مسحوق، منظفات.
**احتياطي** - 100 جنيه للطوارئ أو عرض مفاجئ.
*نصايح زيادة من ستات بيوت شاطرة*
1. *يوم التسوق الثابت*: خلي ليكي يوم ثابت في الأسبوع. جسمك وعقلك هيتعودوا.
2. *قائمة على التلاجة*: علقي ورقة وقلم على التلاجة. أي حاجة تخلص تتكتب فوراً.
3. *تطبيق الملاحظات*: لو مش بتحبي الورق، اكتبي في نوت الموبايل.
4. *اشتري بالجملة*: الرز والزيت والسكر والمنظفات هاتيها كل شهر أو شهرين.
5. *شاركي مع جارتك أو أختك*: لو في عرض على 5 كيلو رز وانتو مش محتاجينه كله، اقسموه سوا.
في النهاية جدول المشتريات الأسبوعي ليس إجباري. هذا مفتاح الحرية.
حرية إنك مش شايلة هم بكره هناكل إيه.
حرية إنك عارفة إن في آخر الشهر هيتبقى معاكي مبلغ على جنب.
حرية إنك بتحترمي تعبك وتعب جوزك.
جربيه 30 يوم فقط. 4 أسابيع.
وفي آخر الشهر امسكي الآلة الحاسبة وشوفي وفرتي كام. أنا متأكدة الرقم هيفرحك.
ثقافة التوفير لا تأتي في يوم. بتيجي بقرار صغير كل أسبوع. والقرار ده هو "هخط قبل ما أشتري".
ابدئي من النهاردة. اكتبي أول جدول ليكي. حتى لو كان ناقص. حتى لو مش كامل.
المهم تبدئي.
ربنا يباركلكم في رزقكم ويزيدكم.
*سؤال ليكي:*
ما هي أكثر نصيحة في المقال حسيتي إنها هتفرق معاكي؟
تحبي المقال القادم يكون عن إيه؟
1- وجبات أسبوع كامل ب 500 جنيه
2- كيفية تخزين الخضار لمدة شهر.
