أهم 9 نصايح لو عايز تشتغل فبنك

ازاى تشتغل فى بنك ؟

مين فينا محلمش في يوم من الأيام انه يشتغل فى بنك , اكيد كلنا جه فبالنا اليوم ده 

بس هل حضرنا نفسنا كويس وعرفنا ازاى هنحقق الحلم ده .. فى البوست ده هنوضحلك ببساطة تعمل  ايه علشان تشتغل فى بنك  وتحقق حلمك .

هنذكرلك شوية نقاط بسيطة مهمة جدا انك تبدأ تشتغل عليها من وانت طالب او حديث التخرج وتحضر نفسك كويس من خلالها :

1- اول شئ لازم يكون تقديرك على الأقل جيد فيما فوق علشان تقدر توصل لفرصة انك تكون Staff داخل البنك مش اوت سورس.

2- يكون عندك سيرة ذاتية مناسبة ومتفصلة ومعموله خصيصا على الوظيفة وتبقى حاجه احترافيه وعليها القيمه .

3- تحضر نفسك وتكون جاهز كويس فأى وقت للمقابلات الشخصية الخاصة بالبنك ده من خلال انك تسأل حد عمل قبل كده مقابلة فى البنك ده او تعمل بحث على النت عن اى معلومات بخصوص الانترفيو وايه الى بيتم وايه نوعيه الاساله وظروف المقابله ايه .

4- أيضا مهم جدا انك تحسن وتنمى من المهارات الشخصية عندك ودى وانت طالب هتقدر تنميها وتحسنها من العمل التطوعى والعمل فى فرق عمل والمشاركه في الاعمال المجتمعيه لان ده هيفيدك جدا.

5- أيضا نثطه مهمه جدا وهى  ان الانجليزى بتاعك يكون كويس بنسبة معقولة يعنى تعرف تعبر عن نفسك داخل الانترفيو وتقدر تتكلم وترد على اسئلة الاتش ار وتتعامل بالانجلش فى بيئة العمل.

6- درب نفسك دايما كويس على اختبارات الانجليزى واختبارات الذكاء وخليك دايما مطلع على المعلومات العامة فالمجال.

7- وايضا من الأشياء المهمه تعرف معلومات عامة عن مجال البنوك والاقسام المختلفة فى البنك ودور كل قسم فى البنك وعمله والفرق مابين الحسابات داخل البنك

8- خليك متابع جيد للأخبار الاقتصادية دايما وخليك دائم الإطلاع على كل جديد وخصوصا قرارت البنك المركزى

9- حاول على قدر الإمكان تقدم على تدريب صيفى فى اى بنك خلال فترة دراستك لان استغلالك للتدريب ده هيساعدك كتير انك تفهم معلومات عن البنك بصورة كويسة تساعدك بعد كده لما تيجى تقدم فى الشغل .. والتدريبات الصيفية بتنزل فى الفترة من شهر 4 الى شهر 5 فخليك متابع بقى ممكن تتابعها هنا 

واخيرا فى نهايه مقالنا نرجو منك ان تهتم بهذه النصائح ونعدك بتحقيق نتائج جيده جدا بحول الله . مع دوام التوفيق لكم جميعا