بشتغل طول اليوم شغلانه واتنين و برضه مفيش فلوس ليه!!
انا ضيعت وقت كتير بسبب التفكير ده
مش هكدب واقول ان الفلوس بتحل كل حاجه دلوقتى وانا كنت بدور اول حاجه على الفلوس علشان حياتى تبقا حلوة و تتظبط ..
المهم ان الفكره ديه فضلت مسيطره عليا دايما بقا تفكيرى اصحى من النوم اجيب فلوس منين وايه اللى هعمله يجيب فلوس لحد ما وصلت انى مش مهم اىي يحصل او اتعلم اى او اعمل اى المهم بكام والعائد اد اى فلوس ..
جربت حاجات كتير دخلت فى افكار مشاريع و دخلت كمان فى علاقات ومصالح على انها شغل جانبى و ده سريع انه يجيبلى فلوس لانه سهل بس برضه النتيجه كانت بتبقا اوحش لازم تبقا صفر فى الاخر تلاقي حاجه غلط حصلت الموضوع ميكملش ويقف فجاه لوحده يا اما ميجيبش فلوس زى ما انا كنت عامل حسابي يا اما احس انى تعبت اوى على الفاضي و مفيش مقابل بجد وحقيقي استحقه و مع الوقت الموضوع بقا بايخ وتقيل جدا حاسس انى بجرى و بتعب اوى و في نفس الوقت ثابت برضه وببص لعمرى بيجى طب عملت اى لنفسي املك ايه دلوقتى برضو صفر …
لحد ما قولت لا وبجد وقفت مع نفسي وقفه صريحه وسألت نفسي هو انا فعلا بشتغل ولا انا بجري ورا الفلوس وبس و الاجابه انتو عارفينها و ده خلانى افهم ان المشكله مكنتش فى الشغل ول الفرص ول الناس ول حتى الظروف المشكله كانت فى تفكيرى والطريق اللى مختاره لنفسه بس ديه كانت لحظه فاصله بجد عن حياتى اللى فاتت واللى جاى
غيرت كل حاجه اولهم رضا ربنا عنى علشان ابدا صح غيرت كمان طريقه تفكيرى فى الشغل بدل هكسب كام لا هتعلم اى اى المهاره اللى كسبتها و هعمل المهارة دي صح ازاى و ازاى ابقا مميز فيها بقيت ابص على الشغل نفسه واركز فيه بجدعايز اطور من نفسي وافهم اى اللى في ايدي كويس قبل ما ادور على حاجه جديده …
الدنيا اختلفت معايا تماما و تفكيرى اختلف خالص مبقتش باصص اعمل اى يجيب فلوس بسرعه لا انا هبنى اى بتاعى يعنى اى الحاجه اللى هتفضل مكمله معايا مثلا بقيت اهدى واتعمق فى التفكير بجد عايز بيزنس خاص بيا اديره كويس من ارباحه اعمل حاجه تانيه خاص بيا برضه وبعدها حاجه تالته وهكذا واحده واحده الموضوع يتحول لنظام مش تحاول عشوائي وخلاص لدرجه انى بقيت اكتر حاجه محتاجها مش فلوس لا بقا فعلا نفسي اليوم يبقا 72 ساعه علشان الاقى وقت اعمل كذا شغل واوصل لهدفى بسرعه بس صدقنى الحقيقه لازم تتقال الكلام ده مش سهل واناتعبت فى تجربتىديه جدا انت محتاج صبر محتاج تركيز ولازم تقبل تغلط وتتعلم اهم حاجه انك تكون كويس من جوا وده طريقه الوحيد قربك من ربك هتلاقى كل حاجه بقت كويسه و ده هيفرق معاك بجد فى طريقه شغلك وتفكيرك ركز على انك تبنى نفسك هتلاقي فلوس بتيجى لوحدها اسعى كويس وبتركيز انا لسه فى الطريق بس الفرق انى فاهم وعارف انا بعمل اى متجريش وخلاص ابنى حاجه تعيش وربنا يكون معايا و معاكو
