ترشيد الاستهلاك مش رفاهية ده طوق نجاة لازم نتمسك بيه دلوقتي
ترشيد الاستهلاك مش رفاهية ده طوق نجاة لازم نتمسك بيه دلوقتي
في ظل الظروف الاقتصادية العالمية والضغوط على الموارد بقى ترشيد الاستهلاك مش اختيار لكنه ضرورة حقيقية لازم كل بيت وكل فرد يلتزم بيها علشان نحافظ على استقرار حياتنا ونساعد بلدنا تعدي أي أزمات ممكن تحصل
في المقال الأول تكلمنا عن المخاطر الكبيرة لزيادة الاستهلاك ازاي ممكن توصلنا لأزمات صعبة جدا لو حصلت أي ظروف عالمية مفاجئة لكن النهاردة هنتكلم عن الخطوة التانية وهي الأهم وهي إزاي نبدأ نغير سلوكنا فعلا ونحول الترشيد من كلام لأفعال
أول حاجة لازم نفهمها إن الاستهلاك العشوائي بقى جزء من يومنا من غير ما نحس بنسيب النور مفتوح بن شغل أجهزة كتير في نفس الوقت بنهدر مياه وينصرف فلوس في حاجات مش أساسية كل ده يؤثر علينا وعلى الاقتصاد بشكل مباشر
ترشيد الاستهلاك مش معناه الحرمان لكنه معناه الذكاء في استخدام الموارد يعني نستخدم الحاجة في وقتها وبالقدر اللي نحتاجه بس
الكهرباء بداية التغيير الحقيقي
الكهرباء من أكتر الحاجات اللي بنهدرها بسهولة من غير ما ناخد بالنا تشغيل التكييف طول اليوم أو ترك الشواحن في الفيشة أو تشغيل الأنوار في أماكن فاضية كلها تصرفات بسيطة لكنها بتعمل فرق كبير في الفاتورة وفي استهلاك الدولة للطاقة
ممكن نبدأ بخطوات بسيطة زي فصل الأجهزة بعد الاستخدام استخدام لمبات موفرة للطاقة تقليل تشغيل التكييف والاعتماد على التهوية الطبيعية قدر الإمكان الحاجات دي مش يتأثر على راحتنا لكنها هانوفر كتير جدا
البنزين مش مفتوح للأبد
استهلاك البنزين بقى من أكبر التحديات خصوصا مع زيادة الأسعار عالميا الاعتماد على العربية في كل مشوار حتى لو قريب يزود الضغط على الموارد بشكل كبير
ممكن نبدأ نغير ده عن طريق المشي للمسافات القريبة أو استخدام وسائل النقل الجماعي أو حتى مشاركة العربية مع حد في نفس الاتجاه كل خطوة صغيرة بتفرق
المياه ثروة مش دايمة
ناس كتير فاكرة إن المياه حاجة متوفرة دايما لكن الحقيقة إنها من أهم الموارد اللي ممكن تتأثر بأي أزمة ترك الحنفية مفتوحة أو استخدام المياه بشكل زائد يزود المشكلة
لازم نعود نفسنا على استخدام المياه بوعي زي قفل الحنفية أثناء غسل الأسنان أو استخدام كمية مناسبة أثناء الغسيل
الشراء بوعي مش بالعاطفة
كتير مننا يشتري حاجات مش محتاجه لمجرد إنها معروضة أو عليها خصم وده يخلي الفلوس تروح في غير مكانها الصح
قبل أي شراء لازم نسأل نفسنا هل أنا محتاج الحاجة دي فعلا ولا مجرد رغبة مؤقتة التفكير ده لوحده ممكن يوفر جزء كبير من المصاريف
الأكل و الهدر الصامت
رمي الأكل من أكتر أشكال الهدر اللي بتحصل في بيوتنا بشكل يومي تحضير كميات زيادة عن الحاجة يؤدي لضياع أكل كان ممكن يفيد ناس تانية
الحل بسيط وهو تنظيم الكميات والاحتفاظ بالباقي بشكل صح أو إعادة استخدامه في وجبات تانية
دورك أكبر مما تتخيل
ممكن تحس إن التغيير الفردي بسيط لكن الحقيقة إن كل شخص لما يلتزم بيعمل تأثير كبير جدا تخيل لو ملايين الناس بدأت ترشد استهلاكها قد إيه ده يقلل الضغط على الدولة ويوفر موارد للأجيال الجاية
في المقال الجاي هنتكلم عن خطوات عملية أكتر وتفاصيل تساعدك تطبق الترشيد في حياتك اليومية بسهولة ومن غير ما تحس بأي ضغط
