موضوع الغاء القايمة او توثيقه
موضوع إلغاء القايمة دا هيظهر معدن الزوج وأهله والزوجة وأهلها؛ الزوج هيبان إذا كان يُعتمد عليه ولا لأ، وهل هيقدر يكون أد الخطوة اللي داخل عليها ولا هيبهدل بنات الناس معاه.
والزوجة وأهلها كمان هيبان معدنهُم؛ هل هيحطو رجل على رجل ويتشرطو وهُما مسنودين على قرار إلغاء القايمة ولا هيبُصو للموضوع بشكل إنساني بسبب ظروف المعيشة الصعبة ويساهمو مع الزوج حتى ولو بشيء بسيط كنوع من الدعم واللي يجيبوه يتسجل حفاظًا على الحقوق.
بالنسبة للزوج إنتَ مش مُطالب تفرش الشقة فرش فُندقي، ولكن مُطالب تأمن مسكن كريم وأَدَميّ يناسب زوج وزوجة وأطفال في المُستقبل، اعمل على أد امكانياتك من غير ما تستلف من حد .. اِوعى تبدأ حياتك مديون.
وأخيرًا مش بالقايمة ولا بالفرش، ياما ناس كتبت قايمة عشان تضمن حقوقها وما طالتش جنية، وياما ناس كتبت مؤخر بأرقام كبيرة والزوج رفض الطلاق لغاية ما خلّاكو تتنازلو عن المؤخر عشان يطلّق.
أساس الزواج إن القلوب تبقى عمرانة بالدين، والعقول عمرانة بالعقل واللين، ونجاح عش الزوجية عايز مودَّة ورحمة في المُعاملة .. وحنيّة وطبطبة في الخِصام .. خلص الكلام.
هدوم العروسه مش الحوار السهل محتاج كتير عشان يجمع كل دع تخيلي البنات بيجهزو من صغرهم وهو يجي يجيب كل ده في سنه او سنتين مستحيل حد يوافق عليه مع انه في بلاد كتير جدا بس مش هيبقي كويس اوي هنا لانه كراجل ميفهمش احنا عاوزين اي واي لاء اي اهم من اي هما شايفين النيش شئ ملوش لزمه وميعرفوش ان الي جواه لو بعته وبعت شويه حجات من جوه ممكن نجيب شقه كمان الحوار مينفعش هنا خالص
انا واحده من الناس هكمل جهازي وهحترم الشخص اللي هيبقي موجود وهخليه يجيب الحجات اللي تليق بيه كراجل زي الشقه والعفش مش يدور علي شويه حلل الراجل راجل والست ست 
والله ي جماعه اللي بيحب بيعمل ايه حاجه حتي لو كانت اي في داهية الشقة و الشبكة و القايمة و المؤخر و المهر و أم النيش إللي قارفكوا في عيشتكوا تغور الإعتبارات الفارغة إللي بتتعمل علشان الناس و الصالون المدهب و يغور السن و تغور الدنيا قصاد إنك تعيشي في حضن راجل حنين جدع كريم مخلص عايزك ، لو الدنيا باعتك هو لا يغور أي حاجه جنب إن بعد ٤٠ سنه يكون معاكي حيطه سند مبيتهزش انما اي حاجة تانية دة كلام فارغ
