موقف محرج جداً | جبر الخواطر
اليوم حصل موقف #سخيف جداً جداً جداً
كنت عند #الفرارجي و بعدين فيه ست دخلت تبيع للراجل #عيش ناشف بيأكل بيه الطيور يعني بياخده بالوزن ،،
المهم إنها سألته على (هياكل فراخ)
و بعدين سألته على #رجول فراخ ، الراجل كان محترم جداً و أعطاها كميه كبيره من غير #مقابل و كمان واضح إنه أعطاها فلوس العيش أكتر كمان
يعنى زى #صدقه مخفيه
المهم إن فيه #مدام محترمه واقفه فقالت له أنا كمان عايزه #رجول فراخ ،،
#الست البسيطه قالت لها أيوه بتبقى حلوه بحبها أنا و الأولاد ،
قالت لها لأ يا حبيبتي أنا عندي كلب بأكلها له ،
الست دي كان معاها #إبنها
النظره اللي كانت فى عينهم و الإحراج اللي كانوا فيه خلاني أدمّع و صعبوا عليا جداً و اتضايقت جداً من الست السخيفه اللي #كسرتهم كده حاجه في منتهى قلة الذوق و السخافه ، بس الحلو في الموضوع من ناحيتي
قلت لها و مين ما بيحبهاش أنا لو قعدت على حله هخلصها و كل اللي كانوا واقفين قعدوا يقولوا وصفات دي بتتعمل بالتوم والصلصه و اللي يقول أنا باكلها مسلوقه على طول و اللي تقول أنا كنت بتخانق أنا و أختي عليها و احنا صغيرين
و #الست خدت نفس كده و رفعت راسها بعد ما كانت وطّت في الأرض
#الحكمه بجد إن #جبر الخواطر و الكلمه الطيبه موجودين في كل بني آدم بس فيه مننا اللي بيغلب عليه #الكبر و #التعالي و #الفشخره الكدابه
طب على إيه ما كلنا في النهايه بني آدمين
و هنموت يعني مش مخلدين فيها ،
الكلمه الطيبه #صدقه و لو مش هتعرفي تقوليها اسكتي و اتغلبي على شيطانك
لأن صدى الكلمه ليه تأثير قوية.
و هنا قد انتهاينا من كتابة مقال موقف محرج جداً | جبر الخواطر لي الغلابة شرح بسيط مختصر بطريقة سهلة و بسطية و متنسوش تعملو متابعة لي اهم المعلومات هتتعلمها بسهولة و ببسطا و متنسوش تعملو كومنت تحفيظي تشجعيا لنا حتي نستمر في نشر المقالات و شيرر لي جميع منصات التواصل الاجتماعي و مع السلامة.
