ماذا لو كنت مخير دائما

هتحكي قصه صغيرة كده عن اب وابنه ودا تقريبا اللي بيحصل مع معظمنا والمشكلة الخطيره اللي بتوجهنا كلنا يلا بسم الله :
ابن واب 
راجل اتزوج وكان نفسو زي اي راجل في الدنيا يخلف ولد وفعلا ربنا استجاب لدعاه الولد اللي كان نفسو فيه مراتو حملت وخلفت الولد 
اول ما الام  خلفت الولد الاب فرح جدا خلاص جالو العيل اللي كان بيترجاه من الدنيا خلاص هيخليه احسن واحد في الدنيا ومش هيبقي زي حد لا أنا ابني هيبقي احسن واحد في مصر لا مش في مصر دا في العالم كلو ابني هيبقي دكتور قد الدنيا وهيكشف علي الناس ببلاش الاب فرحان جدا بابنه وهو بيكبر يوم بعد يوم قدام عينيه 
الابن كبر وبقي عندو 5 سنين دخل الحضانه ويوم بعد يوم في الحضانه لقي نفسو في الرسم وحب الرسم جدا  وبقي بيرسم كل حاجه بيرسم نهر واهرامات بيرسم الشجر زي أي طفل برئ موهوب.  ... 
وفي يوم الميس بتاعتهم كانت عامله مسابقه احلي واحد يرسم شجره وهو اللي كسب والاطفال التانيه سقفتلو الولد طار من الفرحه اول حاجه يخش فيها يكسبها عينه لمعت من الفرحه 
رجع البيت فرحان والدو بيسألو  
- ها خدت أي النهاردة يا حبيبي ؟ بفرح وشغف 
_  الولد بكل براءة وفرحه كبيرة وخلاص هيفرح والدو بابا أنا بعرف ارسم وبحب الرسم جداا حتي شوف أنا رسمت النهاردة شجرة والميس فرحت بيا  اوي وخلت العيال تسقفلي 
- الاب بصلو بصه استحقار وخد الورقه وقطعها وضربو وقالو رسم أي أنا بعتك تتعلم ولا ترسم  وبعدين رسم أي يبني  ركز  أنا عايزك تبقي دكتور قد الدنيا ولا انتا بتفهم حاجه عايز تبقي رسام فاكر نفسك بيكاسو ولا مين 
_الولد حس بكسرة نفس رهيبه يعني اي يعني الرسم دا مش حاجه حلوه يعني الرسم دا حاجه ملهاش لازمه طب لي الميس فرحت بيا طب لي العيال صحابي سقفولي وكان نفسهم يبقوا مكاني

* تاني يوم الولد راح الحضانه  ومعندوش أي شغف ولا اي حاجه الميس بتسالو ها ياحبيبي رسمت أي وريني رسمتك الجديده 
الولد عيط وقالها بابا قطع الورقه ومش هرسم تاني وقالي مفيش حاجه اسمها رسم وسابها ومشي

# الطفل بقي عمرو 7 سنين   ودخل المدرسه ولقي عندو شغف جديد في حب الكورة كان متعلق بالكورة جدا  لدرجه ان كانو بيلعب مع الأشخاص الأكبر منو وكان احسن منهم كان بيعمل سحر بالكورة  لدرجه ان  المدرب بتاع المدرسه لما شافو انبهر بيه وفي اول فرصه  اخذو وراح اختبارات النادي الاهلي الولد لما لبس ونزل الاختبارات كان احسن واحد  بيلعب في الملعب العيال اللي معاه كانت واقفه تتفرج هو بيعمل أي في الكورة مش مستوعبه اذاي طفل في العمر دا يعمل كل دا بالكورة تحس الكورة صحبو  والمدرب بتاع النادي انبهر بيه وقالو أنا محتاجو ضروري باي تمن وانا متكفل بيه واي حاجه هيحتاجها أنا هجبهالو  قالو هكلم والدو واجيلك لأن أنا مش والدو

الابن: رجع البيت طاير من الفرحه  بابا أنا روحت اختبارات النادي الاهلي  والكابتن وافق عليا وقالي تجيب والدك وتيجي بكرة علشان نمضي واكون في النادي الاهلي وهو هيعملي كل حاجه  
الاب : كورة ؟؟ انتا روحت اذاي انتا مش المفروض تبقي في المدرسه 
الابن : اه الكابتن بتاع المدرسه خدني وروحنا 
الاب : اذاي الكابتن ياخدك من غير ما يقولي وانتا بتروح ليه فاكر نفسك ابو تريكه ولا ميسي  ركز في دراستك يبني  وفي مستقبلك  وتنسي الكورة دي خالص كورة أي يبني 
يبني انا عايز اشوفك دكتور  مش لابس شورت وفانله وبتجري قدام الناس وبتزحف علي الارض لما تجيب جون

الابن : تاني يوم الصبح راح المدرسه وقال الكابتن مش هروح بابا موافقش وكمل دراستو وقعد يرسم ويلعب كورة من ورا والدو في السر  وكأنها جريمه هيتعاقب عليها 
 

& وعدي الابتدائيه والإعدادية وجه في الثانويه جاب مجموع يدخلو الكليه اللي والدو عايزها  والدو فرح جدا وقالو كل حاجه انتا محتاجها أنا هعملهالك  اطلب تلاقي كل اللي انتا عايزو انتا رفعت راسي قدام الناس في البلد 
الولد مش عايز الطب ولا محتاج الطب ولا حابب الطب الولد  لسه املو متعلق بالكورة والرسم نفسو يظهر للناس موهبتو الحقيقيه ولكن كتم في نفسو وكمل علشان والدو
الولد دخل الكليه ومش عارف هيعمل أي داخل مكان مش عايزو وشايف ناس تانيه أحق منو بالمكان دا هو مش شايف نفسو غير في الكورة والرسم عدا الكليه  وبقي دكتور قد الدنيا 
والاب فرحان.ميعرفش ابنو مرتاح ولا لا كل الفكرة أن عايز الناس تقولو يابو الدكتور ابو الدكتور راح وأبو الدكتور جه ميعرفش حاجه عن الواد 
ابنو خلص ال 7 سنين  طب بالعافيه وقعد يدور علي اتعين في مستشفي جديد وبردو مش حابب المكان بس خلاص بقي أمام  الأمر الواقع 
وفي يوم الابن عمل عمليه غلط والعيان مات والابن اتطرد من المستشفي وبقي مش عندو حاجه خلاص حتي الطب اترفد منو 

الاب جالو وقالو : انتا فاشل انتا اذاي تموت عيان تحت ايدك. 
ميعرفش أن ابنو ميت من وهو عندو 7 لما احلامو ماتت