رواية أنا والمدمن الفصل السابع؟
؟
Part7 ؟
_انتي ناسية انك مينفعش تاكلي سكريات و دي مليانه سكر
منى و زياد بصو لبعض و ابتسموا
هي اتكسفت
_اه نسيت
=خلي بالك
_بص بقا ي استاذ زياد دلوقتي انت بتحب منى ولا لا؟
=بحبها جددا
_حلو ترضى ان حد يقول عليها نص كلمه؟
=ادفنه
_ممتاز لو حد شافكم و انتم خارجين لوحدكم مش وارد حد يشوفها من منطقتها و يتكلم عليها وارد ولا لا؟
اتكسف
_وراد طبعا
=بكرة تكتبوا الكتاب و مش هنشوف وشكم انا عارفه الاشكال دي كويس
=ههههههههه
=ههههههه تسلمي بجد
_ع ايه بس انت بس احتفظ بعواطفك دي لبعدين
زياد :شكرا اوي بجد يمكن الشيطان الي خلاني افكر كده
_عفوا ع ايه بس
زياد:بجد ي احمد يا بختك خطيبتك عاقلة جدا ربنا يحفظهالك
رزان بصدمه و احمد :بس
منى: خطيبته ايييه دي ممرضته بس ايه اللي بتقوله ده
=ينهار اسففف جدا شكلي خبطت بس عشان لايقين ع بعض
احمد و رزان سكوت تام
منى: امشي ي زياد
=ههههههه اه احسن برضو سلام عليكم ورحمة
احيانا يكتُب القدر للمرء فرصة أخرى للحياة تكون عوضا عن الخذلان♥️💫
رزان مسكوفة و بصه ف الارض
منى: اسفه ي جدعان حرفيا اسفه
_لا ي بنتي ولا يهمك
احمد بمكر و هزار
احمد:شكله بيفهم
رزان كشت ف نفسها و بصتله نظرة حادة
_اقصد يعني انه استوعب كلامك ي رزان ولا ايه
=احم اه عن اذنكم هروح اتوضا
_بس الظهر لسا مأذنش
=بجد؟طيب هروح اظبط لبسي
منى:م تخليها تمشي الله
_ههههههه تمام اه و متنسيش الدوا
هنا كانت عايزة الارض تنشق وتبلعها من الكسوف حتى مردتش عليه ..
_______
احمد في زيارة ليك
_مين؟
ظهر راجل كبير شوية
احمد ازيك؟
اندهش و بعصبية قالي
_ايه اللي جابك هنا
=حقكك بس اسمعني
_مش عايز اسمع حاجة
.........
رزان راحت تظبط لبسها و تبص ف المراية و مبتسمة اوي
بس ي هبلة مش كده ايه، (شكله بيفهم هههههههه)) ماشي ي احمد انا هوريك
___________________
_احمد ممكن تسمعني
=لو سمحت امشي من هنا جاي ليه بعد الفترة دي مش انت برضو استعريت مني اول م وقعت ف المشكلة دي؟ صح؟ايه اللي جابك دلوقتي
_سامحني يا ابني انا اسف كانت لحظة شيطان صدقني
_وانا مش هقدر اسامحك لو كنت خدتني ف حضنك و عرفت سبب اللي انا فيه دلوقتي مكنش ده بقا حالي.
جت رزان
_سلام عليكم ورحمة الله وبركاته عفوا مين حضرتك؟
=و عليكم السلام ي بنتي انا والد احمد
_اوه اهلا وسهلا نورت اتفضل
احمد:لا هو هيمشي
=هو لحق ي ابني اتفضل حضرتك لسا مواعيد الزيارة لسا بدري عليها
_انا لو عليا عايز ابات معاه ي بنتي الحق عليه ،انا ماشي و اتمنى تسامحني ي ابني
وفعلا مشي ،رزان مستغربة هو في ايه بظبط
_احمد مالك و ليه بتكلم والدك كده
احمد بعصبية
=وانتي مالك هو انتي ولية امري بتدخلي ليه انتي هنا ممرضة بس
رزان اتصدمت من ردة فعله و بدأت بنهمار دموعها
_لا طبعا مش ولية امرك عن اذنك منى انا ماشية سلام خلي بالك منه
احمد ف نفسه ي ربي ايه اللي انا عملته ده
بس انا مكنتش اقصد عايز يوقفها بس لقاها اختفت من قدامه
رزان: يا ربي كل م اتعافى الاقي نفسي اتصدمت تاني ليه انا تعبت و دموعها مش قادرة توقفها وولا شايفة قدامها فجأة خبطت ف حاجة
بصت قدامها ،شاب طويل القامة حنطي البشرة واضح عليه ملامح الجمال و الاناقة
_مش تفتحي انتي عامية
زادت عياط
=اسفه م معلش
_ايه ده انا اسف معلش بس خبطتيني جامد طب انتي كويسة طب ممكن اعرف العيون الحلوة دي بتعيط ليه
اتوترت و خافت
=عن اذنك و اسفه تاني
و مشيت
=متديتليش وش بس قمر
ركبت المترو و قعدت تفتكر كل لحظة من ساعت م دخلت المصحة لغاية م احمد زعقلها فضلت انها تشغل قرآن لغاية م توصل افضل و جت الآيه المفضلة ليها
(ولقد نعلم انك يضيق صدرك بما يقولون فسبح بحمد ربك ) (وكن من الساجدين ) (واعبد ربك حتى يأتيك اليقين)
الحجر..
بدأت بالتسبيح لغايةم وصلت .....
__________
منى:خد الدوا عشان تنام
_اطلعي بره و مش هاخد حاجه و مش عايز اشوف وش حد
=ايه الهبل ده مينفعش
_سمعتي ولا اسمعك بطريقة متعجبكيش؟
=ع راحتك ماشي
قعد يلوم نفسه ع اللي عمله مع رزان مسك فونه و فتح محادثتها
_انا اسف ع اللي حصل
بعدين مسحها قبل م يبعتها
________
الوالد:مالك؟؟
اتوترت
_مالي ي بابا في حاجة دخلت ف عيني بس
=متكدبيش عليا انطقي
_مفيش منى صحبتي اتخانقت مع خطيبها وانا اتأثرت بيها بس
=متأكدة
ارتبكت اكتر فهي عارفه والدها كويس اوي بس صممت ع رأيها
_ايوا ي بابا يلا هروح اغير و انام
=اتغديتي
_اه الحمدلله
=يلا هطلع اريح شوية
طلعت ع اوضتها و انفجرت في العياط من جديد بتكلم نفسها:تبقي غلطانه اذا حد حبك فوقي من اي وهم ممكن تحطي ف بالك اهو اللي لسا كنتي بتقولي عنه كويس و بدأ يتعدل اديكي شوفتي اداكي الم فوقكك قعدت ع الحالة دي لغاية م نامت
كريم(اللي خبطت فيه رزان)
_مازن:اي ي ابني مالك سرحان ف ايه
=خبطت ف وحده بس ايه
_حلوة؟؟
=هو انا شوفتها انا شوفت عيونها بس قمر بس كانت بتعيط معرفش ليه
_عيونها؟؟ منقبة يعني
=اه
_امم مليش اي علاقة بيهم صراحه العب العب
........
بينما احمد:العمل انا عارف انها اتجرحت مني هي بتوضح انها قوية بس انا عارف اد ايه هي ضعيفة....
منى:رزان احمد مش راضي ياخد الدوا ،رزان انتي كويسة
قعدت تبعتلها ف رسايل اد كده
رزان نامت لغاية الفجر من التعب و الارهاق
_سلام عليكم ورحمة الله ي منى ازيك معلش كنت نايمه
=وعليكم السلام كل ده نايمه انتي كويسة ؟؟
_الحمدلله
=بقولك احمد مرضيش ياخد الدوا
_منى انا مش هقدر اجي تاني المصحة
=نعم؟؟؟ لا ي رزان مصدقنا بدأ يتحسن لو سمحتي هينتكس تاني عشان خاطري
_اسفه ع الاقل مش دلوقتي
=شوفو كنتو بتتعاملوا معاه ازاي قبل م اجي
_ربنا يستر المهم انتي كويسة صدقيني يمكن مكنش يقصد
=حصل خير قايمه اصلي
______________
الساعه ١٠ صباحا
الوالد:رزان قومي
_صاحية ي بابا
=غريبة انتي مش رايحه انهاردة المصحه دي؟
_لا ي بابا هاخد اجازة اسبوع
=ليه؟؟ رزان قولي حصل ايه المريض ده اتجنن عليكي احكي؟
خافت تقوله اي حاجة عارفه انه عصبي و بيخاف عليها جدا
_لا ي بابا ماله المريض بالموضوع بس
=ماشي براحتك ع العموم اهو تقعدي معايا و تتابعي شغلي الجديد و اخد رأيك
_ليا الشرف
=ليا الشرف؟؟؟ لا انتي تعبانه بجد
_ياه كل ده عشان بقيت مؤدبة ابقا تعبانه
حاولت انها تخفي حزنها و تضحك
=طبعا مش واخد عليكي مؤدبة
_سمعتي حسنه كده هههههه
_____________
مر ٤ ايام و رزان مخرجتش من بيتها واحمد حالته بتزداد سوء
_منى:سلام عليكم ازيك ي رزان
=وعليكم السلام ورحمة الله وبركاته عاملة ايه وحشاني جددا
_حبيبتي وانتي كمان
=هتيجي امتا ؟
_لسا معرفش
=خلاص بقا عشان خاطري
_صدقيني هحاول اجي قريب
كانت هتقفل الخط
بلهفة مخفية
_منى؟ هو احمد عامل ايه؟؟
=بصراحة مكدبش عليكي رجع اكتر من الاول
_بتهزري،؟ مش قولتلك تخلي بالك منه
=والله كل م ادخل عليه يزعق و يكسر ف الحاجة اللي جنبه
_لا حول ولا قوة الا بالله
..........
احمد:يارب بقا هي مش هتيجي تاني انا عارف اني غلطت بس مش طالب غيرها دلوقتي هي الوحيدة اللي قادرة تسيطر عليا و ع حزني فجأة سمع اذان الفجر
قام و استغفر و صلِّ
هي ع سجادتها يارب اشفيه و عافيه يارب خلي احسن يارب
فونها رسالة من احمد
_انا اسف و لو اعتذرت من هنا لسنه قدام مش هتسامحيني بس انتي مش عارفه سبب زعلي انا عارف انه مش من حقي ازعقلك مهما كان السبب ايه انا اسف بس املي الوحيد تسامحيني عارف انه صعب بس جربيني تاني و صدقيني مش هعملها تاني خلي قلبك كبير زي م استحملتيني الاول ف وسط عصبيتي ،انا من ساعت م مشيتي و مبخدش الدوا و حالتي ف النازل و حطينلي مغذيات لو سمحتي سامحيني و تعالي تاني و اوعدك مش هسمح لنفسي او لغيرك يزعلك .....اسف ي دكتورة رزان مريضك:احمد ):
قعدت تقرأ ف الرسالة و تعيط تكلم نفسها تقول انا اللي اسفه انا خليتك تنتكس بس غصب عني بس انا م صدقت وثقت فيك.....
قررت تعمل كده عشان ربنا و تديله فرصة تانية
= وعليكم السلام ورحمة الله وبركاته انا جاية بكرة ان شاء الله سلام عليكم ورحمة الله وبركاته
قعد يقرأ و مش مصدق بجد هتيجي
_شكرا يارب شكرا اوي
ناموا هما الاتنين بسلام اخيرا
__________
الساعه ٨ الصبح
_صباح الخير يا بابا انا نازلة
=ي بنتي مش قلتي هترتاحي
_كفاية كده ي بابا ارتحت يلا بحبك اوي خلي بالك من نفسك
=وانتي كمان حبيبتي اسمعي احتمال اتأخر انهاردة عندي شغل
_الله يوفقك منتساش دوا الضغط و كُل كويس
=حبيبتي وانتي كمان
_ان شاء الله يلا سلام عليكم
______________
في طريقها نزلت من المترو
فجأة صوت من وراها
_ايه ده ام عيون قمر
اتخضت
= في حاجة ي استاذ
_ايه ده مش فكراني اه صح هتفتكريني ازاي كنتي عميانه عياط
هي افتكرته بس مرضتش انها تتكلم
=عن اذنك خليني امشي
_اتفضل ي قمر بس سؤال انتي ساكنه هنا؟
=ميخصكش عن اذنك بقا
_اتفضلي
خافت و كشت ف نفسها و راحت جري ع المصحة عشان هي بتخاف من اي معاملة ف الشارع نسباً لانها كانت عايشة بره طول عمرها(السعودية)
..........
احمد:منى هاتي الدوا يلا
استغربت
=بجد هتاخد الدوا عيوننني
_يلا بس قبل م توصل
=هي مين؟
_ييه نسيت اقولك رزان جاية انا اعتذرتلها
=كويس ي الف نهار ابيض اتاريك فرحان و فاتح الشبابيك و مظبط كل حاجه
_يلا يلا هاتي و تعالي نظبط الاوضة عشان تفرح و هاتي لوحة او ورقة عشان اكتب عليها انا اسف
=ي عم ي عم ماشي خد الدوا انت بس و انا هظبط كل حاجه
بالفعل عملوا كل حاجه وفجأة رزان دخلت شافت ورقة كبيرة مكتوب عليها اسف دكتورتي متدش اي اهتمام
_منى؟؟؟؟وحشتييني
=بكاااشة وحشتك حتى مقولتليش انك جاية حبيبتي وانتي كمان اوي والله المصحة كلها نورت من تاني
احمد بتوتر
_احمد:احم سلام عليكم
=و عليكم السلام منى طمنيني عليكي
ساعتها عرف انه مش بالساهل هتسامحه بس برضو افضل انها متجيش خالص
"أحدهم يسوده شغف رؤياك، يقلقه بعدك، يطمئنه قربك، لا يهون عليه حزنك، يربكه توترك، يتحمل عباراتك الغير مفهومه، صمتك الذي لا يُطاق، مزاجيتك المتأرجحة، يتقبلك بما أنت عليه.
أحدهم يبتسم كلما تذكرك وأنت لا تُبالي "
💛
_رزان ازيك
=الحمدلله منى انا رايحه اجيب شوية حاجات من تحت
_رزان استني
و قبل م تمشي
_هو اول واحد طردني
كانت الكلمة دي كفيلة توقفها لفت براحه لقيته دمّع
_هو اول واحد طردني لما عرف اني روحت من غيره عشان اتقدملها، ساعتها روحت ماشي و اتعرفت ع صحاب السوء و لما روحلته بعد اول جرعه و مش شايف قدامي ساعتها ضربني و قالي مشوفش وشك تاني انت مش ابني وساعتها روحت لحد من صحابي كان هو النجدة ليا و قال لأمي و جابني هنا
رزان مقدرتش تتمالك نفسها و بدأت تعيط بحرقة و نزلت ع ركبتها و هي بتقول
=ازاي اأزاي اب يعمل كده
منى:اهدي عشان خاطري قومي
=اهدى ازاي كان مفروض يفهم انه خسر حبه الاول ياخده ف حضنه يحتويه
احمد:رزان لو سمحتي عشان خاطري متزعليش انا بقولك كده عشان تقدري موقفي مش عشان اشوف دموعك دي عشان خاطري خلاص
_أأسفة ي احمد مكنتش اقصد عشان خاطري سامحني
=اسامحك ع ايه انا اللي عايزك تسامحيني لو سمحتي امسحي دموعك خلاص بقا
حب يلطف الجو فقال
=ي منى امسحي دموعك و انتي عيونك قمر كده وانتي بتعيطي
ساعتها بصتله بصة سريعة لقيته مبتسم
اتكسفت زيادة
_خلاص بقا
منى:عارفه كلهم بيقولولي عيوني حلوة
احمد ف نفسه هي صدقت ولا ايه ههههههههه
_هههههههه خلاص اهو هقوم اغسل وشي
=ياريت
منى: طلعت حساسة اوي بجد صعبتوا عليا انتم الاتنين
_حرفيا مش عارف ازاي زعلتها انا حيوان اوي .....
=احم انا جيت
_نورتي بس ايه عليكي عيون و هي معيطة خيال
بصوت جعفر
_نعم؟؟؟؟
=ي منى عيونك حلوة
اتكسفت
_كلمي ي منى
=ربنا يشفيكم
_هههههههههههه ،اسكتي مش خبطت ف واحد من ٤ ايام و لسا مقابلاه
احمد بعصبية و غيرة
_واحد مين؟؟
=معرفوش بيقولي اول مرة مش تفتحي و لما لقاني بعيط.بيقولي اسف العيون القمر زعلانه ليه
_و هو مال اهله قمر ولا لا شوفتيه فين ده
=قريب من هنا و انهاردة بيقولي ام عيون قمر قلتله عن اذنك قالي اتفضل سألني انتي ساكنه هنا قلتله ميخصكش و خليني امشي
منى:انما قليل الادب صحيح
احمد:ماشي ماشي
رزان:انا جعانه اوي تحبوا ناكل ايه؟
_اي حاجه
احمد: في مطعم قريب هنا بيعمل شاورما بتحبيها؟
=جددااا
_تمام وعشان اصالحك ع اللي عملته انا اللي ادفع
يعند رزان
=لا
_مفيش لا هدفع اعزمينا ي ستي ع بيبسي
=ماشي و ايس كريم
_بس ي ماما ممنوع السكريات
=ع اساس البيبسي ده ينسون؟
_ماشي هزمتيني معاكي دواكي؟
=ف الشنطة
_يبقا 1-0 ليكي
_ههههههه تمام يلا خلونا نطلب دليفري
____________
في المكتب
_مالك ي استاذ عمر
=مفيش حاجة ي استاذ محمد
_شكلك مش مطمني قولي مالك
اتنهد تنهيدة تعبر عن حزنه
=ابني
_ماله؟
=انا جرحته واكتر وقت احتاجني فيه خذلته و حكاله
ساعتها والد رزان معقول هو؟؟؟؟
_بص انت تروح تعتذرله طالما عارف انك غلطان و خده ف حضنك و لو عايزني اجي معاك معنديش مشكلة
=تفتكر هيوافق؟
_هيوافق
___________
احمد:لسا زعلانه؟
_والله ابدا اتمنى تسامحني انت
=مسامحك والله انا مخدتش الدوا من ساعت م مشيتي ولا ايه ي منى
_قلتلها والله
أذن المغرب
=رايحة اتوضا
_تمام و انا كمان من بعدك
"تلك الشخصية الحديدية التي دومًا كانت صلبة قوية مع كل غريب عنها ..
فتصبح فجأة شخصية لينة هادئة معه وكأن قد أصابتها لعنة" 💫♥️
#انا_والمدمن
