قصيدة فى هذا الركن
إذا أردت أن تعرف شخص جيداً ابحث عنه فى مدوانته ومنشوراته .
لست من هواة كتابة مقدمة قبل البدء فى قراءة القصيدة ،ولكن لأن هنا الجمهور مختلف ويطلع على أعمال الكتاب للمرة الأولى فى بعض الأحيان ، لذلك اعتقد انه من الأهمية أن اوضح أساب كتابتى لهذا النص والهدف منه …
أولاً، فأنا أميل دائما لكتابة الواقع الذى نعيش فيه،، وعيش بداخلنا الواقع الذى يجعلنا نتخبط فى بعض الأحيان ، كلما أردنا النهوض فتخذلتنا المواقف، والأشخاص، في هذا الركن هى قصيدتى ولأننا كأشخاص تذبحنا المواقف نميل إلى العزلة والى الركن الذى يحتوينا ويطيب تلك الجروح .
إليكم الكلمات.
.فى هذا الرُكن
وزي الطفلة بتعلق ف كل جديد
فيأي حاجات مبعرفهاش
كإني بجرب اعرفها
واجَرح روحي م الطنطيط
وانا مش قصدي اجَرحها
انا كان همي أتعلم
أعيش ف زمانكم المزعوم
انا مقدرتش اني أعوم
في بحر بيشتهى الدمعات
ضمير الحي كان أقوى
من الغدر الذي صابني
ومن هذا الوجع بالذات
ولوبنميل لهذا اللؤم والتزييف
ل..كنا قدرنا نتبارز ..نزيف بنزييف..!
أنا من نفسي هاستبعد
حاجات من جنس هذا الكون
بناقص كل شيء هايكون
بيرضي بس أطماعكوا
انا سبتلكوا باب واحد
يرد ف وش افعالكوا
وكانت فكرة اني اعيش
أخبط ف اللي معرفهوش
أساساً كان قرار خاطيء
وسبت حياتي ع الشاطيء
وجيت من تاني ارجعها
فشافها الموج سحب فيها
وعادي طبيعي يوجعها
حياه مرميه مكشوفه
ومين هايهموا يحميها
أنا مش قصدي اضيعها
انامقدرتش الاقيها
وقفت وسبتني للحظات
بلاش اكتب ف هذا الوقت
يجوز م الحزن اكون اخطأت
وانا مش طبعي اكمل بيت
كل حطانه كات واقعه
أسد ف جمب تاني يميل
وانا مش حمل هد الحيل
في هذا الركن ياما بكيت
وجيت على همى واتحديت
وشاهدة مرايتى ع الواقعه
خصل مبرومة م التوهان
وكحل سواده غطا الليل
ولون فستان مانيش حباه
لبستو عشان اتوه جواه
وأمحى ل روحى أي دليل
....... .......
سهرت كتير
ابرمج قلبى مايخطيش
ولا يعامل بشر بأمان
يادوب اغفل يروح ب مافيش
يأمن كل كائن خان
وقال إنسان
يادي الخيبة على الركن الي برجعله
وقَطع قلبى م الأحزان
يادى الفستان ويادي الكحل والمريات
وهات ياعياط
واكسر كل مرة حاجات
وارجع تاني اجمعها
حاجات مشروخة من جوة
وقال ...عمالة المعها
انا والله مش عارفه
اكمل بيا تانى ازاي
وانا جوايا فكر سخيف
يارب ياتبعد العالم
ياإما تسيبلي قلب نظيف
انا دلوقت مش هاشبط
في أي حاجات مابتلقليش
وهاشرب قهوتى مانو
ومش هالبس علي الموضة
وهاقعد بردوا ف الاوضه واطفي النور
........
الشاعرة دعاء النمر .
