نصائح هاتفيدك في أول يوم جيم ليك
8 نصايح هاتفيدك فى اول يوم چيم ليك 😉
قبل ماتقرر انك تروح جيم وتنتظم فيه فى اساسيات لازم تبقى عارفها علشان ماتتفاجأش وحسابتك تبوظ وبالتالي مش هاتحب تنزل الجيم أو هيبقي الموضوع مرهق بالنسبة ليك
1- حدد انت رايح الجيم ليه؟
لازم تبقى محدد هدفك وكل ماتلاقى اسباب مقنعة لاشتراكك هاتكون منتظم وهتلاقى الدافع اللى يخليك تستمر عشان لازم تكمل.
2- اختار المكان الصح :
قبل ماتختار الجيم اللى هتروحه لازم تعرف اكتر عن المدربين اللى فيه، نظافته، الأمانة فيه بحيث تبقى رايح مطمن، واحنا فى AS GYM اكتر مكان هتلاقى فيه كل اللى محتاجه 💪
3- الميزان مش مقياس :
ماينفعش كل تركيزك يكون على انك تخسر وزن على الميزان، لأن الميزان مش مقياس ، ممكن يكون جسمك وزنه مثالى لكن مش متناسق مع بعضه .
4- الدايت مش كفاية :
الدايت هو نظام بتمشى عليه فترة في الجيم ولما تبطل جيم بتوقف الدايت ، فلازم تتعلم تاكل كأسلوب حياة مش بس مجرد نظام تمشى عليه فترة وتوقف ، واحنا هنقف جنبك وهنعرفك هنا ايه الاكل اللى بيفيد جسمك وايه اللى هيضر جسمك فتابعنا 😉
5- متخبيش حاجة عن المدرب :
لازم تبقى عارف اذا كنت بتعانى من امراض معينة تمنعك من ممارسة الرياضة ولا لا، وايه التمرينات والأجهزة اللى ينفع تلعب عليها، فلو كنت بتعانى مثلا من خشونة الركبة لازم تقول للمدرب.
6- لبسك والأجهزة :
اختار لبس مناسب ميكونش عائق ليك ومريح وانت بتتمرن يفضل يكون واسع وقطن ومريح ف اللبس .. اعرف اسماء الأجهزة واعرف كل جهاز بيفيدك فى ايه، ودا دورنا هنا، تابعنا وهاتعرف الأجهزة الموجودة وهتفيدك ب ايه.
7- بلاش تبقى سخن 😃 :
بلاش تدخل سخن وشديد وعنيف فى التدريب، علشان ميجيلكش شد عضل او اى مرض تانى، اسمع كلام المدرب علشان ماتتعبش.
8- لازم تبقي أسد يلا ف ايه :
بعد اول يوم تمرين طبيعى انك تحس ان جسمك واجعك، فعلشان تقدر تكمل بعد التدريب خود شاور بعد التمرين واشرب حاجة دافية، وابعد عن المسكنات والادوية اهم حاجة.
