موقع اموالي و المقالات

مش هكتب بلغه عربيه فصحى مع ان املك الادوات وكمان عندي المعرفه البسيطه بأساسيات الكتابه  واللغه العربيه ولكن المقاله دي  هي بدايه لشئ الله اعلم  هيبقى ايه  .

موقع اموالي فكرته  اللي وصلتني والله اعلم اذا صح او لا  هو موقع لكتابه المقالات وده هدف  جميل ولكن مصحوب  كمان بمكسب الفلوس وده هدف اجمل اني اكتب مقالاات وبعدد مشاهدات قد يكون معين او حتى مش معين فكره اني اكتب وممكن واحد لا يعرفني ولا اعرفه يقرا ويهتم لمجرد حبه للقراءه فده شئ عظيم انا في البدايه دخلت  الموقع لكسب المال فقط الصراحه بس محبتش الطريقه اللي  اللي اغلب الناس بتستخدمها لان غالبا كله فيك وتعبيت مكان بس 

بس من اليوم قررت اني على الاقل مره اسبوعيه هكتب شئ اكون واثق اني ممكن افيد بيه اي حد ومش هستنى مكسب بس لو فيه مكسب اكيد مش هقول لا

مش عارف اصلا المقاله دي هيتوافق عليها ولا ولكن هي محاوله للفضفضه مش اكتر سواء اتوافق عليها او لا

انا حاليا بعاني على الصعيد المالي والنفسي والاسري انا بعاني لاني مش عارف ليه وصلت كده او بدعي اني  مش عارف مع ان في حاجات كتير كنت بعملهاا غلط

ومازلت ومش راضي عنها  والحله بتسوء ده ممعنيش اني ابطل مع ان الظاهر مع الناس اني  انسان كويس وانا في من جوايا عارف اني مش كويس 

الناس  وماداراك ما الناس انا تجنبت كل البشر وبقالي فوق السنه في البيت بعيد كل البعد عن الناس ومشاكلهم بعدت  لاني تعبت ومبقاش عندي القدره ان لما حد يقولي حتى صباح الخير اني ارد عليه

السماح الكلام مش منظم ولكن هي مجرد بدايه لفكرة في راسي ومعرفش هتستمر ولا لا بس اتمنى اني على الاقل كل اسبوع اكتب  حاجه هنا مش هقول مقاله بس ممكن نقول خواطر هحاول اقول كلام حقيقي عشان حتى مع الزمن ابقى ارجع واقرا اللي انا كتبته اللي غالبا وقتها هقول ايه التفاهه دي وايه الاسلوب ده لان ده حصل بعد ماعدا اكثر من 15 سنه من كتاباتي في الشعر لما  بقراها حاليا بضحك خصوصا اني مش فاكر  حتى كتبتها لمين 

احنا في زمن صعب خله الناس كلها متفكرش غير في الماده واللي معاه الماده مش حاسس بقيمتها او او محافظ عليها بزياده انا كنت املك فلوس وفلوس كتير وابدا السعاده ما عرفت طريقي 

الموقع عجبني لان هقدر اكتب هكتب يه ولا ليه ولا لمين مش مهم المهم اني اكتب صحيح  ممكن افتقد الورقه والقلم  والشخبطه حوالين الورقه و الكلام لكن هي تجربه في نظري تستحق ان اعيشها حتى لو كانت وهم ومحدش هيقرا لان مش همي ان حد يقرا من الاساس على قد ما محتاج اعمل كده