هاري كين الي مانشستر يونايتد اقترب الحسم 💯

صفقة هاري كين لمانشستر يونايتد لازم تتم بأي شكل.

حرفيا هتكون أهم صفقة لاعب في النادي منذ صفقة رونالدو و روني ورا بعض.

تين هاج كان جيد جدا دفاعيا في مباريات كتير، اهو هاري كين باهدافه هيساعد الفريق حتي دفاعيا و يخليهم يلعبوا مرتاح اكتر.

تين هاج اهتم جدا باللعب المباشر في صناعة الأهداف استغلالا لنقطة قوة برونو فيرنانديز، اهو هاري كين عظيم تهديفيا بشكل مش محتاجين نتكلم عنه.

صناعة الأهداف هيشيل شوية من المسئولية عن برونو، هاري كين صانع فوق ال ٥٠ فرصة محققة هذا الموسم.

التاقلم، مش محتاجين نتكلم أنه قرب يكون الهداف التاريخي للبطولة نفسها.

قائد في الملعب:  هو اصلا قائد منتخب انجلترا منتخب المشاكل

بصراحة مفيهوش عيب غير أن المفاوضات مع توتنهام صعبة اوي زي ما حصل و السيتي فضل طول الصيف بيجري ورا هاري كين و مجبش حد في الاخر.

غير كده مانشستر يونايتد لازم يدفع كل الفلوس في هاري كين ولا ننسي أن انتوني ب ١٠٠ مليون يا ادارة الشياطين الحمر. فننجز بقي

عشان نشعل المنافسة ودي اهم صفقة للمان يونايتد وممكن يكون ليهم مكانة عالية في دوري الابطال في حالة وجود مهاجم زي هاري كين يبحث عن البطولات واتمني من ادارة مانشستر انها تبذل جهد كبير لضم النجم الانجليزي هيكون نجم في مانشستر وقائد مانشستر دا كان قائد المنتخب الانجليزي وانا شايف مستقبلا ان الي هيكون منافس هالاند وصلاح هو هاري كين وهيزود المنافسة وهيعلي بالمستوي اكتر لو انضم للشياطين الحمر ومش محتاج اتكلم عن هاري كين اكتر من كدة لانه من اكتر اللاعيبة الاندريتيد في التاريخ من وجهة نظري الذي لا قيمة لها اتمني مانشستر يونايتد يحسم الصفقة قبل ماتتخطف منه لان النادي الالماني البايرن ميونخ في حاجة الي مهاجم ايضا بسبب سوء مستوي شوبو موتينج الكاميروني والصفقة هتتحسم من ٣ نواحي اول حاجة قيمة الصفقة وتاني حاجة هي اي الفائدة الي هترجع لتوتنهام غير الماديات وتالت حاجة هي رغية اللاعب وانت من وجهة نظري اللاعب يحتاج الي بطولات وايضا مانشستر انا كدة خلصت اتمني اكون فيدتكم والسلام عليكم ورحمة الله وبركاته