التضخم وعلاقته برفع الفائدة الأمريكية.
من منتصف 2022 و قد شاهدنا وسمعنا اخبار رفع الفيدرالي الأمريكي وذلك للحد من تأثير التضخم
فما علاقه رفع الفائدة بالتضخم وما هو التضخم أصلا؟
وكيف يتم تقليل تأثير التضخم برفع الفائدة؟
التضخم
التضخم باختصار هو ارتفاع سعر السلع أي نقص القوة الشرائية للعملة
مثال : لو انت من فتره سألت مثلا على شاشة لاقيت سعرها 5000 جنيه فقولت انت تحوش كل شهر مبلغ الف جنيه لحد الشهر الخامس
جمعت مبلغ ال5000 جنيه بس اتفاجأت ان سعرها بقا 5500 جنيه دا كدا تضخم ( نقص القوة الشرائية للعملة)
الفائدة الأمريكية
امريكا من منتصف 2022 وخاصة بعد الحرب الروسية الأكرانية والتضخم وصل عندها لمعدلات غير مسبوقة لم يصل لها من قبل
فبالتالي رفعت الفائدة مرات كتيرة واغلب المرات كانت بترفعها بمقدار .5% نصف بالمائة ودا رقم كبير بالمناسبة لو عرفنا ان الفائدة
كانت قبل كدا 2% 3% لتصل مقدار الفائدة في نهاية 2022 ل 5%
طب بقا علاقة الفائدة بالتضخم؟
لو حابب تعرف اكتر عن التضخم فقرأ هذا المقال( التضخم وكيف تحفظ قيمة أموالك)
العلاقة بين الفائدة والتضخم
كل اما البنك الفيدرالي الأمريكي بيرفع الفائدة فأغلب الناس والمستثمرين بيفضلوا المكسب السهل بتاع الفائدة عن المخاطرة
فبتفضل تحط فلوسها فالبنك و تاخد الفائدة فالمقابل لكن دا ليه تأثير سلبي على الاقتصاد علشان بيحصل ركود لنقص السيولة
في ايد الناس فبالتالي السلع كدا سعرها يكون غالي على الناس انها تشتري لو السلعة كدا غيبت فترة لا تباع فيضطر صاحب السلعة
انه يخفض سعرها وبكدا تكون ساسية البنك الفيدرالي ناجحة بالقضاء على التضخم ولكن البنك كل شهر اما يجتمع يلاقي معدل التضخم ما
زال مرتفع فيقرر رفع الفائدة بمعدلات اكتر وصلت في مرة الى 75.%
ولكن دا ساعتها بيخلي معظم الأقتصادات النامية تتأثر ويحصل تباطؤ فالاقتصاد ودا اللي حصل مع مصر لنقص السيولة الدولارية
جعلت الحكومة المصرية تتطرح العديد من الشركات للبيع ولو عايز تعرف اكتر عن الطروحات اقرأ هذا المقال (ما هي الطروحات)
طب الناس اللي عايزة تحافظ على قيمة فلوسها تعمل اي ؟
أغلب الناس فالأزمات بيلجأوا للملاذ الأمن وهو الذهب وانا كتبت مقال عن ليه الذهب يعتبر الملاذ الأمن
وفيه طرق تانيه كتير لو عايز تعرفها فأنا كاتب مقال بعنوان ازاي تحمي نفسك و تحفظ قيمة أموالك من التضخم
